［長文慎入］ 深夜放負，有無巴打明白

我係一隻地盤狗，每星期番6日，連交通每日大約14粒鐘。
老婆番份hea工，有個女小學，小唐之家咁嘅款。不過一直好似覺得差啲乜。
今日佢地放假去活動要Follow人地IG夠數先有得玩。然後1分鐘call我三次。
我每次接電話都要除手套抹面，結果三次居然都係問我搞掂未。
我最後一次發爛𡁻我老婆。30度露天做野你居然催我啲咁撚無謂嘅野。
夜晚我講開今日嘅事。佢只係話以後番工時間唔打搞我。可能男人易發脾氣，我一嬲就連個女都覺得媽咪無錯。
然後我發現好撚孤獨。根本屋企最親近嘅人都唔明白我每日辛苦做乜，工作壓力大個市又差又要供樓，到底同邊個講？

最後發現原來差嘅係無人體諒自己，我工作地方內容佢地都唔明，只係覺得我番到屋企唔出聲玩電話瞓覺唔陪佢地。其實我一早就揸乾左。

所以男人短命過女人，呢個係咪原因呢？

巴打 我可以抱抱你

You are not alone

試下返教會

認識基督教嘅世界觀
用耶穌嘅思維去理解人生
原來 , 人生可以有另一種玩法

https://lih.kg/kuBsmT

試吓同老婆講 就算佢唔100%明都起碼有一半明
好過自己唔開心 又再有下次
兩公婆係要好好溝通

睇你老婆咁唔識做都唔係一日半日
你都縱咗個女人咁多年
為個女忍埋落去囉

其實平心靜氣講過，不過要女人認自己有問題呢家野，我從來未成功過。而且個問題係從來都唔覺得身邊人明白自己。天口熱收工飲罐啤酒就當無事囉。

諗下如果冇左個女同老婆幾開心先，然後諗定離婚 叫個女跟老母自己執生

其實佢唔係成日唔識做。好似好小事但係發老脾佢地又覺得我小家。

多謝，我放完負會番出去做野架啦。

咁你都聽三次電話，下次唔聽算啦好嘛

咁你要解釋俾佢聽
其實你聽每一次電話都係容易

做男人確實係咁
冇辦法
所有嘢都係自己suck it up
從來都係自己一個人承擔所有嘢
就算有晒另一半同仔囡
巴打加油
全世界嘅巴打同你都係同路人

佢仲會打比你你好好珍惜，到有一日佢唔理你你可能仲傷心

觀點與角度
其實每個人都需要me time 去平衡生活
好難用秤去計算每個人既付出

最緊要有唔滿意要拎出黎講 但同時係互相尊重
唔好講講下就無明火起

利申:裝修佬

bro，首先係要你老婆明你
你個囡先會明你
如果佢可以同個囡多啲解釋你做嘢攰，要體諒你多啲
咁呢個觀念先會入到你囡個腦度

但你老婆究竟明唔明你
有冇試圖去明過
因為工作環境係點
呢啲你哋婚前應該會有共識

宜家環境唔好
我諗你亦唔敢輕易轉工，尤其要供樓
冇咩解決辦法，唯有硬食
唔知可以點安慰你

btw唔知你同老婆感情點
但同個囡，你點攰都要唧時間同佢傾下偈玩兩玩
甚至有時你可以直接同佢講解下你工作環境係點，等佢有認知
親子關係好現實的，要用時間心機建立返嚟
其實同你老婆都一樣，不過呢啲就費事囉嗦啦

你有沒有見過神？
究竟基督徒都在做什麼？

講左啦。之後就唔知點解扯左去唔陪屋企唔理個女功課度。

明白。其實都係。

其實同老婆關係唔差，如果唔係佢都唔打俾我啦。只不過當有唔開心壓力大就會發現無人明自己。好似自己要食哂咁。

所以本身唔係富裕家庭唔憂柴米既真係唔好結婚生小朋友,
大家都辛苦,個d咩簡單生活開心就好只係廢話,
驚悶寂寞既拍下散拖就算,唔係既話只係大家一齊唔開心辛苦到尾

最難對住老婆心平氣和。學習緊。

冇架啦
所以點解咁多麻甩佬收工唔想咁早返屋企
寧願喺架車/係條街度坐
再唔係就同班豬朋狗友去唔知邊度玩
就係因為返到去
對住個唔理解自己既老虎乸仲攰過係街

細個唔明日本男人點解放工要飲酒。而家明。