在列支敦士登的24小時

我本身諗住十幾日一次過去哂歐遊全細界入面啲國家
當遊飛機河
盧森堡航空又易搭到我鍾意嘅螺旋漿飛機

好彩最後回歸理智
淨係去列支敦士登 聖馬力諾 梵蒂岡

LM

蘇黎世去都好遠下專登去都幾轉折 (同貴)

舊年我就係Lindau/Bregenz
咁近都唔去真係

我踩咗去個球場門口

嗰時係約咗踢，但未踢
個球場一個人都無

聖馬力諾個球場就閂咗大門，好似有啲工程咁，問啲人可唔可以入個球場睇下，佢哋話唔可以
去個球場前我喺啲蘇粉舖買咗件足總official 出嘅 tee shirt ，不過始終一個球員名都噏唔出，唔好意思話自己係佢哋球迷 真係好想入去參觀下

距離列支敦士頓得翻一程巴士


落車轉身360度搵座山，地下隧道出去你會見到一棟紅色嘅建築，係一間Coop超市同車站嘅Service Center。



11號巴士 | C站 | 熒光色嘅雙節巴士



我真係好鐘意高度信任嘅社會，無論係瑞士定係列支敦士頓，大家都係自己上落巴士冇人Check飛

我間青年宿舍係附近，但係我冇去到，唔係Engine人

萊因河邊係幾舒服 我朝早睇日出同散步，有兩個靚靚嘅姐姐同阿叔跑步。

我都想租LIEbike但係Down完個App佢要車牌 我心諗踩單車都要車牌登記

青年宿舍即係一千零一間Jugendherberge Schaan-Vaduz 啦
好乾淨好靚，又靜

本身租單人房，佢比咗雙人房我
一千蚊有找 包早餐
呢啲瘋狂物價嘅地方嚟講非常良心價

缺點係1700先可以check in, 同埋房入面wifi 好弱

我後尾都係發覺連埋奧地利一齊會抵玩啲，但係冇時間

Lindau 靚 不過應該近唔過列xxxx

我係即日定嘅4xx蚊Bunker Bed 因為係法國使大左，所以住唔到山上面嘅靚房

補多張塔上影

早兩日先係youtube睇完do姐去呢個國家

因為個日太攰，我係巴士上面熬下熬下，過左邊境都冇為意原本仲想影翻幅相留念

好多人上落車個陣都望住我，當左我係動物園係稀有動物
冇歧視，放心。第二日係Vaduz見到好多大陸嘅旅遊巴半日團，佢地對亞洲人應該見怪不怪了

LM

火車勁多查票員啦
不過當地人個個都買月票，我買咗swiss travel pass 無腦任搭，搞到都唔知實際上點買飛

講起巴士，喺瑞士嘅時候睇google map無啦啦見附近有個軍用機場，有comment 話可以喺嗰度參觀，又有巴士到，咁就去啦。但應該始終無乜遊客會搭，我上車時個司機截住我，我即刻開個swiss travel pass 出嚟，佢話唔係，係問我去邊，我問係咪去到個小型機場，跟住佢就好歡迎我上車

喺列支敦士登嘅時候，搭巴士有個阿姨查票，我開個swiss travel pass 出嚟嘅時候個網絡又虧虧地，我見架巴士行車路線同google map 顯示嘅有啲唔同，就問個阿姨有冇搭錯車，佢用英文同我講 ：我哋呢度唔講英文 跟住我開到個pass 出嚟佢就話ok 然後走咗去

係其他乘客同我講無搭錯車


Ps: 嗰時買咗啲咩歐洲44國上網卡，本身都見到個list 無列支敦士登同聖馬力諾，無為意
點知去到列支敦士登開頭同瑞士交界位都無問題，入到城中心就真係收唔到，要用自由鳥拿拿臨買，$60 日

聖馬力諾應該因為更加細，收得差但勉強仲用到

沿途嘅 vibe 都好 chill

Hostel check in 個staff 話佢去過香港
我話香港同呢度好唔同，呢度好舒服

佢話香港好似焗桑拿

個國家真係好撚細冇嘢玩 唯一有架小火車可以搭下觀光

Swiss pass 可以cap個QR code
當地服務業唔多識英文 後生都係 遊客店先會好啲

一個派80個士兵出去打仗 81個人返歸嘅國家

面積同大嶼山一樣，人口就大嶼山減東涌再減愉景灣

亦都同大嶼山一樣，唔上山行又真係無咩嘢好做

不過列支敦士登冬天可以滑雪

唔係喎 我覺得啲人英文好好
口音又易聽

LM

lmmmmmmm 香港隊去踢波先識呢個國家