7年前pass左路試但掉頭泊位fail，如果而家想再考過，係咪淨係考掉頭泊位就得？

想請教下咁多位師兄，小弟7年前考私家車自動波，pass左路試但掉頭泊位fail

如果我而家想重新考番車牌，係咪淨係考番掉頭泊位就得？定係要連埋筆試路試一齊考番？

當然日後一定會去補鐘學番先夠膽揸車出街，純粹想知而家報名考試洗唔洗報埋筆試/路試

點解你唔去問運輸處

咪害人啦

7年後嘅你仲識唔識泊車？
識？考多次泊嚟睇
唔識？學多次再考

係
試過泊位筆位pASS 咗

十年後考返路試就ok

你網上排期已經會有答案

香港pass咗個part就永久

點可以咁勁
pass 路試但fail 掉頭泊位

想問點解嗰陣唔快脆補考埋？
掉頭泊位相對嚟講好易

最重點係：而當日唔即刻考番

記步驟記口訣就得嘅嘢嚟
拖足七年

可以即日考架咩？

唔得 3年內先有效

意指七年前當時

但又怪在合格三年內要出駕駛執照.唔係要重考

三年係pass曬三年內要拎牌，筆試 乙 丙部成績都係終身有效

現時，考生若於筆試取得合格，其成績將會終生保留。

而根據現行法例，考生若於某一車種的駕駛考試，包括：乙部試及丙部試取得合格，他須於其取得合格成績該日起計三年內申請領取該車種的駕駛執照，否則，他須重考乙部試及丙部試，才可獲發該車種的駕駛執照。

此外，若駕駛執照持有人於其駕駛執照有效期屆滿後三年內不作出續牌申請，他亦須重考乙部試及丙部試，才可獲發駕駛執照。

不過，考生若只於駕駛測驗中取得部份合格，該部份合格成績將會永久保留。例如：考生若於私家上合併試中，只取得乙部合格，該乙部試的成績將可永久保留，考生可於任何時間到牌照事務處申請重考私家車丙部試。

我係
掉頭尾碌hi壆

架車冇LED 燈？
冇後cam?

我都係狀態太好 回軚扭得比平時快，on99咁回到over左

你不如諗d 人怪在合格三年內都唔出駕駛執照

我都係類似情況

係咪要續學牌
然後排期考？

唔係呀

求其搵間駕院就答到你

係, 試過路試fail, 好幾年後考返呢part就得, 唔使泊車

梳囉