依家有邊啲設備支援「旁路充電」？

旁路充電即係繞過設備電池直接係隻牛攞電，過程入面唔會對電池進行充/放電，可以大幅增加電池使用壽命，就我所知Asus ROG phone支援，其他唔知。

我想問嘅係有邊啲設備default支援？唔計刷rom、換kernel同埋用ACC，都唔明點解明明係軟件層面可以輕鬆支援嘅好用功能，啲廠唔支援。

ACE、iQOO 電競手機

SONY 有叫 HS 電源控制

https://www.sony.com.hk/zh/electronics/support/articles/00264201?srsltid=AfmBOoq5gCmgG6sURdxx4fFLXf26WTE80-vr8yqiBisJDDKOyadUOz-Y
解決方案

H.S. 電源控制代表「熱抑制電源控制」，可緩解充電期間裝置過熱所導致的效能降低或電池效能下降。

若在玩遊戲時連接充電線充電，熱抑制電源控制會直接供電給手機系統，而非為電池充電。這會減少熱能效應，協助維持遊戲性能，並延長電池健康狀態。

此功能開啟時，電池不會充電，要充電時則關閉此功能。

得電兢手機支援？依家啲手機唔好講旁路充電功能，好似連控制充電功能（例如可以指定電量處於40至80%之間或者手機温度處於某個區間先至會充電）都冇乜幾部有，我當然知道可以通過改機輕鬆實現依啲功能，但依啲可以通過軟件實現嘅重要功能竟然唔出，但走去整埋啲唔等使嘅功能都唔知為乜，手機已經唔比用家自己換電，連想等舊電可以捱耐啲嘅機會都唔比

依個始終有限制，只有玩game嗰陣先用到，對於用家嚟講最好係任何情況之下都可以用到，尤其係返緊工坐係位嗰陣，將部機直接連接充電底座攞電，一個月有成差唔多二百粒鐘係咁，粒電嘅壽命已經可以延長唔少

Sharp可以著mon 時唔叉電 + 鎖最高90%電量

samsung機都可以

https://www.samsung.com/tw/support/apps-services/pause-usb-pd-power-delivery-charging-when-gaming-feature-on-your-galaxy-device/

同sony一樣得打機嗰陣用得，但實際上最好係任何時候都用得，有root開嘅人好多年前開始就已經用緊控制充電+旁路充電，依啲功能係完全可以純透過軟件實現，但竟然過咗咁多年都未普及到