西貢萬宜水庫東壩近期成為內地遊客旅遊熱點，有港男近日於西貢萬宜水庫東壩、近破邊洲一處泥地發現大堆印有簡體字的食物垃圾，立即拍片公審，「全部大陸字，一個正體字都冇」。=
有網民擔憂垃圾被風吹下水庫，會影響水質，「我有些擔心萬宜水庫，垃圾掉落去變垃圾味淡水庫」，亦批評無公德心的遊客，「帶埋嘢食來香港，仲要亂掉垃圾」、「窮遊之後的香港」。
根據第570章《定額罰款(公眾地方潔淨及阻礙)條例》，在郊野公園及特別地區棄置廢物定額罰款為3,000元。
有Facebook專頁分享1段2分鐘影片，帖文提到「香港地質公園，萬宜水庫破邊洲，發現大量簡體字垃圾，香港無得賣，甚至見都未見過」。拍片的港男講述自己身處西貢萬宜水庫東壩、近破邊洲一處泥地，影片見到泥地佈滿食物包裝、水樽、膠袋等垃圾，港男大呼「哇，好多垃圾呀喂，搞錯呀，全部都係垃圾」。
有港男近日於西貢萬宜水庫東壩、近破邊洲一處泥地發現大堆印有簡體字的食物垃圾。（fb影片截圖）
萬宜水庫東壩現大量簡體字垃圾
港男亦發現全部垃圾包袋都印有簡體字，「全部大陸字，一個正體字都冇」，他翻開垃圾及近鏡拍攝，讀出是什麼食物和飲品。他又憂慮「一陣間個風吹過嚟，全部跌晒落下面破邊洲嗰度，破邊洲好靚，風景好靚」、「唉，真係陰公呀，邊個擺啲垃圾喺度」。
港男近鏡拍攝，可清晰見到垃圾印有簡體字。（fb影片截圖）
網民質疑內地遊客留下垃圾
由於垃圾印有簡體字，加上香港並無售賣，有網民質疑是內地遊客留下，直斥「最討厭就係唔守規矩人」、「可怕嘅係冇文化」、「係咪咁都要包容呀」、「旺丁又旺垃圾」、「連支水或飲品都唔會畀香港賺！」。
有網民指出，「其實帶返出市區掉垃圾好難咩，我行了N年山，一向都會帶埋背心膠袋，將垃圾袋好，最起碼出返有車到啲大路先掉到垃圾桶」。亦有人認為港男與其拍片公審，擔心垃圾會被風吹下水中，倒不如做多步，做個好市民拾走垃圾，「拍攝得嚟，幫手執執都好啦」。
網民建議政府多派員巡查罰款
有網民則建議政府要多派員清潔及巡查，向亂拋垃圾者罰款，「冇人捉冇規管，搞到啲地方咁！嚟嘅有問題，政府都要負責！」、「政府應該考慮下，喺假期派多些人手喺郊野公園，捉罰款」。
港男擔憂垃圾會被風吹下破邊洲。（fb影片截圖）
網民認為政府應多派員巡查及向亂拋垃圾者罰款。（fb影片截圖）
香港法例：郊野公園棄置廢物罰款3,000元
根據第570章《定額罰款(公眾地方潔淨及阻礙)條例》，在郊野公園及特別地區棄置廢物定額罰款為3,000元。
所以中國一定要有CCTV
垃圾都證明唔到係大陸人扔
佢地文化無咁差
