[遊記］甘肅之旅

大家好
今個復活節我同屋企人跟團去甘肅玩咗7日
原本我唔太想去，但見有得騎駱駝同去沙漠我就去咗
點知比我想像中好玩好多！

我哋去咗甘肅、蘭州、敦煌、酒泉、張掖

因為係跟團 所以機票車錢食飯嗰啲支出我係唔知幾錢的

G持
清有冇食蘭州拉麵

咁個團幾錢先得

嗰邊啲羊肉冇羶味
有冇食烤全羊

Day 1 蘭州

我今次係搭深圳航空由深圳飛去蘭州，第一次去深圳機場，比我想像中靚，但有密集恐懼症嘅人可能會唔舒服，唔知點解佢要咁設計




第一次自己做晒check in + 放行李



張機票係紙造的 好薄 冇feel



上機



估唔到有嘢食
係辣嘅雞肉飯+小食盒
幾好食



屙屙吓屎發現嘅有趣嘢
唔食得煙但係有煙灰缸



到蘭州機場了 有啲新加坡feel



跟住去咗黃河
有得坐快艇兜一個圈
$30 玩5分鐘左右
幾正
難得黎到一定要摸吓黃河水
唔知仲有機會見到



返到酒店之後去咗夜市
我一開始以為嗰啲地方好落後
唔會有夜市/有嘢行
點知有 仲要幾多嘢行幾正
不過好多都係燒烤 羊肉串之類

有 之後仲有自己試整

Day 2 蘭州

我哋去咗蘭州博物館


呢隻係個博物館最出名嘅展品 — 馬踏飛燕
我以為會好勁好大隻 但原來咁細
不過佢勁應該係勁在咁多年前就可以整到咁樣同平衡到


其他展品 仲有個藍色碟幾靚 但唔記得咗影


晏晝去咗食蘭州拉麵
食完之後上咗樓上試自己拉
原來啲面嘅size係有幾個粗幼分別
毛細 一細 二細 …….


跟住就去咗坐綠皮火車
由蘭州去敦煌
今晚就喺火車度瞓啦
聽朝就到敦煌
我哋瞓嘅係軟臥 幾舒服
空間唔算大 不過張床都夠瞓
同埋環境比我想像中舒適
冇我想像中咁臭
我以為會好多煙味同臭男人味

一團有幾多人？

Day 3 敦煌


搭咗一晚之後就到敦煌了
落車個吓覺得好唔真實
我讀書成日聽呢個名
估唔到我真係黎咗



敦煌著名景點 — 反彈琵琶


陽關
我原本以為係齋睇展品同風景
點知佢有好多色水嘢
入關之前會有表演睇（有個將軍出黎接我哋）
同埋整咗個入關嘅令牌（人手寫晒我哋啲名）



呢啲係入面嘅風景 幾靚




跟住去咗莫高窟工匠村學畫莫高窟啲畫
幾有趣的 仲可以帶返香港



夜晚去咗唔知咩沙漠營地食晚餐
佢係包一次越野車+俾舊板你滑沙+晚飯+表演
唔太推薦

越野車：
唔夠2分鐘就落車
不過我啲團友話幾好玩
因為佢哋玩得耐啲
我估係睇司機的
我個司機唔好玩

滑沙：
雖然成座山任你滑
但係滑唔到的！
會卡喺中間
仲要沙漠好難行
之前覺得林克要著沙地靴行好廢
而家終於明

晚飯：
係自助打邊爐
啲嘢食唔好食同個爐好廢
不過喺沙漠咁樣都已經唔錯
唯一一樣正嘅係佢啤酒任飲
但係冇雪櫃

表演：
呢個表演好正
首先係啲唱歌跳舞 無乜特別但啲大媽好鍾意
跟住個阿叔表演用鼻吹爆手套 痴撚線
最後出咗沙漠放煙花+玩吓camp fire+表演打鐵花
成個表演係幾好vibe的
係saved my night的




食唔飽所以又去夜市
唔錯的 幾好食 但少少貴

師兄知唔知蘭州有冇酒店收香港等境外人士？想拉麵自由行。

大把啦而家
上trip揀可以接待外賓

有去敦煌石窟嗎？

好似30個左右

Day 4去

仲寫緊

周圍都係一片黃土 好抑鬱
不過嘢應該幾好食

唔靚
謝相

酒泉諗起衞星發射中心
蘭州就拉麵
敦煌就石窟

Lm

Day 4 敦煌


鳴沙山月牙泉
係個好大嘅沙漠中間有個泉
無乜特別 所以我行咗上山頂
攰死我 都係冇乜特別
但有大地在我腳下嘅感覺



終於到我最期待嘅環節 — 騎駱駝
騎咗好耐 開心
我摸咗佢個駝峰
原本我以為個駝峰係喺正中間
騎完先知係歪的
佢哋個樣好qq
仲要一路行一路屙屎
呢個景點幾好
一路上都有人執屎
完全冇臭味的



莫高窟
我一直以為佢係個山洞 入面有好多間房
但原來係咁的
個外表太人工 冇咗個種好raw嘅感覺
同我想像中唔一樣
但入面就好正
其中一間係有尊幾層樓高嘅佛像
好壯觀
其他房啲畫都好靚好勁
但唔影得相
有機會要去睇睇
推薦的



夜晚去咗睇 又見敦煌
佢係一套要行黎行去睇嘅舞台劇
個場地幾大 有好多個場景
呢個形式幾有趣
但睇完都唔知佢講乜
因為佢好似唔係講緊普通話 唔知講緊咩話
最尾嗰幕係坐低睇
我直接瞓着咗

冇影到好多相

以前民政事務處搞過官方交流團，免費

好似都唔錯,幾錢/人?

而家仲有冇

唔肯定

Day 5 酒泉


呢一日我哋喺敦煌搭左六個鐘車左右去酒泉
去睇嘉峪關（長城嘅其中一部份）
嘉峪關係明長城西端起點
有「天下第一雄關」之稱
係絲綢之路嘅重要關隘

我到咗長城 我係好漢啦

跟住就冇啦

嚟緊嗰幾日都冇乜特別

甘肅d女係咪好一般？