其實咩係「勤力」？咩係「懶」？

有人為咗自己鍾意嘅嘢，不斷下苦功，放棄休息同埋娛樂嘅時間，然後啲人話佢好勤力。
呢個勤力人就回答：咁我鍾意呀嘛

其實最後係咪只係同「生產力」掛鉤？

成果論。
即賺左個啲叫投資，蝕左個啲叫爛賭一樣，唔睇成果係同一件事黎。

成王敗寇
贏咗你話自己每日用23個鐘努力都得
輸咗你講咩都係廢話

搞到我諗起嗰個嚟香港馬會賭馬嗰個澳洲佬，賺到億億聲咁走

買咗game但係冇動力玩既應該算係懶

但佢好勤力買game

諗諗吓你咁講又唔啱得晒

啫係如果個學生日日溫十個鐘頭書，考出嚟個成績都係一般。我哋都會話佢勤力，不過可能感嘆佢冇天份

另外一個情況，如果一個學生根本冇乜點溫書，成日掛住玩，考出嚟嘅成績都好好，我哋都會話佢懶，然後補充話佢聰明，識得考試等等

但「勤力」要係嗰個人放好多精神同時間先得架喎
同成果唔掛鉤

但到底幾分勤力幾分懶

香港係用「金錢」「資產」嚟決定一個人既成就。

搵到錢買到車買到樓，就係勤力。
搵唔到，餐搵餐食餐餐清，做足24小時都話你唔夠勤力。

幾年前聽到朋友講「呢個人好叻仔，成功上車置業」，
結果層樓就負資產咗。

有時候唔需要同人比較太多，自己覺得舒服就好。

對其他人黎講，其實好片面。佢連續兩日見到你係自修室，就會覺得你好勤力。但可能你只係咁啱嗰兩日去咗半個鐘。

對自己黎講就好主觀。你覺得勤力就勤力懶就懶㗎啦。

不過無論點都好，好似唔關成果事。成果只會影響人話你成唔成功。

多謝分享

不過可能你誤會咗我想講「成功」
唔係唔係

有啲人好勤力，用錯方法，去錯方向，甚至可能係運氣太差，結果一啲都唔成功。但係佢真係好勤力。

理得人點睇
自己爽最重要