有無人記得勁過同齡美斯既贊路沙？
米蘭米
40 回覆
5 Like
10 Dislike
贊路沙絕對唔係天才隕落，一來佢後生嗰陣都未到球皇級，二來佢皇蘇時期先係人生巔峰
仲有馬捷達
佢個世界美斯佔左8成
另外2成係c朗？
曼聯超新星贊奴沙火速走紅，查實「紅魔鬼」青年軍仲有大批優質小將排住隊等上位，尼克包維及連格等喺外借期間表現突出，成班生牯仔組成「新七小福」。曼聯青年軍臥虎藏龍，新帥莫耶斯早喺執教愛華頓時代已敢於用新人，若然細心發掘，隨時又執到寶喇！
曼聯九十年代培育經典「七小福」，碧咸及傑斯等超級名將成為球會生招牌，近年「紅魔鬼」青年軍只得韋碧克及湯卡華利等人上位，遠不及當年盛況，但隨住贊奴沙打響名堂，隊內年輕球員重現生機。莫耶斯向來大膽用新人，喺愛華頓一手湊大星級射手朗尼，近期喺愛華頓上位嘅巴克里亦係佢嘅得意之作，有個咁重視年輕球員嘅教頭，相信曼聯自家製新星會陸續登場。
「老福」教波 新仔更幸福
「紅魔鬼」現時仲有唔少星級教頭在陣，「七小福」成員傑斯喺一隊擔任球員兼教練，畢特就負責帶領Ｕ19征戰Ｕ19小歐聯，退休冇耐嘅史高斯早前都加入青年軍幫手，依家同畢特拍住上。呢班名將深得球會傳奇教頭費格遜真傳，而且全屬沙場老將，大戰經驗豐富，隊內唔少年輕球員都視佢哋為偶像，肯定聽教聽話。曼聯擁有呢個星級教練團，隊內年輕球員前途一片光明。
新碧咸 贊奴沙Adnan Januzaj
贊奴沙係曼聯傳奇領隊費格遜留畀下手教頭莫耶斯嘅一份大禮，費Sir喺領隊生涯最後一戰安排佢做後備，莫帥亦當佢係寶，今夏亞洲之行重用呢位小將，佢亦喺早前對新特蘭一戰梅開二度報答莫耶斯。
贊奴沙同「紅魔鬼」份約將於明夏屆滿，引來巴塞及曼城等歐洲大會注意，而由於佢符合條件代表四個國家，所以亦引起幾國爭人局面，今期真係紅到爆。贊奴沙早前已同曼聯續約5年，亦有指佢想喺英格蘭住夠5年後代表英軍，若然真係成事，佢有望成為「新碧咸」，全面升呢變做曼聯及英軍Icon！
新傑斯 連格Jesse Lingard
連格係曼聯今夏亞洲之旅最搶鏡球員，曾為球隊取得士哥，莫耶斯本來想留佢打聯賽盃，最後都係外借佢去英冠球隊伯明翰試一試。連格首戰已為球隊轟入四球，贏盡印象分，伯軍亦拿拿臨續借佢至今年十二月。
連格本身踢法都幾大路，可出任進攻中場或翼鋒，右腳踢左邊效果唔錯，論技術佢當然冇球會老大哥傑斯咁好，但佢喺左路側擊確係幾有威脅，現時亦係英格蘭U21成員。當年碧咸同傑斯合作無間，贊奴沙同連格早喺U21賽事展現默契，兩個新星將來可望重演當年雙翼齊飛畫面！
新尼維利兄弟 米高堅尼Micheal Keane 威爾堅尼Will Keane
曼聯以前有尼維利兄弟，依家有一對20歲「孖仔」堅尼兄弟！兩人同年同月同日生，但位置相反，米高堅尼司職後衞，威爾堅尼係前鋒。米高兩年前首次為曼聯喺英聯盃披甲，上屆英聯盃更正選鬥紐卡素，佢上年被外借英冠李斯特城，上陣22次入兩球，表現稱職。威爾只曾喺2011年英超對布力般流浪為曼聯後備上陣，加上紅魔鋒線人才濟濟，而後防明顯老化，米高堅尼上位機會較大。
