35歲IT男月入3萬為養家日日OT　突腦中風致偏癱悔不當初

【過勞／腦出血／中風】健康無價！內地一名35歲IT男因長期捱夜兼加班，過勞導致腦中風。經過一番搶救後雖然拾回一命，但導致偏癱等後遺症，踏上漫長的復健之路。他警世打工仔要適時休息，再賺多的錢亦不及健康重要。

積勞成疾｜月薪三萬的代價 每日工作16小時
綜合內媒報道，浙江杭州市一名35歲從事IT行業的程序員吳先生，因長期捱夜加班，導致腦幹出血險些喪命。吳先生原任職於杭州某互聯網公司，月薪3萬元人民幣（約港幣3.3萬元）。他已婚，與妻子育有一名5歲女兒。吳先生為養妻活兒，每日清晨7時起床上班，平日晚上7、8時下班，如公司接到項目跟進，那段時間甚至需要加班至深夜11、12時，換言之每天工作時間將近16小時，等同於「一人打兩份工」的狀態。回家後梳洗完畢，他上床睡覺的時間已經是凌晨1、2時。

積勞成疾｜手腳麻木未警覺 就醫驚見腦幹出血
發病前一個月，吳先生曾出現手腳麻木症狀，當時他僅以為是肌肉疲勞。直至親友勸說求醫，才發現是腦中風，當時腦幹已出血5毫升。據悉，當腦幹出血超過10毫升，死亡率近100%，5毫升治癒率僅30%。吳先生被送進ICU搶救，昏迷15日後甦醒。當時醫生診斷他左側偏癱，需在ICU觀察1個月和臥床治療3個月。治療期間，他暴瘦22磅，且無法工作賺錢，家庭的經濟重擔全落在妻子身上。

積勞成疾｜身體已恢復至原來的70%
幸好經過留院觀察和復康治療後，他順利出院並努力復健。因為左邊身體偏癱，導致他連走路都成問題，他花了2個月時間重新學會走路，然後慢慢學會拿起東西等基本動作，進步神速。1年過去，他終於能夠像正常人般走路，身體恢復70%，亦對妻子心存感激。未來他決定不再重操故業，轉做一些較輕鬆的工作，如自己做小生意等。他指，經過這一役，他明白自己身體抵受不了這種強度的工作，形容「能存活已屬奇蹟」，亦希望其他打工仔以自己的經歷引以為鑑，如果累了就要適時休息：

現在才懂健康比甚麼都重要。

人在天堂錢在銀行

做到死都只係權貴韭菜

大陸月入3萬都咁搏

大陸三萬算好多

每日清晨7時起床上班
上床睡覺的時間已經是凌晨1、2時

香港好多人一樣

後生, 復原得快同有效D
如果佢係五十頭先中... 又係另一個情況...

咪就係 唔捱得

香港IT都一樣係咁

夜晚一路打機 一路炒美股 第二日又係七點幾起身返工

係 當大陸IT 平均一萬 佢拎人3倍
香港3倍十幾萬應該好多人都做

3萬對大陸黎講好似好高

大陸3萬已經係人上人

其實唔結婚,唔生細路
就唔洗咁大壓力
生個細路出黎,如果又係行呢條路,又何必要生?

到你唔ot又話你懶，嬌生乜乜七七

間公司又唔係你
唔洗賣埋條命比佢

唔博邊有3萬

對比應該係香港7-10萬既quality

7點起身
9點返到公司
6點收工
7-8點返到屋企
1~2點訓
㩒下電話隨時4點先訓著

他警世打工仔要適時休息，再賺多的錢亦不及健康重要

大陸工作休唔休息係自己決定㗎咩

健康真係無價。當然講就容易，但實際有幾多人真係做到唔使擔心生活，可以自由選擇工作/時間

健康無價

情願安安份份做份 70,000 嘅工

都唔好搏命搏搵多啲搵 HKD 120,000.

真係冇必要

其實咁長時間點做到高效output?
講緊你唔係manager 只要問問題做decision
你要真係落手砌

女人會迫你

入黎前：屌你3萬咁撚少就OT 到中風
見到內地後：3萬好撚多下

每日清晨7時起床上班，平日晚上7、8時下班
渣架，我工時都長過佢啦