悠二唔該入一入

本身上上年（2023）六月同你哋砌咗部機，四個月唔夠就壞咗（會自己熄機，有時開唔返機）。攞上去俾你哋睇，你哋同事話check唔到有任何問題，跟住就安排咗攞返部機。

咁一路斷斷續續有呢個問題，咁但係因為我自己返工忙都冇時間打機，同埋間唔中都會開得着機，所以一路都冇理佢住。

然後去到上年（2024）六月，完全着唔到機咁滯，咁唯有再搵你哋，你哋同事都係話check 唔到任何問題。最尾你哋同事話我可以自己上嚟睇，咁我上去睇過係喺你哋到run到。咁我唯有攞返部機先。

跟住去到上年（2024）七月尾，又係壞到開唔着機。咁你哋同事話可能屋企插座有問題，咁我自己換咗個插座，都係有問題。咁你哋叫我睇吓可唔可以搵第二間屋試吓。咁我都麻煩咗我朋友，搬部電腦去人哋屋企試，咁又真係出現呢個問題。咁所以就又又又攞部機上嚟俾你哋。咁你哋今次就話懷疑係ssd出現問題，叫我換咗佢，咁我都幫襯你哋換咗佢。

咁之後一路搞到八月中，你哋同事話終於試到有問題啦，話係底板有暗病，咁就話會借塊底板俾我用住先，然後塊底板就會寄返去維修。咁一路整到去10月份先維修好，途中用你哋塊底板就完全冇問題嘅。

攞返部機之後都一路冇問題，但係去到今個禮拜又係出現一樣問題。我都同你哋同事表達咗冇理由我同你哋買部機，前前後後總共上咗嚟五六次，隔一排就壞。你哋同事就話你哋只係零售商，產品唔係你哋整嘅、唔係你哋維修嘅。當然你同事有叫我攞上嚟俾你哋再檢查。咁但係我係幾不滿。一係唔明點解攞上嚟咁多次先會搵到個問題，二係你哋啲應對都真係談唔上好，我當然明白你哋係零售商，咁唔通就唔搵你哋？

我都帶定個頭盔先啦，如果有路過嘅巴打覺得其實佢哋咁樣已經做足晒㗎啦，咁我都唯有認我閪客啦。去到最後我就係想要一部正正常常嘅機，有時候有假期可以打吓機咁，平時做嘢已經夠辛苦，唔想咁樣三番四次嘥咁多時間。

諗定要咩禮物

咁你想點？人哋好地地俾你 你自己喺屋企用到壞咗 咁又要人哋賠啊？ 唔好輸打贏要喎

常山趙子龍， 7出7入 悠二間舖rma

你先TG PM我.俾個訂單編號
https://t.me/YujiHW
我要睇下中間維修情況

痴線 日日咁一來一回人都癲

因為目前就咁睇
我地檢查咁多次.最後有維修底板
維修完後.我地再次檢查冇問題.你亦都用咗一段時間係冇問題.直到今星期再出現問題.
呢個我地真係控制唔到
所以我地會提供借板服務.維修期間亦都可以用住電腦先

Pm咗，唔該晒

真心覺得 用左成年著唔到機都要包保養既咩

你幾點PM我
我睇哂今日所有既PM.都見唔到有你呢個問題

哥仔今年2025都過咗半年

啱啱砌完機 四個月已經出現同一個問題了

有壞咪keep住整，電子野係咁架喎，煩都冇計
佢又唔係唔幫你，保養都應該過哂啦下話，一路都仲幫緊你都算係咁

啱啱，我應該PM咗個訂單編號俾你🙏

似電有問題

2023痴撚線

已經換過底板 其實好難兩塊板都有問題wo

一係有其他野壞 一係你屋企會整壞塊底板？

悠二啱啱聯絡咗我 跟進緊

已睇返情況.情況純粹比較唔好彩
樓主會再拎多次電腦俾我地檢查
到時如果再壞板.我地會同代理商講返短時間內整完再壞.睇下有冇可能換個方案處理.樓主同意
暫時係咁

我換埋電掣

保養期內唔係人為就要保架啦
唔係個保養係包d咩

當然係要
買完機.搵返我地係免費跟進檢查維修.樓主個借板.我地都係冇收錢的
如果唔係同我地買機做咩
不過.的確而且.樓主呢個情況.真係比較唔好彩

風水問題，試下換個方位

留意返係同一個問題keep住出現，重點前幾次攞上去檢查完都係話冇問題，如果咁樣都係我問題咁我認啦

出出入入咁多次
無煲過機？