冷氣討論 (18)

明白，收到。但如果長著壓縮機起碼幾個鐘以上但側面冇發熱只係普通室溫…係咪都係唔正常？偶然有幾次試過係咁…

你放個溫計入去最實際知到唔到溫.

OK，我試下。唔該巴打。

唔可以單靠側面夠不夠熱來𧗽量，如果櫃內溫度夠凍（壓縮機行）亦可以是微暖

明白…其實雪櫃入面夠凍冇食物完全冇變壞…只係側邊冇發熱而壓縮機長著冇停…驚佢長開得耐會燒機頭。

1）買咗溫度計先，雪櫃啲嘢唔壞唔代表溫度夠.
2） 雪櫃機頭係行低壓腔. 氣態雪種會冷卻壓縮機摩打. 腔體亦會散熱. 所以泰國三菱會加把風扇喺度吹而冇散熱片. 雪櫃壓縮機係會可以俾你長開. 亦所以雪櫃壓縮機可以行R600a.

明白。唔該巴打詳盡解答。

最近廳部1.5匹P記定頻機壞左壓縮機，要買過部，見到變頻窗口機，慳電同靜d，想試下。

1.5匹變頻窗口機，想問以下3部邊部好d，
美的MW12CRF8D/8E
格力GWF12P
珍寶AMWB12NIC

Budget 5000-6500左右，THX

珍寶個部機電處顯示CSPF有4.8987，美的同格力個部得4.68同4.65，珍寶個部都係慳電啲，消委會實測有4.973

消委會以標準測試環境下根據所量得的數據計算，發現各樣本的數值介乎3.106至4.937，相差達37.1%。全部變頻式樣本的CSPF數值，均較定頻式樣本高，其中CSPF數值最高的是「珍寶General」AMWB12NIC，達4.937，其次為「格力GREE」GWF12DB亦有4.659。此外，測試的10款變頻式窗口機樣本的CSPF平均值為4.331，3款定頻式平均值則為3.163。換言之，假設各樣本全年從室內抽出的總熱量相同，變頻式樣本平均較定頻式樣本省電27%。

本人體質唔清楚 要¾匹變頻窗口機

Klarwind 海迅空調 3/4匹變頻窗口式冷氣機 HLW007W
用家評價

本應想一次過換哂兩部，但係呢個牌子從未用過擔心有啲伏，但冇計由於佢價錢抵玩又有齊變頻及R32雪種，加上去過豐記比較下其他牌子，細心一睇揾到個重大發現，原來佢同開X、東X，豐X 牌的液晶搖控design都係大同小異，問左sales 原來佢地一律都係OEM代工貼牌生產，所以在3月22日膽粗粗先買一部3/4匹試下，安裝後真係ok夠凍又夠靜喎 (講明先我係真實用家不是打手)，試左一星期決定再裝埋另一部都冇問題開心使用中，個人評價算是一部性價比冷氣機，唯獨有埋wifi開機就完美了。

匹半無老美份

I said general

但係珍寶評價唔係唔好咩 有冇其他牌子推薦？

咁點呀你. 制冷型美的格力，抽濕型松下. 咁你想點. 邊度話唔好？

你又係逗號句號都係你講咁使乜問

Ok thx

應該壞壓縮機電容

呢間出晒名黑店祝你好運
利申:中過伏唔會再幫襯

早幾日先whatapp我，話當日會準時送到，希望唔係呃鳩我

買咗P記ru18bka 2匹機 用咗一個月 so far so good 真係好靜 又夠凍 裝好試機嗰時試過較到最凍 室溫28度到 出風可以砌到10度 11度

間間都有人話過係黑店，豐澤買冷氣又有，友和買冷氣都有，BBE買冷氣都一樣有

抽濕型係夠匹情況下濕度低， 同等btu 抽濕型就會輸出更勁. 當人體皮膚無水阻毛孔，btu 更大時雙管齊下就會好凍及舒適.

上個禮拜裝咗樂聲窗口變頻cw-hu90aa,但法國如果較 fan speed auto嘅話,部機某段時間會冇風出,之後試過fan speed較返兩格,有返風但係都係某段時間得風冇冷氣,想問下係咪正常？