[khara × SUNRISE] 機動戰士Gundam GQuuuuuuX（ジークアクス） 集中討論 10

#448 的巴打見解。GQX地球聯邦實力資源設定，似乎冇正史咁恐怖。

自護同聯邦的資源物量差距設定，似乎冇正史30倍咁大。

睇你點理解做統一宇宙

連戰時中立既side 6，戰後side 內既領空都係屬於自護

咁同全面控制宇宙無乜分別

修正少少：

- 自護“入侵”地球失敗（用詞要正確）。
- 聯邦亦失去對宇宙的控制，得番地球。
- 自護同殖民衛星“實際獨立”，地球聯邦得把嘴硬拒不公開承認，但無力推翻實然現實。
- 同時自護亦冇能力繼續用戰爭手段，迫得番地球的聯邦政府“接受現實”。

於是就由1年戰爭的熱戰，變成宜家的冷戰狀況。

咁地球本身唔算宇宙的一部分？

動畫/設定集邊度有提聯邦無承認自護獨立？

想知邊度睇漏左

大炮都係V作戰之一
火力同防禦本身仲勁過高達
只係差咁支光劍

點解量產到魔霸又離唔開產線及早大改，本身自護輸俾聯邦除左資源差距，米粒武器技術差距都係一個因素
，馬沙搶到高達返黎逆向工程自然令佢地行少好多冤枉路，慳返啲時間資源直接生產啲真係勁既野，而唔係正史嗰一大堆神奇產物

反之聯邦冇高達冇阿寶就行左去厚甲大炮既加農路線，磁氣覆膜85年先攞出黎玩我估唔係因為技術差左個博士廢左，而係喺聯邦跟本唔需要，佢地主流成隊出黃冇紅藍，一齊玩加農唔追求更高既運動性（係得C子依啲特別偏科既玩立體機動）連攞黎測試既都係自護既勇士而唔係聯邦機，今集連魔鬼魚都可以變左隻唔識變形既炮台

少左堆傻9海產已經好好多 專心研發可以一換多嘅先有機會

綠大叔幾時先出商品

因為係休戰協定：雙方只提到“休戰”。並冇包政治地位問題。

所以可以理解成聯邦唔肯“公式承認”自護獨立的事實。

正史的“終戰協定”，係講到明“承認自護共和國的自治權”，有清楚的政治地位描述。

因為真係唔同人，漫畫版馬沙神化得太勁
就好似星塵遠征嘅DIO同超越天堂嘅DIO咁

然後垃圾月高既漫畫入面…

其實係動畫對手太強顯得佢廢
對非NT黎講同馬沙之間實力都係有條鴻溝
Z俾人笑係脫出型NT但揸百式俾卡碧尼同The-O追殺仲有命走出黎冇乜幾多個做到

北宋之壼撒退奧迪沙時同正史唔同，已經攞到足夠礦物
劇場版有講但未播

越諗越覺得安琪仆街 神又係佢鬼又係佢
X啲日本仔仲話回收商班人算係咁
話有叫過蕃茄返屋企已經幾好人

得斯樂冰想攞佢命 哈曼仲勸緊佢番亞古捷斯
劇院都係想隊冧斯樂冰先
去到最後比殘血百式迫入牆角先想落殺手
我都鍾意馬沙
無奈太多馬沙廚真係神化得佢太勁

咁做呢行有幾多個係善類 唔係一槍直接打死蕃茄都已經算好人
最後蕃茄用槍指住人仲肯同佢哂幾句口水仲唔叫好咩

歌手界青訓 好多出嚟單拖都入sony

南北韓咁囉 兩邊對恃

成套最有好感就係佢, 又強又正氣

佢上集已經準備過橋抽板啦 口頭講下經好難當佢真心勸人從良

好多作品啲「前輩」型角色都好廢，一係唔打一係一打俾人虐，但今次阿叔好型好carry

安琪算係咁
料同錢要拎走根本唔會有機會留畀蕃茄
明顯係為咗講下經先留低由得蕃茄偷聽同攞錢攞槍

作為大人，始終有大人嘅責任
明知前面係個地獄同細路講聲回頭是崖係安琪個身份可以做嘅事嘅上限

但獨角獸果陣

假馬莎講殖民星經濟圈已經可以大過地球，唔駛地球。

係 佢同黑髮講段野其實明顯係講俾蕃茄聽
所以蕃茄黎偷錢其實佢都唔係好意外
最後佢走佬都冇攞埋走啲錢 唔理佢動機係乜佢參與決鬥目的唔係單純為錢