新畢特 賴恩端尼基夫Ryan Tunnicliffe
賴恩端尼基夫踢法硬朗，令人聯想昔日中場悍將畢特，佢09年同曼聯簽職業合約後，先後被外借去彼德堡及班士利，今季去到葉士域治磨練。20歲嘅賴恩端尼基夫喺場外一樣惹火，試過因為醉酒駕駛被捕，不過佢亦係一位幸運童子，曾為曼聯U18奪得青年足總盃冠軍。佢9歲嘅時候，爸爸用10鎊買佢將來會為曼聯一隊比賽，結果佢喺上屆英聯盃對紐卡素後備上陣，帶挈老竇贏1萬鎊。
新基利士比 安祖路軒歷基斯Angelo Henriquez
安祖路軒歷基斯潛質優厚，上季已經被前教頭費格遜借去韋根吸取經驗，呢位智利小將速度極快，可鋒可翼，臨門一腳又異常冷靜，從佢代表智利U20出戰17場就轟入21球可見一斑，今夏帶領球隊殺入世青盃8強，難怪咁快躋身大國腳喇。今季A軒再被借到西乙薩拉戈薩，開咧至今已有4個士哥，腳風順到冇朋友，只要佢繼續交到貨，相信回歸紅魔只係時間問題。
新史高斯 尼克包維Nick Powell
上季曼聯肯花400萬鎊從乙組克魯簽下尼克包維，證明呢位19歲英格蘭中場絕非池中物，2012年9月英超對韋根，佢喺下半場入替傑斯冇耐即有士哥，演出一鳴驚人，可惜紅魔中場粒粒皆星，令包維苦無上陣機會。不過，包維同韋根都幾有緣，今季被借到呢支英冠球隊並冇氣餒，最近仲喺歐霸盃勇挫馬里博爾之役省兩粒，盡顯後上入楔嘅功架。
其他寶藏：莫帥第一簽 古利姆華利拿
身為新領隊莫耶斯今夏第一簽嘅古利姆華利拿司職右閘，喺今年世青盃表現出色，帶領烏拉圭U20殺入決賽，僅喺互射十二碼敗給法國U20，屈居亞軍。
羅馬小王子 柏杜基
呢位意大利天才被視為羅馬王子托迪接班人，16歲時為羅馬青年隊出賽19次射入14球，吸引曼聯羅致，今季被外借至比利時安特衞普。
比利時萬能Key 馬歷維吉爾
比利時小國腳馬歷維吉爾乃通天老倌，能夠勝任後防任何位置，最擅長踢右閘，具入球能力，曾喺今年對熱刺U21時射入一個靚波。
英U21殺手 拉尼高爾
英格蘭U21主力拉尼高爾司職翼鋒，曾喺2011年協助曼聯青年軍大勝曼城6比1，更食出大三元，今年5月對死敵利物浦又再入三球，入球能力驚人。
小迪基亞 森莊士東
呢位20歲門將風格極似現時曼聯第一把交椅迪基亞，甚至比迪基亞更大隻，並擅於指揮後衞布防，今夏亦有入選英格蘭U20出征世青盃。
小里奧費迪南 湯科比
20歲嘅中堅湯科比能勝任多個防守位置，移前踢防中一樣掂。佢制空力強，亦可引球推進策動進攻，球風優雅猶如里奧費迪南，成為紅魔U21隊長。
小A高 布力基特
可任左後衞或中堅嘅布力基特遠睇有啲似A高，去年夏天隨紅魔鬼出訪南非，獲得費格遜大讚，今季喺一隊獲編42號，係艾拉、阿歷山大畢拿嘅後備。
比利時森巴 安祖斯佩尼拉
17歲嘅安祖斯佩尼拉係比利時籍，因同聲同氣，佢同贊奴沙喺上季U21比賽好合拍，但呢名中場同贊奴沙一樣唔做比利時大國腳，因父母都係巴西人。
