金田一咁多案最鍾意邊個案件？

異人館係好勁
但可惜異人館本身有炒襲嫌疑

除左異人館，我推臘人形館，墓場島，魔術列車同悲報島

佐藤文也自從畫偵探Q改左畫風之後我就覺得佢退步緊

小說其實有篇都幾好睇
上海美人魚同殺戮深藍
呢兩本印象中都有角色係九龍財寶入面出場

絞首成個氣氛都營造到大家唔會信miss係兇手，但又搵唔到另一個嫌疑犯，於是就好容易比miss 引導去另一個方向，讀者都比佢fake埋。如果唔係棵花，金田一應該都破唔到案。成件事個犯案手法唔係最高明，但成個故事嘅鋪排係超一流

無人超越到初代堂本剛

最鐘意會係《魔術列車殺人事件》，高遠同金田一嘅鬥智鬥勇勁正

但私心會係《上海漁人傳說殺人事件》（真人版）時，結尾播果2首歌嗰種懷念好令人共鳴，心目中的金田一只有堂本剛。
https://youtu.be/LAq9m0R8Ky4?si=ywJnObHyb4NkGhZX

金田一一有乜理由唔同速水玲香瘋狂做愛？

異人館村條大橋係抄島田莊司既占星術殺人事件

係，呢個故事係真心最黑暗，似係作者想屌鳩少年法

點解五月學姐無再岀，佢好撚正

呢個有少少牽強
男嘅可以坐喺度屙尿
女嘅唔放低廁板，直接坐上去得唔得？
或者去完順手揭返起俾下一手用？

係咪有個日本教授同個仔去香港
被同行尋寶嘅人出賣，死喺山洞
個仔靠日軍嘅軍糧撐咗十幾年，廿幾歲仲生得好細粒，離開山洞後去咗酒店做bell boy，識廣東話同日文

高遠教佢代父報仇，殺晒嗰幾個當年害佢嘅日本人，再嫁禍俾金田一。喺金田一逃走時，又扮救佢，仲邀請金田一去佢宿舍

咁啱睇佢本相簿時，條友仔話同個女仔影嘅相，金田一發現佢喺港督府嘅合照，背後係英國🇬🇧旗，而佢嚟呢個喺酒店舉行嘅魔術表演係「香港回歸X周年」，而揭發佢講大話，實際年齡同長相差好多

因為係金田一面世20周年
咁出道時係17歲
20年後咪37歲囉⋯⋯

好多經典,校園七不思議,悲戀湖


但我最鐘意劍持警部殺人事件,同九龍城寨

Search下大陸網
或者用啲盒仔，入面有齊中港台美日韓卡通嗰啲

最鍾意「魔術列車殺人事件」
細個睇係唯一一單嚇到我訓唔到嘅案（團長第一次出現嗰時扭曲晒個樣）
有單叫「魔神遺跡殺人事件」，我都好鍾意，但好少人講
佢用鏡嘅反射去搵寶藏覺得好神奇

蠟人形城 真人版

係 就係金田一少年敢死之行
我記得係同巖窟王有關
我仲記得以前睇到港督府國旗嘅時候
以為係日本人唔識香港史畫錯咗
睇到最後先知原來係伏筆

wfc
冇人想睇由細睇到大既主角20年後一事無成做咗社畜

但係作者最後幫其中一個兇手洗咗白
話佢同個少女其實互相鐘意
少女被虐殺後為佢報仇
洗白呢樣野令到呢個故事好似被人屌得幾甘

有套動畫唔算熱門叫「電腦山莊殺人事件」，成個故仔同犯案手法好簡單，但係就係做到情理之內，意料之外，覺得咁簡單又鋪排得咁好，啲寫故事嘅基本功好扎實。

鍊金術係唔係焊翻度門嗰集？

悲戀湖，之前一直睇開都係倖存者入面估兇手，點知突然走多一個人出黎

以金田一呢種懶懶閒既性格大個咗一事無成好合理喎
而且畫佢係社畜最大可能係因為20年前睇呢套漫畫大既讀者都好大部份成為咗社畜

我自己就唔係好反感呢個設定

至於突然想做偵探唔再戇鳩鳩咁可能都係因為同美雪結咗婚想賺多啲
雖然目前係事與願違仲要食軟飯先生存到

邊到仲有得可以睇返廣東話