點知有一晚其中一隻貓呼吸突然好用力，凌晨即刻帶佢去何文田VSH睇醫生，醫生話佢有心臟病引致肺積水，要去咗啲水先，同要留院觀察，但佢好緊張，要打鎮靜劑。
我搞完住院手續返屋企冇耐，即刻收到醫院電話打黎話有心理準備見最後一面，因為佢排唔到啲水走，但體內啲水不斷增加，護士話佢好似比自己啲水浸親咁。打完藥6個鐘都冇效，醫生建議打針，我流住眼淚簽咗同意書。佢臨走個陳就捉住我件衫，好似話佢唔想走。
之後日日爆喊，好後悔自己做得咁少，唔細心留意佢身體。覺得係我搞到佢咁緊張，要佢去陌生環境，加劇佢心臟負荷，日日都好自責，究竟可以點走出嚟？
見啲人話貓貓陪咗幾年，我先幾個月，佢係我心肝寶貝，點解唔可以比長啲時間我哋
