有冇人同我一樣寫字/咬字正常但表達能力極差？

如果就咁搬字過字讀一篇嘢
或者對住youtube片嘅人一齊讀都還可以
寫文字都ok因為有時間組織

最大問題係由細至大表達力極差
一講嘢個人就kick住kick住唔知點組織
平時返工講嘢成日要present同溝通
例如要講返件事來龍去脈
我好盡力將故事慢慢講一次
不過人哋成日聽唔明
好似對個個都係對牛彈琴咁


唔知我講件事出嚟人哋永遠聽唔明
係因為我嘅思維組織同人哋唔同
定我嘅tone搞到人哋冇耐性唔想聽我講嘢



同埋一講嘢我會成日讀錯一啲覺得比較順口嘅字 (但望住字讀就冇問題)
例如
打機 -> 蛋機
EMSD -> ESD/E(eh)SD

有冇人同我一樣都係表達能力極差
同有冇辦法可以短時間內改善？
因為自己份工都可能驚保唔到

弱智係冇得教

弱智廢人

比心機練習 無得快

返工見到你啲傻尻實唔比你埋堆

你有無試過有一次成功表達到自己而你覺得係滿意嘅？當時情況係點？
會唔會同自己講果陣正常，一同其他人講就緊張到講唔到？
你覺得你係個腦完全無嘢俾你講到，定係你個腦係有嘢喺入面但係無辦法組織成表達到嘅訊息？你認為自己算係聰明定係蠢？

練習多啲一定有幫助，但如果有辦法了解清楚你表達能力差係邊到出左問題，咁可能有其他方法幫到你

正常溝通通常一句起兩句止
講多幾句就已經表達得1999因為唔知點組織
好似interview有得操練多幾下還可以勉強過到關（轉過6-7份工）
不過一到好少少嘅工都唔得
到返工要臨場應變嘅溝通更加差
基本上份份工都話我有呢個問題

有時明明自己表達得好清楚滿意但人哋依然唔明我講乜
懷疑係咪連思維都同其他人唔同

check 下自己有無咩發展障礙, 好過一開始就話自己正常, 認真

表達能力差無得救 安份守己做啲頹工啦

同人講嘢有冇壓力? 會唔會要諗好耐?
有時可能係轉數慢, 或者太緊張啫
試下盡量避免直接真人對話, 用文字上去交流
有得準備定就用文字起咗稿先, 照讀
如果因為轉數慢, 情況許可下答對方轉頭覆, 然後慢慢組織囉
有時問下對方 如果換轉係佢哋會點講或者你頭先講嘅句子有咩地方唔明白, 從中學習

好，即係按你嘅經驗，你覺得你心理上係無障礙，而你自己亦都明自己講緊乜，所以你懷疑係自己思維同其他人唔同
我都覺得有咁嘅可能
不過你又唔需要思維同其他人一樣，你只需要明其他人個思維係點，同你有咩分別，你就可以講到其他人會明

咁你有無諗過自己思維同其他人有咩分別？
用返你頭post做例子，你形容一件事嘅時候會點做？
你知唔知對家對件事有幾多認識？會唔會其實唔係思維方式嘅分別，只係你無辦法考慮到其他人背景同你唔同所以你無俾到佢需要嘅資訊佢？

試下唔睇圖/字
由講小朋友啲故事書開始
龜兔賽跑
你腦海入邊既畫面
用你自己既語言慢慢講，清清楚楚咁講
無壓力下完成到成個故事先
然後試下搵人聽你講同一個故事
睇下有壓力下你自己表現成點

如果係因為壓力而變差
而無壓力既時候係完全無問題
咁其實你唔係要處理你說話能力
而係要處理待人接物既能力
點解決面對面既交流壓力

我就係想講同一件事同一個故仔
自己明人哋永遠唔明
可能係句字文字次序問題
又或者個腦轉得唔夠快講出嚟成日skip咗一啲字或者狂er/咁/㗎啦

舉例你講嘅龜兔賽跑
拆開幾句
A = 隻龜本身行得慢
B = 兔仔本身跑得快
C = 有日隻龜同兔仔傾計話邊個先到目的地
D = 一開始兔仔當然跑得好快
E = 好快連烏龜都見唔到
F = 跟住去到某個位決定瞓陣
G = 兔仔醒咗先發現原來隻龜已經到終點
H = 呢件事提醒大家唔好咁輕敵

我就會A-B-C-D-E-F-G-H咁講
如果我未睇wiki我真係會skip咗C呢句

如果即場要你講對於你嚟講好難
有得prepare嘅情況之後會唔會好啲？

同埋我唔照讀嘅話
一講完B就開始窒

平時同朋友傾計有冇問題

可能好少少
但一定唔及照文字讀
照字讀直程可以好流利

最弱係返工層面嘅溝通
一件事一齊接收嘅嘢都咁多
有時件事應該我知多啲當然問我

例如supervisor問我件事
我講完第一次佢話唔明
講第二次feel到佢開始燥唔想聽我講
跟住收線搵B同事問
然後B就話我唔知噏乜
我嘗試慢慢講情況都咁
利申：做工程

試下講野講慢啲 諗清楚先講
俾少少停頓位自己 聽嗰個日唔會察覺

簡單啲
多啲同朋友傾計
食多啲好嘅蛋白質可以補腦
做吓運動都應該改善咗唔少

問多兩句

你覺得自己係唔係descriptive嘅嘢表達得比較差，完全係你自己idea會唔會講得好啲？有無啲你好熟嘅topic你可以講得順？

你用其他語言果陣有無唔同？會唔會常用其他語言同人溝通？

同你一樣，應該係遺傳性言障嚟，我老母都係咁

人腦同電腦好相似
就算你硬件有問題，軟件optimise得好都可以勉強行得順

如果你知你硬件邊到出左問題，有得對症下藥一定最好

如果你未搵到邊到有問題，但未至於完全溝通唔到，咁首先練習得多一定有會幫助，聽下同一件事其他人會點表達嘗試模仿，多啲同人講嘢，自然你表達能力會提升

分享下我自己個問題係我記野嘅方式同正常人唔同
當有一日要去行山，喺山頂行返中環，正常人會記住大概條路線，邊到出發，邊到終點，行幾遠等等

我只係會記住”要落山就沿路向下行，行到市區就點都返到去”，然後因為落山要向下行係常識，所以結果我完全無特別記任何嘢

咁我自己搞一大輪當然都落到山，不過中間成日要即場搵路，而當之後有其他人問我點落到山，我係好難好快答到佢地，因為我個腦裝住嘅嘢只係未處理好嘅半成品，好處係容量會多啲但係同人講嘢會有障礙