台灣自駕遊

都可以挑戰下高雄收工時間一樣咁癡線

利申環島個時揸H1客車版挑戰過其實慢慢起步班電單車識自己避既

大部份都要睇埋國際牌出保險

揸過, 其實當d 機車唔存在就得, 佢地會避

所以我係離開台北市先租車玩 市內其實交通都方便

你唔好突然cut就得，打燈慢慢cut/扭人地會避你

高速 咩牌電單車都唔上得 台灣嘈左好耐， 白牌要兩段左轉，左邊車道部分有禁行機車字唔行得，唔上得快速道路，而黃紅牌 等同四輪，可以行禁行機車，快速道路，除左高速。

揸車要注意有時綠燈但行人燈都係綠燈，要睇清楚有冇人，家下法例如果唔讓行人就係違規，罰6000，右線機慢車道，四輪右轉先可以行，唔係就係違規

台北市內揸車好高壓，放工時間D車四方八面咁黎，左右盲眼位都有機車貼住行，只能跟車流定速行，無乜margin of error

如果新手，幾個建議。

1. 盡量大公司租車，買足保險，慳一百幾十可能輸得仲多。大公司一般車都唔會太差。

2. 先上網睇下當地交通情況。台灣好多袋口位，又多4-5燈，又可以紅燈轉，初步睇片了解好重要

3. 接2， 如果你睇完，都唔係特別有信心可以跟得足，咁樣現實情況一係你就跟前車行，如果你係前車就寧願停喺度等後人呠你先好行，亂行好易出事

4. 邊度揸車都一樣，一定要做shoulder check，特別台灣咁多電單車。

5. 行錯路可以再兜圈，千祈唔好強行cut線。要明白去旅行係休閒，唔係趕住去死。

除咗揸去濱海公路同南迴公路之外
一律唔建議台灣自駕遊

上Klook 找iws 愛旺租車
又平，車又新

所有26都唔行得國道 (即係有朵梅花做logo 寫住1234)
機車( <250cc ) 只可以行慢線
有啲高架橋/馬路要行機車專用路，唔可以同46行，有啲路甚至寫明禁止機車
但係重騎（黃牌紅牌車，紅牌只係cc再大過黃牌）就可以同46一樣噉行

台灣係行人同行車地獄

乜鬼嘢應注意未注意
又刑事都有得分責任percentage
on99

上廣州揸翻轉打個底先囉

台灣交通意外率世界頭幾名，唔會輸過大陸，每位機車手都用生命值硬接，你唔怕同佢地鬥命硬就得，台灣自駕完全無樂趣...

台灣cut線一定要打燈，唔打燈會俾人篤

轉右一早要打定燈望鏡，d電單車撚真係唔驚死會係右邊攝上黎直行

上年去先撞低左一件差佬黎到睇cam我一早打定燈收慢先轉，最後冇事

台灣人都頂唔順d三寶同電單車，外國人去自駕真係玩自己

LM
諗住年尾帶屋企人去
去過日本、英國揸

第一次挑戰左軚

我三十幾年左呔牌都唔敢去臺灣自駕，尤其市區

如果你冇揸開車，就唔好去自駕喇

台灣機車嘅行為係想像唔到

佢地係唔會怕你讓你，一定係咁攝

就算大車都唔怕

https://youtu.be/8waE27OjMEc?si=TzS0zoDetpX5lUGW

你諗住係邊到揸？我係因為出台北市所以先考慮自駕

未仔細plan 但一定唔會喺台北市內
到時應該飛台北
所以如果攞完車Day1就喺市內揸
左軚都未適應得切仲要同班機車爭路 我個腦應該load唔切
同埋台北市內搭捷運去邊都好方便

自駕主要係想帶兩老行濱海公路
佢哋鍾意大自然睇下山睇下海
主力宜蘭、花蓮、台東

我啱啱甩p就去左台東揸，租iws 幾平幾新淨。
去之前睇左好多資料準備好。去到揸左10 20分鐘就上手。台東算少車，機車都少啲，朝早揸出去郊區玩，夜晚先返市區酒店所以唔算好難。

但真係要有防禦性駕駛咁，因為有次試過夜晚十字路口 ，我已經停咗 check右check左再check右，一起步就有機車衝出嚟，差啲撞。佢哋係無意識路口要收慢。

仲有道路規劃好差，尤其右轉要好小心，因為機車係靠右行，即使你提早好多打曬燈，扭埋軚，佢哋都會加速同你鬥快，攝過嚟直行。總之要好小心。不過花東真係好靚