[FB轉貼] #盲盒旅行團 第八盒 事件回應 CLS Holiday

#盲盒旅行團 第八盒 事件回應 CLS Holiday

個團今早順利回港，終於可以同大家交代件事

一直無公開回應，係因為唔想係風頭火勢下火上加油。面對團的問題，我地想集中處理人客情緒（包括埋無投訴的客人），並全力確保行程順利進行。

的確有安排失誤的地方，例如信錯當地旅行社推介話第1晚酒店係國際4星（例如某T網站），原來只是本地2星酒店，但最大失誤亦係信錯當地旅行社，佢地想盡早帶人客行兩座山（獅子岩+皮杜蘭加拉岩），生怕客人中午後行會中暑，結果需要早上5點出發，未有周詳考慮人客體力是否應付。兩樣加埋就立即令人客不滿，從而發生之後你們在網上見到的投訴。

錯就要認，所以第二日已宣佈一系列補償，例如多送幾餐原本自費的餐+免費按摩+現金補償，而後來因為轉不到5星酒店（1晚唔夠房轉、另1晚當地旅行社話嗰間5星仲衰過原本選擇），亦要向全體團友退回2晚酒店的星級差價。幸好所有團友非常明事理，最終全體接受退款，順利完團。

至於行程點解幾日都5點起身？因為動物出沒時間主要在早上，例如第四日在Yala國家公園的吉普車遊獵，以及第五日早上出海睇鯨魚（好可惜最終睇唔到），但下午活動通常比較輕鬆（例如設自由活動時間）。而晚餐亦直接在酒店食，幫客人慳時間早啲上房休息。

另一方面有唔少人批評團費太貴（其實係HK$13,888起），首先要明白出發日子踏正5.1黃金周，機票價格異常高昂（今次仲要搭國泰直航，有唔少國內旅客轉機去），但因為明白我地客人以上班族為主，利用長假期加請AL方式比較容易受歡迎，所以特別設定要喺個幾日出發，團費自然貴，加上我地啲團純觀光，並沒有購物景點，團友無需强制購物，我地無回佣賺幫補旅費，而團費係包晒所有稅款同領隊費。因為出發及時段航班都有差別，而且內容上都可能有出入，大家都明白，從來機票及酒店的價格都是浮動海鮮價，升跌尤如股市，加上現今互聯網資訊公開透明，我地一班聰明的團友，又怎會不知道，大型旅行社出團可能又大團些，相對成本控制就有差異。

好感謝所有團友嘅體諒，其實行程整體而言是順利，尤其最後三天大家對睇動物（如Sarafi + 海龜）都很興奮，再加上返可倫坡住返5星酒店，大家心情即刻順返晒。

亦要再次澄清，團友信上5月3日前簽署，原來並非有迫之，意由於長假期，會計需要有時間準備款項回饋團友。

再一次感謝所有團友的忍耐及包容，體諒本公司，多謝他們的意見亦令我們有動力及支持前行，及吸取了今次的經驗，更長一智，抱歉令今次盲盒行程不完美。

TLDR: 當地旅行社安排失當，成功用錢塞住團友把口，已經冇人再投訴，水魚們唔該繼續報下一團

有得唔同意咩
好日都唔做運動 日日遲到
難得連假倒塔咁早走去行山 住垃圾
辛苦過番工
貼錢買難受

𨳒佢老母，上Google, hotels.com, Expedia, Agoda…. 自己覆一下成個行程有幾難？跟團導遊都要知間酒店乜嘢環境啦
Local tour 話要晨早起身行山，CLS自己都會知當日凌晨先到埗，點會話信錯？所有行程時間都瀬鳩第三方安排，咁CLS負責咗啲乜嘢？全部都係低級錯誤，仲要鳩吹，食屎啦

你真係信佢信錯當地接待就傻仔啦

公司如其名
CLS

揾當地旅行社 自己再食差價 fat fat

真係cls

求其外判出去

都幾慳水慳,求期比舊錢判出去做
自己公司咩都唔洗再PLAN再理,除左買機票果下

睇 FB post comments 似仲會有人幫襯 🤣