其實TUF Gaming除咗供電贏個馬鼻, 其餘都輸俾ASROCK B650M Pro RS

TUF供電的確好啲,不過買得呢個價位底板既人都唔會擺粒9950x落去,Asrock Pro RS hardware unboxed review過供電都頂到7950x,其實都已經夠用有突,而ram速度呢個更加無意義,買得amd 99%人都係買條6000cl30 ram行1:1,玩得超8000 ram行1:2既都走嗮去買apex/b650m hdv神板呢啲2dimm板,反而asrock有好多優勢係tuf彌補唔到既,例如asrock有3條m.2,如果用埋最後一條pcie 3.0x4插m.2卡既話甚至可以上到4條m.2又唔會影響張卡,tuf得2條m.2,插咗一張正常厚度既卡得一個pcie x1可以用,計expansion差過asrock唔少,同埋最最重要亦都係spec見唔到但係買翻黎一用就中伏既嘢就係tuf個pcie layout係弱撚智

作為一塊matx底板佢裝絕大部分matx機箱都會好難用,因為佢插卡既pcie x16係低咗一格去咗2 slot,而多謝老黃將而家啲顯示卡搞到咁熱所以張張卡都堆散熱,啲卡厚度去到2.5slot好基本而3slot卡都好常見,tuf呢啲第二slot pcie x16底板一插張高階小小既卡就會頂到底板堆front io jumper,就算你大力插落去唔怕io jumper彎針既話你都會發現張卡散熱會極差,而家啲matx箱基本上最興既得兩種,一種就係前置火牛jonsbo d31/d32/asus ap201/lianli a3呢啲,一種就係傳統下置火牛前入風後出風cm elite 301, cougar uniface mini呢啲,前置火牛用呢塊板張卡會低咗一格,搞到機箱底部唔夠位裝風扇,就算裝到都係得啲15mm薄風扇散熱效能差好多,張卡無風扇直吹淨係靠負壓被動入風散熱一定會差啲,而用嗰啲下置牛傳統箱既話就更加開心咯,因為而家大部分機箱都有個火牛罩,你張卡落咗一格既話即係張卡風扇貼住火牛罩吸風,同你戴住n95口罩跑馬拉松差唔多

我見過好多人matx機箱用呢啲2slot pcie x16底板配啲3slot高階卡,打機直上90度過熱降頻,開機箱側板都無用,因為條入風罅太窄完全吸唔到風,換隻atx箱就即刻降20度以上,所以如果你諗住買佢當atx板咁用配atx機箱唔介意機箱下面吉咗一忽樣衰既話都可以買tuf既
