人生得果80年左右，竟然想用30年辛苦供樓。

總括黎講就係如果有錢買樓，與其買樓不如移民好過，尤其如果你最終目的係生仔嘅話就更加要咁做，因為你唔係為自己，係為下一代

話唔定由治及興，樓價 go go go呢

我同你諗法完全一樣

依家銀行開始嚟料，之後啲人想做九按應該諗都唔使諗，仲未計之後失業潮斷供，大把人咁就一世

供樓辛苦係因為啲人唔量力而為姐

識人真係搵30k，之後信用呼吸plan，一個月供20k呢啲咪辛苦。但我呢個朋友好彩，三年跳兩次糟，比佢人工計埋開紅去到平均50k一個月，之後佢就唔再覺得辛苦

訓街0 壓力

依家好似旺角依啲傳統旺區都已經成街吉鋪，香港乜嘢情況大家心照，我有大陸親戚話廣州市中心同香港一樣成街吉鋪，上面啲人返貧+外國撤資，香港仲頂到幾耐根本冇人知，依個時候仲叫人或者諗住買樓係on9，不如諗下會唔會第二日起身冇咗份工好過，依家咁嘅情況任何可能令到你冇辦法隨時攞返舊錢啲行為都係不可取，cash is king

唔係唔應該買，而係樓太貴~

我用左小過10年

你叫人唔好供樓係因為你覺得要供樓=要返工=浪費人生

但係事實係就算唔洗供樓，只要你對生活有要求或有打算，你都係要返工，用啲錢黎租樓／物質享受／養家

所以浪唔浪費人生同供唔供樓係無你講到咁大關係。

如果你個topic係「人生得果80年左右，竟然想用30年辛苦返工。」咁就有得討論下。

啲人真係偷換概念
笑班高追傻仔咪算

你會唔會太樂觀？你頭咗30年其實都係為咗令到自己可以供30年，尾嗰20年就係為咗補救頭嗰60年積落嚟嘅問題吊L住條狗命

full pay點痛苦？
full pay得你買樓錢當散子啦

唔好講其他地方 至少香港full pay個班真係唔洗人同佢擔心蝕錢呢樣個樣

佢轉個頭搵返啦一手心頭好>個少少錢

我覺得係兩個概念
工作你有錢落袋
係收入

供樓30年你係付出緊
而且有40%+做利息
係支出

工作你炒散可以休息下
供樓你或者可以只還息唔還本既
但件事拖長左條數會愈大

工作你隨時恢復返工
精神都改善左
但供樓你停一排件事（條數）會惡化咗

兩個討論題目嚟
當然人可唔可以唔返工
點樣做到
大學時期我已經諗緊有咩被動收入達成目標

依個係另一個題目了

買樓不嬲係觀點與角度

以前就話可以細換大樓價gogogo當投資，就業前景明朗大把easy money，依家只係多咗人覺得唔值得投資啫

身邊除咗屋企人幫full pay/結咗婚嘅，基本上都剎停咗上車計劃；
但當然你覺得呢個地方值得你長留咁咪買囉

其實我一直唔知點覆佢
我都唔係太明點full pay痛苦法

咁我試過full pay係抽乾咗我一筆錢
心理學中依種支出算係痛苦既

但我仲有筆流動資產（股票）
除非長期無人租屋無收入先要賣嚟用
咁假設我要放股票都有少少痛苦ge

但正如你所講
正常人都唔會full pay到太盡
所以一般都唔會有咩問題
唔會有咩痛苦

講到你唔買樓就唔係牛馬咁
你一日有支岀你就會係牛馬

到你淨係翻part time 賺個雞碎咁多住工廈時你又會屌點解當初點解唔發奮賺多啲買層樓等生活環境好啲，人總係犯賤㗎啦

30年你每分每刻都諗住供樓咩？你供唔供咪又係咁過

我諗牛馬既定義同你有唔同

牛馬係日日7點幾起身
返5日/5.5日
有時要ot忙到夜晚

因為供緊樓要受氣
唔可以你咗份工
忍受工作既壓力
將時間浪費係依d對人生無意義既事上


我支出係有消費稅
但係我唔係牛馬
唔洗一大早起身返工
可以訓到自然醒

即係我而家曬緊太陽覆你依個post
無咩特別野要忙

代價可能係搵錢少過你哋一般人
但我唔會算係牛馬囉

你嘅觀念係錯
供樓同租樓，物質享受係唔同
當你過得無咁順利嘅時候
大不了咪租細D，住遠D，去少D旅行
你可以自行調節

但供樓係會俾人綁死，不論好景唔好景
你每個月都要固定嘔一大筆數出黎
就算你呢一刻好景，無人保證成二三十年你都順風順水
萬一期間樓價大跌、失業或者大病，可以點？
當中有自己控制唔到嘅不可抗力，承受嘅壓力係大好多
花咁長時間去承受呢種壓力係咪浪費人生？呢個係值得討論嘅

無錯，你供唔供樓，你都要返工
但返同一份工，有供樓同無供樓，壓力都唔同
所以你建議嘅Topic「人生得果80年左右，竟然想用30年辛苦返工。」
根本表達唔到個意思
至於你話供樓同養家一樣就講得啱，都係俾人綁死左
所以而家好多人都唔生小朋友

你無料玩呢個遊戲啫
最後肯定連村屋都無錢買

咁就係你一開做既決定啦
無得後悔的

我識人一直日日fb曬食評
曬左好多年

我就住平價村屋無咩消費
所有錢都儲起

結果後嚟bno有得走佢就無條件走了

原來係廢人一個

你都識講 收入同開支係兩件事。

供樓/租樓係一個客觀有數得計嘅開支比較。你可以估算同一個單位，買/租30年分別用幾多錢然後再加返啲主觀因素例如穩定性/資金流動性嘅需求黎做最後決定。

而工作模式係由你對生活嘅需求而定。想住好啲，無論租定買，都係要返穩定嘅工。住得求其啲/跟屋企人住都無所謂嘅，你就可以接受唔穩定/較低嘅收入。

你依家嘅比較係供就當人住800萬樓，但係租就當人住60萬工廈。你咁樣唔係比較緊租同買，係比較緊唔同嘅主觀生活要求咋。

仲有，你成日講供30年要俾40%息，覺得好唔抵，應該要fullpay。呢件事係數字上都係錯。你應該要計下fullpay減首期舊錢，係呢30年內一直投資會唔會多過利息支出而作出結論，而唔係就咁覺得40%好多。事實上呢筆錢對銀行黎講回報好低，佢哋只係要按揭業務黎砌靚個risk profile。同理，如果決定買但係決定full pay，財務上好大機會係蝕過借銀行錢做按揭。