頸痛難耐 22歲仔鐵鏈吊頸亡

受頸椎骨刺折磨五年痛不欲生，廿二歲青年鐵鏈吊頸絕命「止痛」。從小沉迷打電玩的青年，疑因姿勢問題導致生骨刺，長期飽受痛楚煎熬，前日他痛得要請病假，晚上與母親「最後通話」後在屯門寓所以鐵鏈吊頸，母親昨凌晨回家揭發，惜青年送院後返魂乏術。其母從兒子留下的四頁遺書及手機遺言，得知愛兒一直忍痛工作，在醫院哭斷腸。


曾赴內地求醫 病情迄無改善
吊頸青年馮琪雄，花名「J雄」，其父數年前因病去世，他與母親及胞姐住在大興邨興輝樓一單位，其母在機場食品公司上班，平日工作至凌晨才返家。雄仔與時下青少年一樣，從小熱愛打機，疑因長期埋首打機時姿勢不當，十七歲已發現患上頸椎移位，導致骨質增生「生骨刺」，五年來到處求醫，曾到屯門醫院求診，但未見成效，之後更赴內地求醫，但病情一直無改善，也不敢向母親透露病情。
鄰居鋸鏈不成 尋匙開鎖已晚


直至前日，他疑因骨刺壓住神經線，痛得要命，只好向公司請假，心情陷入谷底，晚上九時許曾致電母親問她何時歸家，其母初時不以為意。豈料，母親昨凌晨零時許收工後多次致電也無人接聽，心感不妙，立即「飛的」趕回家。馮母甫開門，驚見雄仔在客廳內，用鐵鏈綁鑲嵌在天花板健身支架上吊頸自殺，口吐啡色液體，毫無知覺。

馮母大驚報警，並跑出家門叫喊：「救命呀，我個仔吊頸呀！」鄰居夫婦聞求助立即救人，男鄰居立即抱起雄仔，馮母及女鄰居則踩櫈嘗試鋸斷鐵鏈，但也徒勞無功。此時，三名救護員趕至現場，在支架附近尋回鑰匙，立即解開鐵鏈，將雄仔送院，惜雄仔送院搶救後終告不治。
四頁遺書 盼母好好照顧自己
警方到場調查，檢獲雄仔留下的四頁遺書，透露自己患上頸椎移位五年，但「醫極都醫唔好」，大受折磨，他又向家人道歉並交代身後事，希望母親往後要好好照顧自己。母親其後翻查手機，始發現愛兒早在兩日前已留下遺言，她當場哭崩，其後待心情稍為平復後，也不忘向鄰居夫婦致謝。
該鄰居夫婦驚聞噩耗也惋惜不已，嘆指他們家的兒子從小與雄仔玩耍，大讚雄仔高大斯文，待人溫文有禮，會主動向街坊打招呼。警方經調查後認為案件無可疑，相信死者不堪病魔折騰萌生死念。

2014年5月24日

寧願排政府醫院+ 返大陸醫
都唔肯比多少少睇physio，睇4，5次乜都搞掂啦

唔敢講全部
但係肯定有部分政府醫生係想快啲踢你走
多過諗點樣幫你盡快好返

佢生骨刺喎，睇physio有用咩？

唔知佢阿媽有冇申請調遷遠離傷心地呢？

郁D十幾萬唔係普通家庭拎得出

大部份都係諗話唔定慢慢會好返, 結果拖下拖下就嚴重到救唔返

佢老母仲要返工返到半夜先返屋企, 老豆又前幾年都死咗, 基本上應該係幾萬都拎唔出果種最窮既家庭

雄仔與時下青少年一樣，從小熱愛打機

睇到呢句忍唔住笑咗

個朵叫J雄
諗到佢嗜好係乜

睇錯經痛

老老實實,見你咁後生都幾肯定比止痛藥你打法你，排返10年八年可能會同你開刀。

on9
舊骨已經增生左，睇咩都冇用
要搞掂就要做手術，但有機會手尾又長

Bowtie 有意外保都包na…

17歲就頸椎移位，又唔同屋企講，諗住自己搞掂

生得骨刺都唔係一年半年姿勢不良咁簡單，分分鐘頸痛咗幾年先肯去睇醫生

睇公立柒係柒啲，但係都叫做有physio，電吓條頸止痛都已經好好多，重有無限止痛藥供應

有親戚就係頸痛 睇咗好多唔同醫生/治療 全部廢柴斷錯症唔識醫 嘥咗十幾萬
最後第三年睇咗一個醫生知咩事 識醫就醫好

17歲就發病，你買乜都唔保啦

睇過公立有哂病歷記錄，點扮唔知

唉

睇完即刻坐直個人

去到自殺呢步，我估佢能力範圍內做到嘅嘢都做晒
Rip

same，本身瞓到一pat屎咁

花名「J雄」
真係打機定打J

2014年
喺人哋傷口曬鹽

我講緊物理治療，意外保險包的 你自己講點整親