其實多唔多人用幾萬炒到上千萬？

要幾萬先上到千萬咁廢? 四五千都夠啦

講真，四五千話多唔多話少唔少，我建議你上大陸搞生意，香港已經冇咩發展空間喇。你先去買兩張廣州直通車飛，就400蚊，再去信和買1000蚊咸碟，同佢講大量買打個折，應該買到50隻以上，要買鬼妹同日本妹的，唔好買其他，理由下面再講。

坐到上廣州你手上仲有100蚊，去買包雲煙5蚊，然後係車站旁邊睇下邊個蛇頭鼠眼，打個眼色比佢佢就知你想唱假人仔，90蚊唱500蚊番黎，同佢講要唱散唔要100蚊紙。唱完拎包煙出黎問佢食唔食，佢見你幫襯佢就有計傾，你打蛇隨棍上問下邊到賣咸碟好。

將淨低果5蚊打散，用1蚊搭巴士入城，搵佢講既地方。然後搵間士多買罐可樂，比唱番黎既假50蚊佢，找番47蚊真人仔，袋好準備最後用。

等到日落你就開始擺地攤，乜都唔洗，只要擺一塊黃布企係隔黎人地就知咩事。大陸憤青最憎架仔，暴發戶又媚外，你d架妹同鬼妹碟勁好賣。d碟唔係跟身，搵條後巷收好，有人黎就帶佢去收貨，一隻賣佢100蚊，一路賣一收收錢之餘一路將你d假人仔唱番晒出去。

賣完50隻，你應該已經賺到5000蚊，連埋你本身果47蚊+4蚊，已有5052蚊，你既利潤100%，冇野好搵得過咁。如是這你重複50，你既複利率收益已過億，可以買張武漢高鐵飛坐去溫州，用現金收購就黎執既廠，再請人造名牌手袋當真賣，不出3個月可翻10倍，到時應該有正牌注意到你，同你打官司，你就比5000萬個官庭外和解，跟住執左間廠，渣住9500萬番黎香港準備買殼股上市。

上市後洗人去蒙古做假新聞，話你間野挖到地下有稀土，即時炒起隻股，3日內再賺10倍，然後配股比基金佬配到自己既股份唔夠5%，你就正式引退，求其捐1000萬比仁濟醫院拎個名人身份黎做，再洗100萬登7張報紙支持政改同起高鐵，等特區政府頒大紫荊比你。

最後一步，就係等，等咩野？等天災。你最後需要既係一個機會，一有大型天災係內地發生，你捐會副身家上去，然後係街執垃圾比香港傳媒影到，舉世讚美你，1年內就做人大。

做人大後你有得選舉共產黨既常委，選自己，呢個時候唔好忘記你當初留低既47蚊+4蚊，去搵萬里，佢係中共前朝唯一未死既大佬，你拎呢52蚊出黎話係你全副身家，佢會深受感動，重拾共產黨當年起義既激情，結果拉人隊幫拖投你，以佢既影響你你足到被委任為黨主席，去到呢步，唔洗再講啦...

200萬炒到190萬就有

3萬上1000萬
天才+EQ+運氣先做到

我幾千萬炒到變幾萬，計唔計？

讀high dip果陣
5萬上到100萬（買華虹，恒大，恒大健康（恒大汽車前身））
然後由100變60萬

然後擺左一段時間 33$買匯豐 68$賣哂
而家美股又輸返

B仔 可以 不過要有等嘅能耐 呢個無咩人做到

多，成街都係

萬里死咗好耐啦⋯⋯

識人玩t車 長玩option 三年
由廿幾萬炒到千幾萬
最後全部輸番哂

一百萬斬倉不玩

由過百開始 全部都只係數字

建議你睇Join Coco哥披床同埋施虎雞精披床，入面有大量成功個案，每次都Tip中，準過史Sir

有一年冇乜點樣玩，年尾富途有個總結，贏咗幾%，富途話已經勁過96%嘅人
玩短炒嗰啲其實唔輸錢都已經好勁

更新下先啦，萬里都死左咁多年

一個籌碼夠做

涼兮

其出手時機 係好重要

Timing就決定左所有野

睇既係回憶而唔係內容

3 成人做到

正評果班可摸耳放個倉黎睇
究竟自我催眠？
定我狗眼看人低

其實都好難
通常啲小本炒到成千萬嗰啲
一定係開盡孖展
或者一定係用期權之類嘅槓桿工具

你真係好正經咁樣買股票，實際好難
仲未計，股市會有上落，如果你係老土嗰款買完長揸，完全唔放，雖然你長揸10鳩幾年，如果你隻股票係啲知名大型股，例如Microsoft嗰啲，點都贏，但係中間啲波幅你會輸晒機會成本，完全冇去主動滾大個本金，收股息又冇肉食

賺大錢點都係投機，只係啲人成日都覺得投機呢樣嘢好似好邪惡啫

好多人投資慣咗賺到錢，就將啲錢即刻滾返落去
完全冇攞過啲錢去享受，仲要搞到自己成日都精神繃緊
結果最後就輸一鋪大

（因為我自己都係咁）

根本就係賭癮

渣住千零萬現金
四小龍都買到個三房單位fullpay 啦

當你搵6，7萬一個月
一千萬已經係你十幾二十年人工

我跟coco哥買都賺左千幾萬

Day trade一日賺0.5%-1%收手
一年compound落黎都有3-4倍
5萬起步5年左右就上到

試過七萬上 兩球

之後零咗

同埋Social Media影響
睇Social Media甚至連登或者唔同討論區
好多撚樣係會話幾百萬好少，又會話個個月搵唔到10皮，不如閹咗佢唔好做男人，而且大家都身光頸靚

所以咪會覺得啲錢要越滾越大先啱

結果最後就係輸鋪大嘅

不過我差唔多10年前起始資金都唔細，嗰時50萬開波，炒恆指期貨，講緊真係一個月內就已經兩倍左成球，嗰時都係同連登仔一樣開始就覺得自己好撚勁，又會覺得返工好戇鳩，就邊返工邊投資，個個月一出糧就抌晒啲錢落去，真係好順利，keep住係咁贏，跟住日常生活又好撚慳，去到尾聲仲要私人貸款再攞嗰筆貸款去炒

結果我自己係輸咗獲勁嘅，仲要負債，啲盈利全部滾返晒落去，一個仙都冇攞過出嚟享受，但係好彩就係自己人工都還好，亦都冇咁戇鳩真係劈炮唔撈，用咗五年時間還晒筆錢，之後戶口開始儲返啲錢好似發撚咗場夢咁

自此之後，我每次贏錢，肯定會攞返一部份嚟享受，唔會再咁樣滾落去