終於第一次睇完志明與春嬌

彭浩翔的確係鬼才
得罪講句
連楊千嬅余文樂呢兩件
都拍到咁好睇

但無啦
2019後個世界立場先決
所有野都返唔到轉頭

佢啲電影一向好睇

好似大丈夫 依啲直路經典

佢啲電影好引得起個個年代嘅共鳴 ，之後睇返都可以了解到個個年代個情況

其實香港電影最需要依類電影，輕輕鬆鬆笑下又帶出啲社會情況。玩下黑色幽默。其實由N年前富貴迫人香港拍依啲都好出色。

但反而依家變晒電影版鏗鏘集，無晒以前香港電影個核心價值帶比人歡樂。 用搞笑諷刺時事。

香港人生活壓力已經大，根本好多唔想休息時間再睇個半鐘依啲「鏗鏘集」。

好中…
不過調返轉講 呢類電影可能先係最難拍
幽默都難 仲要黑色幽默 冇返咁上下料都做唔到

電影版鏗鏘集係咪近幾年黃子華嗰幾套？
我近幾年嘅都冇睇 唔想太heavy comment唔到

其實真係好多， 講真黃子華個啲都叫做有啲啲笑位

有啲真係可以由頭負能量到尾，

近年我自己感受最深係少年日記，依套野睇完我成晚訓唔著

唔係話依類型電影唔好，而係依家唔知做乜好多套都係咁樣

變咗睇港產片好撚辛苦。

好多人會話因為香港個社會苦，所以先咁。我唔太認同

相反，正正因為個社會苦澀。香港電影個核心價值帶比人歡樂先重要。

講苦許冠文 成龍洪金寶 周星馳 富貴迫人個個年代香港平民重苦。但正正咁反而個時啲電影先幫到香港人帶來歡笑去減壓。