新渡輪指，往返中環及長洲的人次較去年同期減少約19%。
入夜後雖有零星小販檔開業，但未見排隊人潮。
「六點幾已經無人」
於長洲東興街出售冰西瓜、冰菠蘿及炸雪糕等食物的「長洲妹」吳小姐指，今年遊客雖比去年多，但亦比想像中少，「內地遊客都少咗……預多咗貨但係滯（銷）晒呀！」未到七點即使預備的食物未賣清，亦已決定提早打烊，「六點幾咋，已經無人喇，慘呀真係......如果真係旺我就唔會得閒接受你訪問啦，唉！」
吳續指，或受明天是星期二工作日影響，「啲人聽日要返工好重要，啲人好早就走晒，可能佢哋唔知晏少少仲有活動」。店舖能望到碼頭的吳又笑言「你睇吓，都無人排隊！」每年太平清醮飄色巡遊，有關單位均會在街上「劃線」讓巡遊隊伍通過，但吳指「以前呢度逼滿人，（行人路）封路封出一倍！」
吳小姐指今日遊客數目不如想像中多，即使食物未賣清，已決定提早打烊。
吳小姐指行人路今日六時許已經人流稀疏。
平安包售出1萬個勝去年 商戶不敢加價
康蘭餅店今年準備4款口味平安包，包括蓮蓉、紅豆沙和黑白芝麻蓉，每個售11元，另有禮盒裝定價50元任選4個平安包。餅店負責人郭予泉表示銷情不錯，「今日都賣到一萬個，比上年多兩成」，不過因為大環境消費力弱，餅店亦保持原本價格，「都唔好加價喇」。
晚上七時許餅店仍然趕製7擔包，予搶包山大會明早派包之用。
餅店負責人郭予泉指今日約賣出1萬個平安包。
商戶稱黃金周尾聲 內地客「急急腳走」
於海傍街廿多年、出售各種特色平安包飾物的「長洲速印」楊生指今年生意一般，營業額比過往低三成，「今日已經係黃金周尾，佢有入嚟但都急急腳走，（內地客）趕住返上去返工」。
楊指內地旅客與香港旅客比例為「三七比」，「香港人七，香港人多啲」，內地客消費力亦較低，「都係消費100元左右」，香港客則較多消費二、三百元。晚上七時許，海傍街已不多遊客，楊生坦言「今晚會早啲收工，以前會十一、二點先收，今年十點零就會收喇」。
楊先生指內地旅客與香港旅客比例為「三七比」。
楊先生指，港人消費力亦較強。
「小島品味」黃太指，此公仔是媳婦專誠為今年太平清醮而設計，為「長洲獨家」。
專賣手信的小店「小島品味」設計「熊貓抱平安包」公仔匙扣，未入夜已賣清。
