破地獄票房破晒紀錄都輸最佳電影，到底點先叫Best picture？

1.6億票房，200幾萬人用腳投票支持，香港黎講仲要今年市道咁差，真係神蹟級成績，破地獄仲要係一套講只屬於香港人文化底層既冷門題材電影，咁都未拎到BP係有少少難以置信，你話佢係marvel 賣IP就話，破本身第一浸可能係賣子華，但之後入場都係口碑先入

今年BP唔係話城寨唔好，呢套拍得好靚，我都入左場3次，極具娛樂性，技術層次max，對得住大製作，但個問題係：如果有足夠資源，城寨呢類IP未來仲可以翻拍三次五次，甚至拎其他情懷都可以套番入去（正如杜蛇所講，唔一定係城寨，北角都可以）但破地獄呢D玩偏鋒、咁local既題材，仲要拍出黎唔鏗鏘集，唔小品格局，呢種創作真心係近年未見過

城寨贏技術完全冇異議，但如果要講件事有意義有echo，而且係present 到local culture，破地獄我個人睇係再好少少，呢套戲放早5年任何一年都夠實力拎Bp

我屋企長輩係第一次話想睇多次套戲（個陣未上串流），兩次戲院出返黎個樣都好感慨

所謂最佳電影，其實係咪應該係最能代表香港此時此刻心情嘅作品？呢類片拎唔到獎，或多或少都會影響投資方信心，咁日後就更加唔會有人肯冒險重金去拍呢類冷門劇本了

Avengers 都攞唔到啦， 黑豹因為夠黑反而攞

每個人心中把尺都唔同
點解一定要否定別人
人地揀左咪揀左
追究嚟無意思

老實講，我覺得破地獄一般般。子華號召力呃曬d人入場

其實我都有少少覺得係咁
最導一定係九龍，訓導屌打，但最佳電影我覺得有唔細討論空間

如果睇票房
揾會計就得
如果講「當下心情」
就要討論社會問題

「電影」擺喺邊？

今時今日票房拎嚟打下飛機咪算

咁電影某程度都係回應社會，回應市場需要，我又覺得呢2個準則唔係大問題
佢套戲唔係賣IP 呢點又真係冇錯，近十年唔好講香港，hollywood要搵套戲唔係賣IP 要有數有口碑都真係少見，唔係話冇，只係愈黎愈罕見，唔明你駁咩

我覺得破地獄個票房係夾硬造俾佢，我人生第一次見同一間戲院所有院所有時間都係上破地獄，真心大癲

香港金像獎應該好多商業考慮既
我同意城寨未必值得拎，
但Echo返你最後個句：
如果城寨都拎唔到，咁重邊有大陸大水喉肯比錢做香港大製造，養起咁多香港電影工作者

好現實既考慮

何謂之最佳先?
破地獄票房係高,
但如果講套戲本身, 係有好多位唔自然

marvel都囉唔到，完

Hollywood 不嬲係skip呢類唔係dei邊有分加

我咪講話城寨好睇囉 但個獎既定位以前唔係咁頒，覺得少見啫

最佳導演冇異議，鄭保瑞真係好勁，執行到仲要執行得好

唔明你問咩

坐得滿架戲院窮鬼黎，你估佢地肯開吉場咩，之前荷里活廣埸手勢唔好睇但明顯係蝕租蝕死先出此下策

藝術野不嬲小圈子圍威喂，好睇既電影就入場睇，從來都唔理有無咩濕鳩獎

鼓勵下啲動作片，唔好個個都拍鏗鏘集未幾好

哪吒2都爆哂場，但係得6000萬

破地獄成套戲都好一般

如果啲刷票房師奶唔滿意，建議下屆開一個「我最喜愛電影大奬」俾啲柒頭打J

哪吒一定係史上最佳啦

城寨起碼賣到埠，破地獄唔得

城寨起碼外國人有興趣，破地獄外國人get 唔到