[長文]今年31歲仔高不成低不就

多謝你認真覆我，我會參考下

人地唔同大陸同你做完愛就閃
Keep左個泰妹傾偈，佢話同客發展岀感情係真，佢地文化同華人文化唔同，冇做雞個種羞恥感咁執着。同埋佢哋競爭大，好多20歲靚妹岀黎做，大學生大把岀黎做
去到玩帶住你玩，同你一齊有講有笑
俾埋女友feel你
當然大前提你個樣唔好油頭大叔鳩樣正正常常先

CHING咁勁,我美股豬錢,有咩TIPS?

一個人食幾多整定，
唔使理d親戚點睇自己，
人生係你自己，
條路點行自己決定，唔係人要結婚生仔你就要去跟住去做，
父母有今生冇來世，
唔好認為係負累，31歲仲有大把路行，將來嘅事冇人知，宜家未想得通就唔好諗住，加油
最緊要身體健康

睇左第一段覺得晒命添
直情好過好多人啦
股票仲要賺錢，鬆動到仆街
中層了已經

有百幾萬資產 仲想點...
好多30零歲人搵2皮都唔知有冇
月月清無錢儲仲慘過你

冇乜tips我只買賣大路既正股特別係科技股（Appl, nvda, tsm, msft, googl, amzn, tsla, etc.)，最壞情況都係坐下貨大機會升返去，唔玩期權驚輸身家，最多都玩撈底玩下TQQQ短線, 揸現金個時就放係牛牛現金寶收息。

你咁樣叫戶口5位都無嘅連登寄生蟲如何自處

其實你條件唔係太差 但如果你要老婆同奶奶一齊住 你就預左日嘈夜嘈 你可以搵個工人同老母住 服侍下佢 唔好諗住叫老婆服侍奶奶 咁樣係外包孝順 個女仔無義務要咁做

對你無乜同情
你有對生活嘅唔甘心但無改變自己嘅動力/勇氣
乜都懶晒自己屋企嘅社經地位
不斷捉住印證到自己就係改變唔到嘅證據

我諗你一生其實真係無乜試過因為唔夠錢做唔到一件事

我以為篇野自己打
我湊住我老母已經覺得好辛苦 有讀過書 但好似咩都唔識咁
就算件野簡單到得個on off 都唔識攪 我老豆文盲黎 但都冇佢咁柒
老母叫我不如換居屋 我心諗換完我應該供90%
我比6-7000家用然後d錢自己管理不知幾爽
要我照顧多個人或者要生仔女 我諗一諗已經覺得好可怕
我淨係想快d儲夠錢走去d東南亞地方退休算

咁揀左就唔好諗其他
愛情婚姻只係人生其中一部分
趁而家冇咁大負擔享受下人生吃喝玩樂
講句唔好聽你遲啲要照顧一個身體唔好嘅老人家
精神負擔都好重
所以而家可以享受就要享受多啲
都要帶你媽媽享受多啲

潑水節都識左個妹豬依家仲keep到

大家以事論事討論就係，屌我又好同情我又好，只要有point既我一律都接受，只係留低句屌你老母就走個d我就懶得理。不過唔係好明最尾個句既意思，如果只係"想"既話都好多野做唔到。

好明白咁辛苦都係生存，兩老遲下老左負擔更大。身邊啲朋友同事屋企人唔洗養仲有錢留返比佢地。人比人比死人。有上一代幫手真係好幸福

多謝巴打意見會參考下，平時我都盡量keep住揸 30 40%現金，不過有d前排撈左底未放，有set止損單鎖住profit所以暫時唔驚。

兩個人一條心咁捱都算 咩都放老母第一
同果d孭住成個外家既女有咩分別

戀母+喪偶式育兒 真係華人傳承黎
樓主停係度都係好事

師兄講得好但有時都會比較下

嚇。我之前都係30k，住公屋無乜開支，每個月2000租，計埋食飯搭車5000有找
儲2萬5，一年30萬，4年已經過百萬，自己買樓走了。
係香港要儲錢，唔怕辛苦+慳下，好易
好似之前中學畢業暑假，個個就去trip，我走入地盤搬磚，拎緊2萬5一個月。講緊十年前。
不過無乜樂趣，純粹係生存。哩兩年好翻少少先開始似生活。

同你差唔多
仲要做緊份唔太啱自己又唔鍾意嘅工
直情想讀書轉行做有專業資格既工

你唔係高不成低不就
你係想厭你屋企無留錢俾你姐

我以為自己開post
年紀差唔多，工作又跟point跳AI/Acow仔，又單親+公屋。又係3xk，又係儲左1xx萬。
背景同你8成一樣。
唔同地方係有女，雖然感情麻麻，成日吵交，但都拎左1xx萬買左樓搬出左去住。同埋我媽大部分時間都可以搞掂自己，每個月比1000-2000就夠，叫作唔係好大影響。

睇開少少，我以前又係日日OT賺錢，AL都賣比公司。但哩兩年都開始享受下生活，人要睇開啲，唔使比自己太大壓力。轉錢都係用來使，揾個家庭普通少少，但有份OK工作的女仔一起生活都唔錯。

點小康法？
你都算有能力買到樓
同佢搬出黎咪得