有冇人試過做廢青

一開始depression
跟住慢慢好返
但又去左讀course
之後 個市場開始難搵工
/搵嗰啲新工都好伏
頭七日就畀老細上司屌
唔想自己情緒再有問題
所以就唔做
搞下搞下兩年無返工
我係咪已經唔使再搵工

是

無再返過工，由廢青變廢老，炒股炒賣賺到啲，生活再廢住過。

做外賣仔，有手腳就可以做

但我好返之後嗰大半年其實有過三個offer但都係啲上司有啲pk先走

試過，好難投入返職場
諗住返下pt，一係見60蚊又唔想做
一係比人問做乜唔返全職

最後點？
都唔知點算
又唔係我唔搵/唔想返

做d聽指令、刻板既工作，分離自己情緒用第二個人格工作。

當自己是麵團
本身係depression+anxiety

我中學網上成癮有兩年無返學，比屋企帶過睇精神科住院。
屋企人返工返學我就訓教，佢地訓教我先走出去食飯，
屋企人離婚兩個人都唔想要我，我總係麻煩到身邊既人，
每日都喊，想自殺，對自己無希望，

廢青與否，其實真係一念天堂，一念地獄，
有一刻突然頓悟，想重新返學。
而果時個校長比機會我，無踢我出校。
行出左第一步，當時社工同班主任覺得我係垃圾講閒話，
但身邊總有人唔會睇你過去，然後生活會慢慢正常返。

雖然都仲有陰影，照讀到大學碩士，有份得體既工，
如果我唔提起無人知過去我有兩年做過廢青。

其實你自己係知道應該要點做，係要踏出果一步好難。

話兩年gap year，去旅行，打散工，讀書，其實無人知你個故事，唔一定會有人尋根究底，有時我地高估左人地對自己既興趣。

已由廢青轉做廢老

你唔返工邊個養你? 除非你屋企好有錢啦

有爸爸養就冇野好驚

搵份hea工啦
然後你就會好得閒做自己野
跟住學下點樣賺外快，炒股/網上賣野/freelance等等
學下學下可能你就會知自己條路想點行

利申
試過兩年冇返工

其實唔好睇得自己咁高,無人會留意你係咩野人,對你有興趣既都只有親人,特閒落街曬下太陽,去跑下步食下野就ok

係咁返唔同類型既工

做人輕鬆啲就得
唔好逼自己太緊

Rip

講真 返M記都會比八婆港女經理屌架啦
有幾多份工老細唔仆街唔屌人？
窮，無錢，無飯食就要受氣啦
你仲有飯開，仲有地方住可以上網
仲有空間諗返唔返工，即係都未衰到貼地

唔好精神折磨自己，你唔係廢，係唔好彩冇錢啫

從來冇返工，準備做廢老

同你差唔多
都係屋企問題+工作壓力
但我係廿中先爆發出黎
依家已經廿到尾
失埋業

咁啲好工
基本上唔會輪到你