大埔弒兄案│被告稱爭執期間親兄打中母親 拔刀喝止卻誤中兄長頸部 「我平時蟻都唔會踩死」

15:03 2025-05-09

大埔下田寮下村弒兄案，六旬退休漢不時就照顧母親事宜與親兄發生爭執，3年前年初六涉嫌在家以生果刀殺死親兄，案件今於高等法院續審。被告續自辯稱，當日兩兄弟爭執期間，親兄用膠管打中母親及打算拿起椅子繼續施襲，他拔刀及嘗試喝止親兄，期間卻刺中親兄頸部；他其後為母親安排送院，並吞服殺蟲劑和寫下遺書，「死咗就一了百了囉」，又自稱「平時蟻都唔會踩死」。案件下午續。

現年68歲的男被告鍾士康否認於2022年2月6日，在大埔社山路下田寮下村某村屋地下謀殺親兄鍾仕安；被告承認被激怒至喪失自我控制下誤殺親兄，但控方不接納並繼續控以謀殺罪。

被告供稱，自己案發當日從祖屋外看到只有死者和母親在內，當時母親坐在輪椅上及頭望地下，被告感到不妥和擔憂，於是進入單位與死者發生口角，其後被告想帶母親到醫院，但遭死者阻止，死者又以膠管襲擊被告，其中一下更打中母親肩膀。

被告稱自己當時感到憤怒，死者更打算拿起椅子襲擊，被告便拔出刀及喝止死者，但死者卻試圖搶刀，兩人糾紛期間，被告的刀刺中死者頸部，死者當場身亡。母親着被告快點離開，被告由於擔心母親認出死者身份，便用刀劃花死者臉部，其後由因死者早前打中母親，被告出於憤怒而在死者手臂添上幾刀。

被告供稱，他把母親推出到自己單位外外，並打電話安排救護車送母親入院，他又向母親說「阿媽你唔使驚，我已經將隻癲狗斬開咗9碌㗎啦」。惟被告其後返回單位內寫遺書及喝下殺蟲藥，稱因為「死咗就一了百了囉」，加上他已經安排母親入院，已經「做晒啲嘢」，故而他在遺書上亦表示把自己遺體捐贈給中大作研究之用。

被告又稱，「好大鑊㗎，我平時蟻都唔會踩死，而家突然殺咗人，仲係自己阿哥嚟」；他把母親推出單位後，曾進入死者的房間，「見佢死咗，咪去佢間房睇睇，我都唔知點解……」，並把自己的銀行卡放到母親菲傭的枕頭底，指死者對待母親不佳，如果沒有菲傭，母親情況會更差。

案件編號：HCCC438/2023

Too emotional🤏🤏🤏

他又向母親說「阿媽你唔使驚，我已經將隻癲狗斬開咗9碌㗎啦」

情節咁似改編電影 ?
會唔會又有匪夷所思細節

母親着被告快點離開，被告由於擔心母親認出死者身份，便用刀劃花死者臉部

唔明呢句個邏輯

老母唔認得自己個仔？

呢啲案仲自辯咁勇…

平時蟻都唔踩死 因為慣咗用刀

應該認知老退化

老母唔知呀哥死左?