頭先好夜做完嘢搭巴士返屋企 
搭搭吓feel到前排個男仔透過玻璃反射係咁望住我
就算我望返過去 佢發現我望佢 都係目不轉睛咁 神情好古怪
差唔多到站時係佢撳鐘落咗下層先 我冇郁住
諗住佢落先嘅應該冇嘢啦 但係我都係要呢個站落
巴士埋咗站我先行落下層落車
一落車發現佢仲原地企咗喺度等我😵💫
行咗兩步 睄到佢特登放慢腳步等我行先
因為返屋企條路都幾靜 所以唔敢行住
我停低扮撳電話 佢又停低⋯⋯🙄
好彩個站隔籬就係西鐵站 即刻諗住上去搵多人嘅地方或者地鐵職員
我上緊幾級樓梯 佢即刻追嚟: Hello Hello
開頭我都扮塞住耳仔聽唔到 點知佢仲繼續Hello咗幾下
（聽把聲其實係幾正常）
之後我就停低咗除低耳機問：你叫我呀？
佢又停咗腳步「係呀」
當佢想搭前嘅時候 我後退咗兩步問「做乜事？」🥶
佢見到我好明顯對佢有戒備😅 之後就話唔好意思 轉身就走咗
然我搭緊電梯上西鐵站 見到佢行去前面搭𨋢上去
我即刻衝上去再掉頭落返去
最後跳咗上架輕鐵 好彩咁啱即刻關門開車
想講各位女仔夜晚一個人真係要小心啲🫠
自問都算機警但真係俾佢嚇死🥶🥶

附上樓主照片一張！
.
.
.
.
.
.
.
.
.
