消息指：英國或面臨 21 世紀最嚴重用水危機，移英港人屋企隨時冇水用！？

近日，一份公開數據顯示，英國西北地區包括大曼城、蘭開夏郡、湖區等地，整體水庫儲水量跌至 69%，比去年同期嘅 90%+ 大幅下滑。天氣持續乾旱，加上基建老化、洩漏頻繁，供水壓力正不斷升溫。

官方雖然話「暫時唔會推行喉管禁令（hosepipe ban）」，但同時又話「中度旱災風險」已經存在。如果未來幾個月雨量繼續不足，英國有機會面對 21 世紀以嚟最嚴重一次用水危機。



移英港人面臨三大潛在風險

對於一班近年定居曼城、利物浦、普雷斯頓、Blackburn 等地嘅移英港人而言，呢個警訊唔單止係氣候問題，更係一場生活風險管理測試。

住屋選址風險

唔少港人揀北部置業，圖係樓價便宜、租金回報高。但北部城市供水倚賴內陸水庫，一旦乾旱擴大，部份區域可能會限制洗車、澆花、甚至限制自來水壓力。住 house 嘅你仲想日日沖地拖洗車？可能要諗過。

生活成本風險

英國水費本身唔平——而家有傳媒爆出，水公司已經獲批未來五年加價 £31/年計劃。2025 年已經加咗 £86，之後年年再加？配合通脹、能源費、Council Tax 上升，家庭支出持續被侵蝕。

基建信任危機

有報導指出，英國部分地區每日流失高達三分之一供水量，唔係用咗，係漏咗！而供水公司曾因非法排污入湖區名勝被公眾痛斥。你會唔會仲信佢哋有能力管理水資源？



英國自來水供應多數由私營公司壟斷經營，地區性壟斷＋缺乏投資＝老化水管長期唔修，水費就照加。即使官方宣稱「未來五年會投資 £3.5B 升級水管同新水廠」，但實際施工周期動輒三五七年，現時問題根本無法即時解決。

簡單講句：有錢都未必買到水安全。


移英家庭即刻要做的三件事

如果你係租樓或已經置業，尤其係有小朋友、長者同寵物家庭，請馬上實行以下三項基本策略：

裝水缸、儲水桶

唔一定要用全屋式水缸，至少預備 10–20L 食水＋沖廁用水，避免萬一水壓下降／短暫停水出事。

轉用低流量水龍頭、花灑

現時 Amazon 有大量節水裝置可以加裝，配合定時沖涼、洗衣機每週集中一次洗，實際每月可節省 500–1000 公升。

申報水費按表計費（Metered Tariff）

部分家庭可考慮由「固定水費」轉做「按用量」收費，如果人數少用得少，反而有機會平返。

用水資源危機只係一個縮影。氣候不穩、基建老化、通脹失控，再配合英國獨特嘅「系統式慢性失能」，其實會加快社會階層分化。

有能力裝水箱、買水過濾系統、有閒錢買獨立屋嘅人，將會更容易應對未來挑戰。而依賴租屋、收入單一、仲追緊生活成本尾巴嘅人，會更加辛苦。

好彩香港有東江水

左癌技倆
全部都係加價藉口

onL79 UK北部幾時缺過水？
蘇格蘭純淨湖水 飲得 沖廁得 連沖涼洗頭都係軟水呀屌你老母

咁關心人哋地球嘅另一邊不如關心吓你哋自己東江 毒水先啦

蘇格蘭既水關你英國咩事 人地國會有話俾你用咩？

誠哥好似擁有英國供水生意，係咪好消息嚟？

西北地區根本無人住 唔好話移民 基本上連本土英國人都唔會住 缺水都無問題 而且個邊近北海 環境好 d人直接攞嚟飲 呢啲標題黨抹黑英國 見慣晒

無東江水

英國四面環海，點會驚無水。
最多咪飲未經化淡的海水

日日洗地洗車?
飲用我都唔會啦

終於吹撚到渴死

移英撚:
假新聞
五毛
我的小區沒事
香港仲衰又唔見你講?
番大灣區