澳洲 悉尼+墨爾本15日 [live]

呢間我都食過佢個set 佢個炸焗薯最好食

有無落雨? 見天氣報告日日都落雨

琴日同今日都冇落雨 第一日夜晚煙花完咗之後勁大雨 第二日都有落少少

我舊年個團09出發00解散，佢每個位停下車比你行下食下野，其實主要都係門徒石睇日落（晚上9點左右）

依家咁大太陽 居然都落毛毛雨

過2日出發，睇天氣報告日日都落雨

泰北野可能辣d，個船麵成個面都係紅油

宜家fish market 貴到好唔抵，以前80幾蚊scampi好好食，宜家成140蚊。生蠔就還好，不過前幾日去冇哂coffin bay，其他都一般。你50蚊應該食得少

悉尼最慘係冬天都會落成個禮拜雨

係呀 最後叫佢比個碗 沖水先食到

係叫左好少 因為諗住去The Grounds of Alexandria 再食

之後去咗悉尼大學 被譽為係哈利波特霍格華茲嘅城堡
今日好多人喺度影畢業相 同埋悉尼好似就嚟選舉日投票

Usyd個博物館以前有木乃伊，宜家唔知仲有冇

之後搭巴士過左去The Grounds of Alexandria
然後求其入左一間餐廳食lunch

1日4季

呢度經常會有唔同主題 今次主題係白雪公主
入邊有好多唔同打卡嘅位置 但係要喺園區入邊食嘢拎recipe 先可以入去花園
入邊有幾間餐廳 我哋求其揀咗一間室內餐廳 因為明明朝頭早仲係好大太陽 依家就係咁落雨

呢間餐廳嘅嘢食都唔錯 侍應都幾好 最後食唔晒打包 問佢拎多個盒 都無額外收費

最後都係揀咗食漢堡同pasta 個漢堡好好食 價錢都唔貴
反而意粉失色少少

Newtown 呢度嘅建築風格都幾靚
全部都係偏向歐式嘅建築 矮舊既磚樓 另外部份圓頂嘅設計 都係呢度嘅特色
不過呢度唔係太多嘢行 比較多餐廳
唯一特別係間西瓜蛋糕 同埋佢前面張凳

呢個位係周杰倫坐過既長櫈 依家都變成New Town嘅打卡熱點 就算今日落雨都要特登影下

地點係 西瓜蛋糕 Black Star Pastry 門口 就會見到

有冇plan叫雞

去fish market 我淨係食生嘢，主打生蠔。
硬係覺得啲冇咁新鮮嘅嘢佢先拎嚟煮熟

因為我哋唔係太好生蠔 同埋啲人話墨爾本個海鮮市場會好過悉尼呢個 所以求其食小小做早餐就算

由於New town 冇乜嘢行 我哋就決定五點幾 出返去我哋酒店附近
因為連續食咗幾餐西餐 今晚想食返清淡少少
本身有諗住食pho 但係見City内評分都唔係太高
最後都係決定咗去食日式烏冬同拉麵
喺Google上面見到個評分都唔錯 有4.6
Mikazuki Haymarket

我哋6:30嘅時候入黎 人流唔算太多
但係食食吓都keep住有人入嚟

和牛壽喜燒烏冬 件和牛大概有三至四塊 肉質都唔錯 但係個湯咸到pk 我要加大量水中和翻先正常翻

Signature MK ramen應該係豬骨湯叉燒拉麵 不過加咗自家製辣椒 個湯底其實唔錯 不過都係越食越鹹 叉燒都正常既 呢餐算不過不失啦

我哋無入去入面 都係圍繞建築物影吓相就走

悉尼基本上周街都係印度人/大陸人