逐漸想遠離無效社交

話說頭先同班8年前一齊畢業嘅幾個大學同學定期聚會，一年大概3幾次咁上下，今晚返緊屋企我就諗，其實聚會嘅意義係邊度？基本上大家生活都無任何交集，定期聚會就好似每個人report 自己有冇咩update 咗嘅個人資訊，講到咁上下就食飽，各自散水...

諗返轉頭，生活上覺得好似好多都係無效社交，每次聚會都好似上鐘咁，陪人笑、陪人吹水、陪人食飯飲嘢，傾埋一大堆吹水唔抹嘴又無營養嘅廢話，時間耐咗就越來越厭倦同朋友見面聚會，寧願同啲一齊工作嘅同事傾計聚會都好過搵自己啲朋友，起碼同啲同事有共同話題；
社交圈子中嘅朋友又無同我自己相同嘅興趣愛好，想交流下嘅機會都無，先30歲出頭就好似對生活無咗期待嘅感覺，每日都重複又重複咁，無力又反抗唔到。

通常保險狗或者想喺你身上攞著數先會搞呢類聚會
如果你唔洗靠舊同學搵食
唔洗哂時間去
btw 係做到朋友就唔會畢業後咁少見

咁撚大個人，唔去都要講咁多廢話

咁咪唔去

睇錯無效性交

樓主找認同感
我唔同意你睇法
每個人都有強弱項 總有某d人幫到你嘅時候
但唔係想佢幫先搵佢架嘛
不過你唔鍾意就做返自己 又或者你情緒其實出咗事
留意下自己近況 適時搵專業人士介入

咁咪去少啲囉，唔洗勉強自己

我唔同意呢個睇法
正正係因為少機會見所以先珍惜每次見嘅機會

不過如果樓主係咁樣睇大學同學嘅關係，就真係見唔見都冇所謂

試下搵啲有共同興趣嘅朋友？

恭喜你終於發現好多人成餐飯講啲野都係廢up

咁唔鐘意咪唔好去
上黎肯哂時間打篇野但係無勇氣去拒絕 有撚用咩

其實世上冇咩社交係有效
除非你成世人好似Steven一家咁乜都要等人幫等人俾

反而覺得樓主自己生活情緒有啲問題，對生活失去期待自自然然冇咩好分享。

當你好有期待目標衝勁/ 或者個人好舒適自然有閒情搵興趣玩，例如煲劇都可以有心得 話題分享，但當你對所有野失去興趣你就冇嘢分享

樓主可以諗諗呢方面

睇黎樓主同班大學同學唔係好friend重要用同事黎比較

去呢d聚會無非都係想放鬆下,話題都係d冇意義既話題,同意樓主少d去呢d聚會,但唔同意要遠離無效社交,想呢d濕9聚會都係想放鬆下但又想放低返工野搵人傾計,做人成日諗有冇效既社交好辛苦

我曾經都好似樓主甘
覺得成班人聚會 話題好膚淺 冇意義
中意同人 單對單 deep talk

但人生去到某果位 就反而欣賞呢種
大家明明都好L苦 但都要帶面具去為左果氣氛而笑
苦中作樂 既感覺

真係而今識盡愁滋味，欲說還休。欲說還休。卻道天涼好個秋

過得唔好 一直咁霉仲點會去飯局
去得都係矖命 聽完有hard feeling咪唔好去

舊同事嗰啲ok ge 可能仲有好路數

交功課算唔算

唔去咗之後會法國連呢啲朋友都冇埋

年紀越大越珍惜冇離你而去既朋友

即係樓主同他人一d共同回憶都無

一句講曬利益, 實際利益同心靈利益即係爽唔爽, 這咩溝通與關懷嗰啲咯啱啱channel嗰啲
咁你都講得好明覺得冇value, 咁咪唔好同佢哋浪費時間, 你又得24小時咁你都講啦, 你覺得無效社交咁咪唔好投放資源落去咯
不過咁講他朝有事嘅時候你起碼有啲人識得起碼知你叫咩名乜水有啲結交情誼或者可以幫下手, 有時有啲嘢幫手嗰下你先知原來平時即係咩有難嘅時候先知邊個會幫到你

鍾意同同事社交咁撚攪笑

樓主kam撚黎，話人無意義，其實最無意義就係自己

你咁諗姐係唔enjoy
唔enjoy 咪唔好去