旅遊保險買左安聯旅遊保險Allianz中伏

真係要同大家講聲，呢間公司真心垃圾到爆！買保險嗰陣，佢哋吹到上天話乜都包，乜都賠，點知一去claim，全部變晒口！呢樣話唔得，嗰樣話唔包，當你係傻仔咁玩

我班機因為天氣cancel咗，諗住起碼claim得番原本嘅酒店、機票，仲有因為cancel要額外搞亂晒多付嘅住宿同機票錢。已經好人咁畀晒航空公司嘅證明，寫得清清楚楚話係天氣問題，點知佢哋仲敢同我講「證據唔夠」！仲要我搵新聞去證明嗰日真係天氣差到cancel航班！真係當我hea咩？有咁多時間同你慢慢玩？

好啦，我都好聲好氣搵晒新聞畀佢，點知佢哋又話只有額外嘅住宿費先賠到！吓？班機cancel咗，我點住番原本嘅酒店啊？係咪要我自己食晒啲損失？呢啲係乜嘢衰嘢邏輯？
最激氣係佢哋嘅CS，態度差到想爆粗！同你講嘢似係你唔睇清條款就抵死咁，完全唔幫你解決問題，淨係識得卸膊！真係一間呃人公司，買嗰陣甜到漏，claim嗰陣即刻變衰人！各位真係要小心，買保險唔好畀呢啲公司呃，睜大對眼啊！

慘…