陳同佳出冊5碌近況曝光！管浩鳴：佳仔赴臺旅行仍未見曙光

【陳同佳/逃犯條例/台灣/自首/管浩鳴】觸發上屆特區政府修訂《逃犯條例》的台灣殺人案疑犯陳同佳，5年前的今天因洗黑錢案刑滿出獄，惟至今仍未能赴台自首。協助陳同佳的聖公會法政牧師、立法會議員管浩鳴昨向筆者表示，短期內仍未看到解決事件的曙光，又透露陳同佳目前仍隱居深山，足不出戶，其自首意願亦一直無變，但只能無了期等待。

陳同佳於2019年10月23日出獄，當時他公開向死者潘曉穎家人鞠躬道歉，承諾會赴台自首，惟一直未成行，潘母屢次催促陳同佳兌現承諾。香港、台灣政府多次就事件隔空駁火，其中台方提出以司法互助處理，被批評是政治操弄，製造障礙阻止陳同佳赴台。

台灣今年初大選，賴清德勝選，但民進黨失去立法機構控制權，管浩鳴曾表示希望台灣當局有新看法。不過，賴清德上台後，兩岸緊張局勢持續升溫，他本月初拋出「祖國論」引發爭議，被國台辦批評蓄意割裂兩岸歷史聯結，繼續兜售 「新兩國論」，內地之後展開圍台軍演。

管浩鳴冀台方以人道立場處理
管浩鳴希望台灣當局以人道立場處理事件，但兩岸關係、台港關係無好轉，短期內難見曙光，但仍希望在未來幾個月，循其他途徑加快跟進。他指陳同佳事件無論如何都要解決，對潘媽媽、陳同佳以至全港市民，都要有所交代。

台灣當局換屆後，據悉有當地中間人協助跟進事件，希望盡量減少政治化，令台方批准陳同佳入境，前提是他會獲得公平審訊。有本港資深建制派說，疑犯承認殺人並「送上門」自首，卻不被批准入境是「荒天下之大謬」，批評台方政治立場先行，以司法互助為由製造「主權」議題，但目前兩岸關係差，案件難有進展。

只能夠辛苦佢等埋GTA6打埋爆機先

係新聞定舊聞黎?? 隻隻字都好似見過，已經分唔到新舊

根本就唔係隱居深山！香港地有乜地方可以唔畀人知？唔畀人見到？
除非係監倉，仲要唔喺香港嘅監倉！畀人喺香港地軟禁都會有看守人員出出入啦！點會冇人講！

香港嘅航空公司比唔比佢買機票，佢喺香港係自由人
去到台灣落地 被台警拘捕，咁唔得？

喺香港，只有死人先會住喺深山

驚慌提供既安全屋咪冇人搵到，日日有人把守，佢唔使旨意出到去

好似mo 啲新聞咁
成日講無進展

好多年前都有人講過，佢係畀台灣通緝，冇可能畀你自由買機票入境，一定要係逮捕疑犯後喺機場交收！由相關警務人員押解佢去當地！

你都唔夠膽畀過殺人犯同你坐埋一架機啦！如果冇警務人員押解疑犯到當地，點知佢會唔會癲起嚟自殺式同全機人攬炒！？

香港三大循環再用，定期重覆重覆又重覆咁出現嘅新聞

陳同佳自首
張致恆冇錢
的士佬擺駛

罷

中台之間辺凢𠆤城市有飛機直航

台北（犯案城市）通緝 定 全囯通緝

深山 = 大陸
只有偏遠嘅大陸地區/監倉，先無人流出到佢嘅消息
香港地方太細，無乜地方可以收埋到一個人幾年都無人知，除非荒島

正生書院個到咪有位囉

疫情期間，香港地有邊個荒島冇香港人足跡？

有，無船到嘅地方

Google ：地理 香港位處中國的東南端，由香港島、大嶼山、九龍半島以及新界（包括261個離島）組成。

其實都係奇案來
以陳生既知名度，加上出眾既外表，去7仔買枝可樂，點都會俾人認到post上網
但咁多年過去，竟然無人知係邊

戴口罩 戴帽未必認到

又或者上返大陸
都忘記左點解話台灣唔俾佢過去

大粒墨真係如漆黑嘅螢火蟲般咁出眾！如果佢能夠自由出入，冇可能冇人認得佢！所以成日話佢隱居深山，根本就係混淆視聽，想你哋唔好查！唔好問！

臺灣要香港簽 類似中華民國既文件
香港緊係唔簽

gta6 延期了

管木 辦事不力
林鄭比左幾年時間捧埋佢做議完

仲未搞掂一個佳仔送佢上路

阿爺吩咐落下屆 佢同佳仔一齊消失