選拔第一部分就四份一個場入面8v8搓波，有啲人係可以落左場一分鐘都無，波都未掂過就俾人叫去落名，我最後發現9成俾人叫得去落名嘅都係啲staff 同球員嘅friend，其他唔識人嗰啲佢直頭睬你都傻。
去到第二部分就係半場7v7 鬥波，每個場都係得一兩個教練睇住，其他教練全部都係喺場邊吹水同玩，你踢得好唔好都無乜人理，反正佢地識嗰啲人已經一早落晒名。
都一早知香港足球係咁黑暗架啦，美斯 C 朗黎香港踢波，唔識人都無得入隊。原本都費事出聲 只係越睇佢地個ig就越嬲，係咁話咩推動足球文化咩以球會友，叫人唔好放棄繼續追夢喎，好心唔好咁嘔心啦。幫你做完場show 仲要聽你講呢堆野真心難聽過粗口，隊波廢仲要搞埋啲咁嘅嘢真係抵你排榜尾 。
