人生短短80年，頭10年都無自立能力，10-20歲辛苦讀書，亦無咩自由。
好喇，30歲好未？有少少錢可以自立，然後你人生30-60歲就辛苦工作，為業主供樓? 做錯野怕比人炒 (冇工作證明冇業主肯租樓比你架)，低聲下氣，8點準時鬧鐘響，做到星期六、日，基本個人都散哂，要休息。星期六日，訓覺。
你人生30年，最寶貴、黃金果三十年，就為咗工作、幫業主供樓，日日一大早起身，做重覆既事，似螞蟻、似機器零件，完全放棄自己既未來。為咗咩？自由? 想放假就放假? 興趣? 得閒去旅行? 然後60歲住老人院? 連一個自己地方有瓦遮頭既地方都冇?
仲要你租三十年，人工1/3比左業主。即係你成個人生係為咗所謂既自由而為業主做牛馬，奉獻自己既一生。
但仲係有人覺得好有成就，有成功感。
我真係理解唔到。
你哋人生係為咗咩。租樓租到60歲，差唔多死，幫業主供滿一層樓, 睇住佢啲仔女入住你供滿既樓, 然後自己住老人院，你一生人究竟做過d咩。
我寧願慳慳地買一層屬於自己既細細地既樓，慢慢供，最少係自己地方， 唔使返工又睇人面色， 放工又要睇業主面色， 想換盞燈都要先問業主同唔同意，人生大把野做，無必要活到咁慘。
我朋友住私樓，唔洗睇業主面色，想裝修就裝修，有自己風格，供樓都可以去旅行，又儲緊錢移民。咁先叫做有少少自己人生呀。
