求救！狗狗牙肉生咗粒嘢

想問吓各位意見

發現狗狗牙肉附近生咗粒嘢好似肉芽咁
去咗睇獸醫 醫生話要全身麻醉做手術切咗佢 攞去化驗先知係乜 因為切嘅範圍都要大啲所以附近隻大牙都要剝

狗狗差唔多八歲 好驚佢切完之後又會繼續生 同埋如果真係惡性嘅話又唔知佢頂唔頂到化療 有冇ching有類似經驗可以分享吓？

熱氣姐，飲杯涼茶冇事啦

我隻狗六七年前有試過類似嘅問題，生喺犬齒附近，摸落去係硬身嘅。之後發現越來越大，最後比你圖中嘅大四五倍左右，就搵獸醫割左出黎，要全身麻醉，唔駛剝牙，兩三日就recover. 之後咁多年都無再生過。

咁希望切完就一勞永逸啦
你嗰陣切完出嚟有冇攞去化驗話係咩嚟㗎？

無化驗，獸醫有話硬身同埋個shape好明顯嘅腫塊通常都係良性。