2024/2025 第七屆連登港超聯金草莓獎選舉「Here comes the worst」

老實講係泰利贏都幾意外

好波

得票率36.3%

我都覺得意外

想問有冇得公佈次名係邊個

頒完個Q and A可以問吓

今季又冇乜邊隻龍 係「真係好差」嘅水平

金草莓後衛：葉卓文（北區，1XX票）、奇雲莫雷拉（大埔，100票）、馬天尼斯（理文，93票），巴登卡（傑志，86票）
文文因為季初一個令大家R爆頭既烏龍，比球迷瘋狂叫佢飲咖啡，比教練暗示佢要唔要轉行，甚至大熱當選金草莓唔知佢下年仲留唔留到係北區？
餘下三個當選既原因好相似，就係表現不乎預期；三隊波比哥倫比亞/西班牙外援激死呢三個下年都應該唔會留係香港，我地就等下下年會有咩外援後衛再次「驚天地泣鬼神」
文文既票數暫時唔公佈，係因為佢有機會成為最後大獎既得主；不過佢點都成為金草莓歷來第二個過百票既後衛

四個都實至名歸

金草莓中場：夏馬特（理文，1XX票）、施卡達利（理文，76票），歐陽耀冲（九龍城，59票）
理文今年四大雞胸，最大既問題一定係中場；夏馬特無料到，季中雞完搵施卡達利又無料到，搞到理文成季到尾都仲要用晉銘WW保利臣呢個會耐唔耐失靈既組合，令到理文成季都係斷開前後兩截，當選金草莓相當合理
順帶一提，當去年暑假有消息話理文搵左個前德甲中場既時候，大家根據已知既提示，就已經搵到果位球員就係夏馬特；而當時連登眾會員已經一致覺得夏馬特係水貨事實所言非虛，夏馬特來到香港，係港超同亞冠二都無甚表現，理文係半季之後唯有同佢提早解約夏馬特成為歷來第二個過百票既金草莓中場，亦係預期之中
大廚又點解會當選？去左J3三季，只係踢左幾分鐘，波都無掂過，然後就覺得自己學左好多野想返來教下年青人；最好笑係上季返流浪又唔得，今季去九龍城又唔得咁你教左呢兩隊既年青人乜野？其實你依家都搞緊足球學校，可以送人去日本學野跟操試腳，又可以介紹日援來踢港超啦；不如正正經經收山教班/做經理人好過

保利臣

當時好多人J夏馬特㗎我都有份

拉票失敗

印象中季初都入過一球遠射？

歐沖仲有嗰下傳奇級別嘅後備落場食黃牌啦

可恨佢嘅對手（隊友）實在太出眾

個下點都係球證問題啦

金草莓前鋒：張憙延（理文，97票）、辛尼（九龍城，84票），潘沛軒（傑志，83票）
Marcus本身就算點令人失望，無得落場又好，落場見到肚腩又好，都唔應該係金草莓11人；點知最後整單LKF打交事件如果佢下季無港超隊要既話，肯定係佢自己攞來我只好寄望佢記得fitgor既故事，好好重新做人
同一時間我應該要係呢度好好警告飲開酒果幾個球員，如果再唔檢點既，一個唔該你既下場可能就會同Marcus一樣
辛尼掛住法甲前鋒個名，來到九龍城無場好波，當選金草莓相當合理。唔知佢下季可以去邊呢？
潘廢上季入完中國隊兩球，亞運又有好表現之後，明顯上晒頭當自己係球星；今季佢掛住去LKF溝女，狀態跌到傑志唔出佢，甚至唔放佢入大名單不過我覺得佢只要自律唔去LKF，唔好上頭，好好練波既話，下季都應該可以進步既

冇羅沙

依三個加埋都冇佢咁多
不過重點收購嚟講真係好撚差

尾二輸嗰個絕殺頭槌幫咗好多

自我救贖咗啦