不過因為有小朋友，心諗：上一代千山萬水就去英國領土香港避，我哋依一代又唔應該咩都唔做，將個波拋比下一代ga，所以先走人。
其實香港都唔錯。以前成日買日本野、日本藥，而家英國買貴少少就扣起，收你20%，再加10鎊「服務費」，真係多謝哂。
日本金粉係英國有管制成份，要處方，我廢事寄嚟喇，萬一比人扣又盞搞。以前香港買日本玩具、日本藥，邊有咁多考慮。想買套一萬港紙既figure，但一諗到加埋稅運費服務費，隨時加40%，都係算了。
以前屋企有屋，免租免水電，維修都唔駛我比錢，而家自己屋就樣樣都要錢。
以前扮開工，深夜隨時落旺角，上綠van上深圳，不知幾爽。深夜深圳都好熱鬧，穿梭大街小巷，好開心。
有時見到靚女，直接撩。試過係關口d茶餐廳都問到靚女侍應電話。又試過以前qq識咗，第一日就約佢去玩，早一日去酒店叫佢過嚟傾下計第二朝出發。
因為我樣幾得，又識講嘢，係香港係如魚得水。
而家係英國，英文溝通唔易，亞洲人更係一開波讓兩粒，真係無咩信心。（我 open relationship 呀屌）
諗返以前真係幾瘋狂，凌晨兩三點去深圳，玩到第日下午隨意就返歸，得閒做下兼職。無嘢做就擴闊下生活圈子，溝女要潘驢鄧小閒，喂我樣樣都沾少少喎。
而家就梗係無香港咁多姿多彩，變左好健康既關係，好正常既生活。屌，我想人生精彩d呀。
不過就唔可能回流喇，依邊買左幾間屋，收租夠洗。但d屋又要維修又要盛，煩到我hihi。以前依d野邊洗我搞。嚟到發現自己真係溫室長大，真係唔算捱過。（雖然而家都無捱過）
唉，其實以前香港好好，尤其人仔8算時，咩都平。果時落大家樂都係30蚊樓下，香港又無咩爭拗，歌舞陞平。果時大把大中華膠，真心愛國。我哋依d成日去玩，就真係了解到國情，點都係鐘意香港果套體制。身在香港，既享受到中西方中間商代理人既優勢，又享受到貨幣港紙貴去中國消費既優勢，果個時代真係好。
而家大家樂食過飯成80蚊，港紙兌人民幣又無優勢，東莞都掃撚埋。「一切都回不去了」。
雖然係咁，香港點都背靠中國，又近大灣區，尤其聽聞惠州、佛山都多姿多采，大把野玩。
多謝睇我既有感而發。我係依邊真係悶到hihi，好懷念以前放縱既日子。
如果想玩，某程度真係留港建港ok的。只要你做帝國既良好公民就得。
