冠好重要，但隊波嘅mentality 都好重要，曼依幾年坦sir幫佢地令到兩隻足總盃，但最後原來都仲係千瘡百孔，咁又想點呢
上面有人講如果keep住前四，搵爺爺繼續教咪得，唔好意思，你去到雲爺爺尾水教阿仙奴已經睇唔到有乜form打到出黎，完全係由球員freerider，可以肯定係如果爺爺係到，頭6都未必會有，歐霸歐協聯都未必有，所以爺爺其實應該真係fa cup個年就退落黎，都叫有個盃仔送爺爺，大家開開心心分手咪算，結果爺爺教多年，大家都叫佢走，去到中尾期爺爺入左奧巴拿卡一堆人，爺爺都叫有洗過下錢，同埋當時英超未到依家個市場價格咁膨脹。
到愛sir，初頭一季叫做tune得ok，第一季歐霸決賽輸比車，令頭5，第二季佢開始搞唔惦更衣室，之後傷兵問題，班人個mentality 愈黎愈唔惦，xhaka同球迷對鬧，然後搣柴，無好好保護球員，件事一直無處理。隊波愈踢愈差，對閘傷左，無解決防案，防守問題無解決到，最後雞左。
到達sir，一上場，直接3中堅解決問題先，起碼個時達嘅三中堅係個5-6年黎最穩固嘅防守，盡量發揮球員優點，打穩守防擊，就咁樣令到隻fa cup。之後個季佢第8，個時一開始諗住3中堅穩守反擊，之後已到開始攻唔入，去到11月尾定12月轉返4後衛，都試過9981斬，搵ESR打中間，saka個季開始打右翼，之後打下打下，隊波run順左，個時最記得睇到懷疑人生就係歐霸贏波，英超又輸波，之後自己覺得邊場波救左達，就係隊波咁西都贏到車仔，個時好似都有風話如果對車仔輸左就雞，結果挨過左，冬窗借奧迪加特，個季最後55分。
之後個季單線作戰，印象最深刻都係對曼城嘅波，個季講緊開季幾連敗，車仔、作客曼城講緊輸5比0，應該個刻都無人諗過幾個月後主場可以迫到曼城1:2，雖然都係輸，但睇到隊波成長緊，之後又一堆傷兵，最後輸熱刺，本身個季有機會入前四，但最後8定10場失分太多送左前四比熱刺。
前季，到耶穌、真高加盟，個季大家諗住保前四，無諗過最後成個上半季可以lead住第1，去到中段比人睇穿識點守同攻，個季係依幾季之中最好睇。但可惜單一戰術，耶穌一傷就玩完，去到4月都仲可以同城一戰，係講緊你上季仲比人大炒，無諗過主場可以贏利物浦，因為主場好多年都和波收場，依年欠缺穩定性，相隔左6定7年再打返歐聯。
上季，隊波同城鬥到最後，係差2分，講緊一場波，由幾年前嘅58到上季嘅89分，依年係第一次贏曼城，好似都有7年無試過係曼城身上令到3分。依季最深刻係對拜仁個兩場怯場，踢落黎水準以下，當然杜曹setup得好好，相隔多年入歐聯八強。
今季最深除左曼城個場大勝同主客皇馬贏波之外，當然仲有英超球証嘅判決不一，好多波第二場就回力標返，人地delay start無事，阿就黃牌，所有標準都唔一致，今季係覺得對住咁嘅判決，令到第2都覺得好好。
你會見到隊波咁多季以黎都一直上升緊，炒達？或者有可能，但覺得未係時候住，每年都有新野睇，有新諗法點樣去改進隊波，可能阿仙奴依十年左右一直處於一個低位，所以阿迷都比較好耐性比時間領隊，因為隊波由變big6不勝，變做對big6不敗，我諗都足以令到阿迷繼續撐落去。
班友好似當左阿迪達係神咁拜. 其實佢黎阿仙奴之前都只係助教, 未prove 過自己, 黎左阿仙奴都只係執艾美尼半季贏fa cup. 到佢自己揸莊之後就未贏過盃.