曼聯九十年代培育經典「七小福」，碧咸及傑斯等超級名將成為球會生招牌，近年「紅魔鬼」青年軍只得韋碧克及湯卡華利等人上位，遠不及當年盛況，但隨住贊奴沙打響名堂，隊內年輕球員重現生機。莫耶斯向來大膽用新人，喺愛華頓一手湊大星級射手朗尼，近期喺愛華頓上位嘅巴克里亦係佢嘅得意之作，有個咁重視年輕球員嘅教頭，相信曼聯自家製新星會陸續登場。
「老福」教波 新仔更幸福
「紅魔鬼」現時仲有唔少星級教頭在陣，「七小福」成員傑斯喺一隊擔任球員兼教練，畢特就負責帶領Ｕ19征戰Ｕ19小歐聯，退休冇耐嘅史高斯早前都加入青年軍幫手，依家同畢特拍住上。呢班名將深得球會傳奇教頭費格遜真傳，而且全屬沙場老將，大戰經驗豐富，隊內唔少年輕球員都視佢哋為偶像，肯定聽教聽話。曼聯擁有呢個星級教練團，隊內年輕球員前途一片光明。
新碧咸 贊奴沙Adnan Januzaj
贊奴沙係曼聯傳奇領隊費格遜留畀下手教頭莫耶斯嘅一份大禮，費Sir喺領隊生涯最後一戰安排佢做後備，莫帥亦當佢係寶，今夏亞洲之行重用呢位小將，佢亦喺早前對新特蘭一戰梅開二度報答莫耶斯。
贊奴沙同「紅魔鬼」份約將於明夏屆滿，引來巴塞及曼城等歐洲大會注意，而由於佢符合條件代表四個國家，所以亦引起幾國爭人局面，今期真係紅到爆。贊奴沙早前已同曼聯續約5年，亦有指佢想喺英格蘭住夠5年後代表英軍，若然真係成事，佢有望成為「新碧咸」，全面升呢變做曼聯及英軍Icon！
新傑斯 連格Jesse Lingard
連格係曼聯今夏亞洲之旅最搶鏡球員，曾為球隊取得士哥，莫耶斯本來想留佢打聯賽盃，最後都係外借佢去英冠球隊伯明翰試一試。連格首戰已為球隊轟入四球，贏盡印象分，伯軍亦拿拿臨續借佢至今年十二月。
連格本身踢法都幾大路，可出任進攻中場或翼鋒，右腳踢左邊效果唔錯，論技術佢當然冇球會老大哥傑斯咁好，但佢喺左路側擊確係幾有威脅，現時亦係英格蘭U21成員。當年碧咸同傑斯合作無間，贊奴沙同連格早喺U21賽事展現默契，兩個新星將來可望重演當年雙翼齊飛畫面！
新尼維利兄弟 米高堅尼Micheal Keane 威爾堅尼Will Keane
曼聯以前有尼維利兄弟，依家有一對20歲「孖仔」堅尼兄弟！兩人同年同月同日生，但位置相反，米高堅尼司職後衞，威爾堅尼係前鋒。米高兩年前首次為曼聯喺英聯盃披甲，上屆英聯盃更正選鬥紐卡素，佢上年被外借英冠李斯特城，上陣22次入兩球，表現稱職。威爾只曾喺2011年英超對布力般流浪為曼聯後備上陣，加上紅魔鋒線人才濟濟，而後防明顯老化，米高堅尼上位機會較大。
新畢特 賴恩端尼基夫Ryan Tunnicliffe
賴恩端尼基夫踢法硬朗，令人聯想昔日中場悍將畢特，佢09年同曼聯簽職業合約後，先後被外借去彼德堡及班士利，今季去到葉士域治磨練。20歲嘅賴恩端尼基夫喺場外一樣惹火，試過因為醉酒駕駛被捕，不過佢亦係一位幸運童子，曾為曼聯U18奪得青年足總盃冠軍。佢9歲嘅時候，爸爸用10鎊買佢將來會為曼聯一隊比賽，結果佢喺上屆英聯盃對紐卡素後備上陣，帶挈老竇贏1萬鎊。
