想學車，有冇人可以解答吓我

我而家目前淨係報咗個筆試510$
個學習駕駛執照就未搞，好似要過咗個筆試先
筆試諗住單靠app就算


關於學車考路試，有好幾個問題想問：
1:啲學車課程編排自由度大唔大？因為我工作需要輪班。
2:考咗個筆試有冇規定幾耐之後要一定要考埋個路試？
3:有冇推薦嘅學車學院🙇
唔該晒，咁多位大佬🙇

1.最夜試過10點學
2.唔知
3.唔好出去搵師傅就得,吞卜呃鐘甩漏聽唔少

懶得答你...
唔自己搵嘅話 可以去呢度問 睇下有冇人答
https://lihkg.com/thread/3913398

pass 完筆試可以申請學牌同排期路試
諗定揀咩車同咩地區
上堂時間同師傅夾

考完筆試
考之前半年搵師傅約時間
約到時間先整學牌上車學
學牌唔好太早整

對自己有信心既就用基金去駕院學

cfu會俾時間你上堂 你有時間就上

好似2年內要pass到

去駕院固定幾條路線

泊位調頭斜路 唔洗排隊練 基本上一定pass

筆試PASS-->依家唔知排幾耐先到路試--->整學牌--->有效期好似1-2年
過左2年都PASS唔到就要重造學牌

上堂依D就自己同人夾, 某D日子時間唔比上堂, 依D師傅會同你講

1. 唔係得你忙，你師傅都忙，係有需要就自己自動自覺一出左路試期就快啲主動聯絡師傅同佢夾期
2. 你pass左筆試就會約路試期，駕院就會自動幫你一星期內約埋，出面就問返駕校啦，你要預時間上堂都要最少三個月，學牌最好你臨上堂前半個一個月先申請，因為得一年限期
3. 你上網求期research 下都有好多info, 個人覺得只要人信得過嘅學校，你唔係駕院就間間差唔多，最重要都係part個師傅好唔好人，肯唔肯教

收到晒，大概明白
唔該晒各位🙇
原本我係驚時間就唔到太快就路試，學唔切車🙏🏻

想太多
你估你係TD 會唔會今日比你做學牌, 5日後你叫考試?

關於第一點
你可以首先諗定自己邊d 時間學到先
之後send 你想學既時間比師傅，睇下夾唔夾到
夾到就得 夾唔到就搵下個師傅

又或者你搵A 師傅可以夾到7-8成時間
淨低果d 夾唔到就出面再搵另一個師傅補鐘

補鐘既話價錢會貴少少
至於學幾多堂先夠考試就真係好睇個人資質

平均黎講如果一堂（1.5 hrs)
15-20堂差唔多

首先筆試合格成績終生有效,就算你呢次考車肥左隔N年再學車都唔需要再考筆試(我就係)

Pass左筆試之後,唔好搞其他野住,決定左你想報政府指定駕駛學院先定還是想自己出面搵師傅先,兩者各有優缺點
市面上有N間駕駛學院/學校,但只有4間係政府指定,呢4間分別位於沙田/鴨脷州/元朗/觀塘(但其實呢4間背後都係同一個母公司,同一個老細)
好處係一定向校內考左乙部(泊位/掉頭/斜路開停)先出街練,考乙部時唔驚突然有街外人衝出黎,對部車操控有返咁上下先出街操路試
啲教車師傅未上岸所以一般教得俾心機啲
CEF課程唔係淨係教考牌,一啲P牌後要留意既野都會教少少
壞處係丙部指定埋考既區域;CEF課程又貴D;有突發事時想改堂又下下要俾錢

如果決定出去搵師傅手續就簡單好多
自己去運輸署排期(而家應該都要排成年),然後同師傅夾時間,第一次上堂前要整好學牌(學牌有效期一年,由你開始上車學到考車果日都要有效,所以唔好太早整)
但本港教車師傅質素非常非常參差
原因係可以自己唔經駕駛學校教車既師傅牌數量極少,全港得1千幾個,仲要運輸署無規定呢班師傅拎左牌一定要執業,即係分分鐘出黎教既可能得幾百個
而每年都係有幾萬人考車(運輸署報告),即係執業教車師傅同學生比例可能係一比幾百,所以個個持牌師傅都唔憂做
佢地無論教得好唔好都唔驚無學生
我自己就唔好彩淨係遇過一個又廢又hea既教車阿伯擺明等我肥想我搵佢補鐘賺多筆
所以如果無識人介紹好既教車師傅我覺得貴少少報指定駕駛學院好過
如果唔係政府指定果幾間駕駛學院而係其他駕駛學校,例如李健/好運,佢地都只不過係幫你代辦相關手續同幫你搵教車師傅
而好運呢間係伏到仆街,google就知,千祈千祈唔好報呢間垃圾,雖然真係好平

日頭好多位都學禁架

如果你有朋友識落一個教得好好既教車師傅介紹俾你
你考完筆試後就聯絡佢約時間，因為自己約師傅時間易就好多

但如果無
就建議你報指定果幾間駕駛學院，遇著伏既師傅機率無咁大
係改時間好麻煩又要親身去學校然後仲要俾錢
工作時間唔穩定就唔適合

香港駕駛學院-貴
學1次價錢=自己搵師傅學2次
其他學院-廢
佢地同師傅合作 師傅唔怕無人學
自己搵師傅-煩
應該最平同伏數高

駕院內部快期 唔洗搶 cfu隨便換 好服務 缺點係貴 重考又貴一次六千 到時再換出面快期重考你前期投入全部冇哂

1:啲學車課程編排自由度大唔大？因為我工作需要輪班。
自由度好大，尤其駕駛學院，早一星期兩星期同師傅夾時間都得。

2:考咗個筆試有冇規定幾耐之後要一定要考埋個路試？
考完筆試可以排路試，路試排到幾時就幾時，你可以唔即刻排路試。

3:有冇推薦嘅學車學院🙇
無，樹大有枯枝，間間都有好有唔好嘅師傅
學院可以申請持續進修基金
而香港駕駛學院有專屬路線，eg沙駕必定派沙田路線，你搵私人教/其他學院係派唔到沙田，好處係1take fail 2take繼續報沙駕就必定再考沙田，唔洗學過第2條線。缺點就係貴好多

唔洗驚，我諗依家排期最快報街都8小時
報駕院一年咁上下啦