鍾發怒斥成龍無善待一班兄弟 爆李健生拍《警察故事》受傷昏迷無人理：你啲錢帶落棺材咩？

https://youtu.be/_zbbtKWFrcQ?si=ZV5bYm8UE8ecgfuH


https://youtu.be/FpIISBu9pRQ?si=ba6Kzr545NfMztoE



「洪家班」鍾發日前於YouTube頻道「文雋 講呢啲講嗰啲 Man's Talk」大爆曾志偉曾約食飯，但自己從內地回港隔離完之後，對方竟然放飛機，因此直言與曾志偉老死不相往來惹來熱議。近日，鍾發又再炮轟成龍無好好善待一班兄弟：「你啲錢帶落棺材咩？」




鍾發近日接受YouTube頻道節目《威哥會館》訪問，提到「洪家班」和「成家班」差異，佢先感謝洪金寶提攜，並多次大讚對方，指佢係一個好大哥，好識去捧人，發掘每個成員嘅特色，電影嘅每個角色似度身訂造一樣，令洪家班每個人都能獨當一面。及後，鍾發不滿成龍未有照顧好一班兄弟，表示：「成家班誰可獨當一面？」續指，「成家班」成員做得好辛苦：「火星最慘嗰個，最辛苦嗰個，所有替身係火星嚟㗎，張華、火星、李健生個個都辛苦。喂，成龍，你拿千分一（資產），唔好講幾多，都養佢哋一世啦，你何必呢？你啲錢帶落棺材咩，係咪呀？你搞到亂晒，搞到個個都冇晒。你唔好忘記呢班人同你搏出嚟。」


鍾發透露，1985年和成龍拍攝《警察故事》期間，李健生從雙層巴士上層車頭位置插水式從頭跳落地下受傷昏迷，但無人理過佢：「你都無人理他，所以我就爆大鑊，我就鍾意，等佢牙X擦，等佢走過嚟同我傾呀，我絕對有權同佢講呢啲嘢。」鍾發又強調做龍虎武師有好多辛酸，並唔係一出來就風光，認為「阿頭」好重要，直言：「成龍你冇你班底，你好好咩？成龍你冇洪金寶，你能返得轉以前咁，一部搶包山你差啲死啦，拍一部《飛龍猛將》塑造你嘅警察故事，食到依家。」


https://hk.news.yahoo.com/%E9%8D%BE%E7%99%BC%E6%80%92%E6%96%A5%E6%88%90%E9%BE%8D%E7%84%A1%E5%96%84%E5%BE%85%E4%B8%80%E7%8F%AD%E5%85%84%E5%BC%9F-%E7%88%86%E6%9D%8E%E5%81%A5%E7%94%9F%E6%8B%8D%E3%80%8A%E8%AD%A6%E5%AF%9F%E6%95%85%E4%BA%8B%E3%80%8B%E5%8F%97%E5%82%B7%E6%98%8F%E8%BF%B7%E7%84%A1%E4%BA%BA%E7%90%86%EF%BC%9A%E4%BD%A0%E5%95%B2%E9%8C%A2%E5%B8%B6%E8%90%BD%E6%A3%BA%E6%9D%90%E5%92%A9%EF%BC%9F-031520979.html

成龍係踩住d兄弟上位的

Fall guy

同埋啲思維一定係，個個整親都搵我咪破產

勁撚pk

10:13

佢自己訪問都講

人生第一次賺咗幾百萬

係買7隻錶 。日日請人食晏請人睇自己隻錶

睇過佢一個大陸訪問，明明係佢特登整傷自己成家班d兄弟搞到佢哋損手爛腳流晒血，目的就係想啲鬼佬崇拜佢
佢講出嚟嗰陣，個樣一啲歉意都冇，仲要懶勁咁

仲以為有咩驚天猛料爆出黎

武替道

成蟲，睇佢點對自己私生女就知一定係一個人渣仆街

但喺鬼佬眼中佢係冇hater人格WFC

都唔是秘密，個個都知佢是咁

但wiki 話呢套戲係影射其他動作演員

D人唔識中文
成龍係外國拍rush hour 都唔收得

佢啲支持者會話係個女人自己唔落咗佢，抵佢死

ONS咋你估fall in love咩～

報應報咗落佢個仔度
不過佢咁自私都唔會care

你哋只係幫過佢嘅契弟

Rush hour唔收得 不過拍夠3集比大家

咁佢係"老細"呀嘛.
兄弟同佢拍戲整親搵佢係天公地道.
呢行又買唔到保險, 佢無錢就算, 但學鍾發話齋, 佢攞1/1000 都可以照顧到兄弟啦.

所以結論就係成龍係一個仆街.

成家班得佢一個
錢家班同洪家班就成班一齊
就知點解

約唔到食飯就老死不相往來

人地早都叫落咗佢 就係都要生出嚟作威脅用途搞大件事
養到個女白粉gay婆咁
根本都唔識做人媽媽 點教女 仲學人生

yes offense