呂爵安（Edan）呢位MIRROR人氣王，自從同「馬來西亞女神」林明禎傳緋聞，多次斷正都閃閃縮縮，早前有傳媒稱呼明禎BB係佢「女友」，更即時面黑爆句「黑心」，男人老狗做到咁縮骨，抵畀人鬧到開花！
點知峰迴路轉，日前佢深夜開Live爆Seed，自爆過去半年成日「淆底」驚畀人指指點點，連明禎BB都無辜被私訊轟炸，最爆係佢直接確認明禎係「身邊重要嘅人」，仲大讚對方係好女仔，即時引嚟網民力撐，話Edan終於似番個男人，呢啲咪係「坦白從寬，抗拒從嚴」囉。
話時話，本來拍拖係開心事，明禎BB雖然大Edan成10歲，但睇落完全唔覺，仲Keep住童顏，至於身材更加冇得輸啦，呢段姊弟戀簡直係一套現實版偶像劇，大家恭喜都恭喜唔切啦。
有咩所謂總之大家攬住收皮
