中國社交平台「小紅書」分享「窮遊快閃香港」攻略，涵蓋交通、住宿、景點和膳食體驗，住港島坐電車、天星小輪過海，到訪中環街市、尖沙嘴海濱長廊、旺角花墟打卡拍照；節省住宿揀機場過夜、沙灘露營、24小時快餐店做「麥難民」；用餐就到麥當勞、大家樂、街邊小食填飽肚。
網上流傳片段，東鐵有大批中國客衝入車廂爭位。旺角一間意式西餐廳負責人周日（4日）發帖埋怨：「五一黃金週，旺角好X多人，但事實係，好多店舖不旦冇受惠多咗生意，仲要可能因為太多人，本身消費嘅都怕咗。噚晚六點後，我地係0客，真係多X謝晒班窮遊。」店主指兩大兩小只叫兩碗單餸米線，當知道每人最低消費35元時，男女客飆高音喊叫：「不會吧，甚麼低消？難怪你這店沒有人冷清清！」朗豪坊商場化妝店員也叫苦連天：「個個入嚟補妝、試妝，玩完一大輪冇幫襯，仲要踩你個品牌攞返個彩。」大陸自由行客回國後在「小紅書」挑機：「香港！我還可以再來一萬次！」
被問到中國大陸「特種兵旅遊」露營、到麥當勞過夜是否有助經濟增長，李家超力撐：「內地旅客有好多新旅遊模式，我相信呢個新旅遊模式係會常態化。」他勸導港人要有「接待旅客嘅心」：「有高端嘅旅客，有非高端嘅旅客，整體嚟講歡迎旅客嘅形象對各方面帶來好處。」他續指，港人要有樂意包容和照顧不同旅客的氛圍，又分享自己嘅旅遊經驗：「我自己都去過旅行，可能有一次係好簡單嘅旅行，但另一次可能覺得係好嘅購物機會，會花費好多，所以應該係整體去睇旅客需要。」
《澳門月刊》發文評論指這場旅遊熱潮背後暗藏爭議，部份中國客因「窮遊」行為引發香港輿論風，不住酒店卻在麥當勞過夜，去食店拒付最低消費，相關事件接連登上熱搜榜，並指責「有黃絲不嫌事大，大呼『乞衣襲港』、『影衰同胞』等等」，而大陸客瞓北京道麥當勞「多因突發狀況滯留」，福建黃同學因行程緊湊未訂住宿、浙江陳大可因遺失身份證無法入住酒店、桂林張大媽與友人即日往返卻證件丟失，「遊客選擇麥當勞實屬無奈，而非刻意『佔便宜』。」中國網民留言熱議：「香港人湧進深圳，有些人連菜都從深圳買回去，我們可從來沒笑過那些人是窮鬼只要來消費，都是抱着歡迎的態度，反之一言難盡。」