消委會易潔鑊測試：IKEA $130國產款式獲最高評分　煮食表現好過千七蚊品牌

易潔鑊是不少家庭的必備廚具。消委會今日（5月15日）發表最新一期《選擇》月刊，測試 24款直徑為26 厘米或 28 厘米的易潔鑊樣本，發現樣本間的傳熱速度參差。其中IKEA品牌，售價約$130國產款式獲最高評分，在多個項目都得到滿分，論煮食範疇甚至高於一千七百多元的款式。

消委會易潔鑊測試包括4種不同塗層
是次測試的樣本售價介乎$90至$1,750，樣本標示的4種塗層物料包括聚四氟乙烯（PTFE）、石紋／顆粒紋／鑽石、陶瓷，以及網紋／蜂巢紋。所有樣本均標示可在氣體煮食爐、電磁爐和電陶爐上使用。



消委會易潔鑊︱$130國產IKEA各項評分皆5星
另外測試發現，PTFE塗層樣本的易潔鑊中，IKEA的中國製HEMLAGAD 平底鑊 Frying Pan（#1），在防黐底表現、耐用測試、煮食整體表現、手柄防火測試、化學測試等領域中，都得到最高的5星評分，總評同樣是5星最高，其大約零售價只是$130。

消委會易潔鑊︱$90 Topvalu BESTPRICE未通過防火測試
另一款Topvalu BESTPRICE的「IH Frying Pan」（#8），零售價是$90最便宜，同樣是中國製造，其防黐底表現、耐用測試上都得到最高的5星評分，但測試同時發現其未能通過防火測試。測試時用火點燃手柄，標準要求手柄的物料在火源移走後的15秒內自動熄滅，而手柄物料不應出現溶解的情況。然而結果發現，2款樣本的手柄在點燃後均未能於15秒內自動熄滅，有機會在高溫煮食或接近火源時出現危險。

消委會易潔鑊︱最貴WMF樣本獲4.5分
至於是次測試中零售價最貴的，是WMF網紋/蜂巢紋塗層樣本 Profi Resist Frying Pan（#21）。其零售價$1750，同樣得到整體5星最高評分，在防黐底表現、耐用測試中同樣得到最高的5分。不過在煮食整體表現上，得4.5分，未能滿分。

消委會易潔鑊6大貼士
消委會建議，消費者使用易潔鑊時，應注意以下6個使用及保養方法：

首次使用易潔鑊前，宜以暖水混合清潔劑清洗，或加熱水浸泡一晚後再清潔，有助減少可能釋出的雜質或非揮發性物質

易潔鑊應避免配搭金屬鑊鏟及其他金屬廚具使用，切勿在未有加入食物或煮食油時便過度加熱，以減少損耗或磨損易潔塗層 

因應食材分量選用合適尺寸的易潔鑊，減少空燒面積，免損害塗層

烹煮食物後，應待易潔鑊冷卻至室溫後才清洗；清洗時應使用柔軟海綿，避免使用百潔布、鋼絲擦等粗糙物料，以免刮損塗層

如遇頑固污漬，可先用暖水浸泡易潔鑊數小時至一晚，再配合中性或弱鹼性清潔劑，如蘇打粉加暖水清洗

如發現鑊面出現氣泡，代表塗層可能已開始剝落，應考慮更換，以保障安全。

所有塗層鑊都唔使買貴，反正一花就掉就啱

中國製 消委會實話好

上一次做都係推介IKEA 最平果隻鑊
上次個宜家家居 Ikea Oumbärlig 28cm 平底鑊
今次又轉左名

IKEA 宜家家居
各位觀眾，易潔鑊嚟講，今次IKEA 真係大獲全勝！

煮食表現即係咩？
唔係應該測隻鑊有冇咩毒咩？

每一次個名都唔知乜春黎

中間已經轉左次, 果次我睇住上次消委會個報告搵極都搵唔到Oumbärlig
淨係得隻28CM 叫 IKEA365+
玩9我