林家謙在現場接受傳媒訪問期間，楊受成博士在旁突然出現，楊博士說：「依家諗緊佢簽英皇啊！」其後林家謙說：「你諗清楚啊，因為我係蝕本㗎。」其後楊博士說：「唔緊要，個個都咁講㗎！」林家謙再說：「你諗清楚先啦。」
其後楊博士隨即說：「依家咁多個傳媒做證人，如果我簽你就龜蛋！」期間林家謙笑說：「唔好唔好唔好，唔好玩咁大。」令全場記者起哄爆笑。其後林家謙再說：「咁如果我...」楊博士再說：「你唔簽我點啊？」林家謙即說：「你唔好唔開心啦！」再次令全場發笑。之後楊博士再笑著說：「你條友，彈弓手啊你！」兩人互動獲網民大讚非常可愛。