有冇人聞過人體屍臭味？

就係個種腳臭味…酸宿爛臭再放大10倍
仲會有少少咸腥味





Btw你自首啦

鄺球仲可以上網?

視帝入行前做警察　新年獨自看守荒山自縊屍體：要抱起佢放落嚟 | 香港01 https://www.hk01.com/article/1097789
2025-01-31
......
馬德鐘先談及人離世後身體會逐步出現的徵兆，之後就講到其親身經歷。他第一次接觸屍體，是當差不久接報有單位傳出惡臭，而消防爆門後，他果真見到腐屍在屋內，已有屍斑及屍蟲。他憶述：「真係好臭！嗰種臭味真係臭到我，個影響嘅程度係點呢，因為嗰日我做完呢件事就返去警署Canteen食中午飯，冇辦法食到嘢，嗰種味係一路留喺度唔散，喺個身體入面，嗰種味道、嗰個味蕾嘅記憶一路都喺度，去到夜晚都喺度，我諗去到第二日夜晚先至好啲。」他又透露，有些有經驗的同僚，會事先在鼻下搽薄荷膏辟味，或是先點香。

而第二次深刻的經歷發生在年初二，當時他仍是新人，收到市民報警指行山時發現屍體，於是他與其他警員上山，泊低車後還要再行入樹林深處，他表示：「我哋見到有一個男士嘅屍體，有條繩綁住喺樹上面，吊住個頸，一路吊住喺度，應該好確實已經係離開咗，因為我見到佢形相嘅時候，佢隻眼已經凸咗出嚟，個口有少少微微張開，嘴唇已經黑晒，有啲烏蠅喺度飛，點解我咁記得呢？因為嗰日係年初二嚟㗎 ！新年，年初二嚟㗎！」

馬德鐘分享警察處理屍體的方法，不可以直接把繩解下，因為要將繩拿去化驗，調查到底會否有可疑，或有其他案件牽涉在內，「我哋要割斷佢放返落嚟，咁我嘅崗位負責咩呢？我就係要負責抱住嗰個屍體等佢喺上面割，咁我就埋去抱住，好重嘅，好重嘅。因為一個屍體佢軟癩癩，冇任何力去俾你借力，佢係好重。我抱住佢，咁上面同事就割。」繩差不多斷的時候，為怕屍體直接墮地，他們要慢慢、慢慢把他放落地。他指當時頸上的繩痕非常深，馬德鐘還要幫他採集指模，他說：「我見到佢隻手啲手指甲已經全部都係黑晒，好僵硬咁樣，我當差嗰時已經聽啲師兄講，如果遇到啲咁樣嘅情況，你一定要同佢講：『喂，你唔使擔心呀！我哋係嚟幫你嘅啫，跟住慢慢搓吓佢隻手，等佢鬆返啲可以打到指模，我當然都係照做。」

之後其他同事就落山繼續巡邏，惟獨馬德鐘要自己一個在山上等人來「收屍」，並且等下一更同事接更，那段時間非常漫長，四野無人，他原本應該下午4點半就放工，然而直至6點天黑仍未有同事來接更，「我返日更，又冇帶住電筒，夜晚好彩有少少月光照住。我要睇住個屍體，我冇好埋，我行開少少，但係我一路都要睇住有咩情況發生，一路睇住一路等，天黑終於有人嚟接我。7點到應該有人嚟接我，但係我覺得個時間好漫長，點解好似過咗好多個鐘頭咁嘅？因為你冇任何嘢可以做，喺個山上面你只係得天、樹，同埋佢，同埋我，又冇手機冇任何嘢可以搞到，呢個係我當差入面幾難忘嘅一個經歷。」

此外，馬德鐘亦談及自己父母臨終前的情況，兩位在不同時期離世，但不約而同地，都在離開前幾天突然表示自己見到眼前出現很多人，如馬爸爸當時說：「前面做咩咁多人嘅？擺咗好多小販攤檔喺度，上面仲有好多蟻行緊落嚟。」他當時以為父親是受藥物影響而產生幻覺，但後來到馬媽媽離世前兩日，又說自己見到很多人在前面走來走去，當時馬德鐘已深知不妙，因為前面一個人都冇，而果然兩日後，母親也病逝。因此馬德鐘相信人死前會產生幻覺，也邀請網民分享自己的經歷。

以前係愛民邨做工程。聞到陣怪味。發現個獨居阿伯死左喺屋企

我唔係專業喇，但我既理解係一舊擺到臭左既肉，有幾大舊就有幾臭，咁人體個肉量正常黎講唔會差太多，所以味道都唔會差得遠。

幫樓主推下

酸臭垃圾味

中學做腐爛實驗聞過

鑑證

對呢 d 事有少少驚但又好好奇想聽多 d
大家有冇多 d 類似嘅 case 可以分享

上年老豆係醫院走 當時直送殮房無味
兩個月後院出果陣我去認屍都係無乜味

大量死老鼠

我又係工作會遇到
聞過但已經唔記得咩味
我比較好運唔算成日遇

看更,房處職員,差佬,消防,救護,食環屍體處理隊
求其數都一堆

自首啦

球哥 收手啦

馬德鐘玩真人版disco elysium

有

師兄做仵工？

分分鐘係佳仔嚟

我覺得係100條咸魚塞晒入個鼻入面咁
幾年前聞過，同層有獨居瓜左冇人知之後大半年一出lift 就要閉氣跑入屋

樓主今次殺了誰？

我住Y型居屋其中一隻腳既最篤篤果戶
上年盛夏果期, 有一晚同老豆落街食完飯
行過最近電梯大堂果一戶人家門口果陣
老豆眼利見到果戶既鐵閘下面有D 啡啡地鐵鏽色既液體
佢已經懷疑係咪發生左咩事
但我話應該係幫鐵閘補油果陣太大劈流左出唻唧
咁大家都冇理就返左屋企

到第二日我返工
一開大門就已經問到陣咸味
行出少少已經轉為濃烈既又咸又腥既味
仲要極為攻鼻, 你閉氣都會自動飄入唻, 冒求污染所有空間果種攻鼻
再行前兩步, 陣味既濃烈係幾何級咁上升, 已經想作嘔
仲見到果D 鐵鏽色液體已經滲到大半條走廊都係
呢個時侯我已經完全頂唔順, 想穿過佢行出Lift 口都頂唔到, 要行後樓梯

落到大堂同看更講, 佢地話已經有人通知左佢地, 仲報左警
然後當晚放工已經清潔左
但係果陣味係我地條走廊位縈繞不散左成個星期
果個星期果戶人家門口都係難以接近
而果陣味我到而家都記得

試過垃圾桶有腐肉(雞肉)一路無處理
有日打開蓋
哇屌幾十條蟲爬黎爬去唔知係咪叫屍蟲？

臭就一定但我覺得又唔係臭到嘔
味道係唔舒服

荃灣力生廣場陣味既加強版