新基利士比 安祖路軒歷基斯Angelo Henriquez
安祖路軒歷基斯潛質優厚，上季已經被前教頭費格遜借去韋根吸取經驗，呢位智利小將速度極快，可鋒可翼，臨門一腳又異常冷靜，從佢代表智利U20出戰17場就轟入21球可見一斑，今夏帶領球隊殺入世青盃8強，難怪咁快躋身大國腳喇。今季A軒再被借到西乙薩拉戈薩，開咧至今已有4個士哥，腳風順到冇朋友，只要佢繼續交到貨，相信回歸紅魔只係時間問題。
新史高斯 尼克包維Nick Powell
上季曼聯肯花400萬鎊從乙組克魯簽下尼克包維，證明呢位19歲英格蘭中場絕非池中物，2012年9月英超對韋根，佢喺下半場入替傑斯冇耐即有士哥，演出一鳴驚人，可惜紅魔中場粒粒皆星，令包維苦無上陣機會。不過，包維同韋根都幾有緣，今季被借到呢支英冠球隊並冇氣餒，最近仲喺歐霸盃勇挫馬里博爾之役省兩粒，盡顯後上入楔嘅功架。
其他寶藏：莫帥第一簽 古利姆華利拿
身為新領隊莫耶斯今夏第一簽嘅古利姆華利拿司職右閘，喺今年世青盃表現出色，帶領烏拉圭U20殺入決賽，僅喺互射十二碼敗給法國U20，屈居亞軍。
羅馬小王子 柏杜基
呢位意大利天才被視為羅馬王子托迪接班人，16歲時為羅馬青年隊出賽19次射入14球，吸引曼聯羅致，今季被外借至比利時安特衞普。
比利時萬能Key 馬歷維吉爾
比利時小國腳馬歷維吉爾乃通天老倌，能夠勝任後防任何位置，最擅長踢右閘，具入球能力，曾喺今年對熱刺U21時射入一個靚波。
英U21殺手 拉尼高爾
英格蘭U21主力拉尼高爾司職翼鋒，曾喺2011年協助曼聯青年軍大勝曼城6比1，更食出大三元，今年5月對死敵利物浦又再入三球，入球能力驚人。
小迪基亞 森莊士東
呢位20歲門將風格極似現時曼聯第一把交椅迪基亞，甚至比迪基亞更大隻，並擅於指揮後衞布防，今夏亦有入選英格蘭U20出征世青盃。
小里奧費迪南 湯科比
20歲嘅中堅湯科比能勝任多個防守位置，移前踢防中一樣掂。佢制空力強，亦可引球推進策動進攻，球風優雅猶如里奧費迪南，成為紅魔U21隊長。
小A高 布力基特
可任左後衞或中堅嘅布力基特遠睇有啲似A高，去年夏天隨紅魔鬼出訪南非，獲得費格遜大讚，今季喺一隊獲編42號，係艾拉、阿歷山大畢拿嘅後備。
比利時森巴 安祖斯佩尼拉
17歲嘅安祖斯佩尼拉係比利時籍，因同聲同氣，佢同贊奴沙喺上季U21比賽好合拍，但呢名中場同贊奴沙一樣唔做比利時大國腳，因父母都係巴西人。
全部收哂皮
仲有曼聯同利物浦
佢搞亂咗牙朗
保贊
香川真司 > 世三
樓主唔笑？
佢當年幾有球味。。。d 老屎忽咁講
理論上要踢得成材係好難
但寫呢篇野條友又可以揀全部收皮既黎寫又真係有d料到
但寫呢篇野條友又可以揀全部收皮既黎寫又真係有d料到
佢太瘦喇
就咁網上睇，佢高1.8米以上但得63kg左右
美斯1.7米都無，但網上資料都63-67kg。
即係兩個肌肉量有明顯分別。
就咁網上睇，佢高1.8米以上但得63kg左右
美斯1.7米都無，但網上資料都63-67kg。
即係兩個肌肉量有明顯分別。
馬捷達笑而不語