是咁的，我而家準備去西藏轉山 (LIVE)

安全返到塔欽了
都坐左成個鐘車

巴打安全第一，最緊要人無事
如果間旅館夠暖，出面天氣穩定的話或者可以休息多晚再算，但如果而家咁，真係返去個鎮比較好

咁誇張

真係話咁快風雲變色
安全到埗就好

call 車800

又諗起有巴打踩單車去西藏炒左車call白車來回收左佢幾千蚊


山永常在，最緊要人無事

今日主要都係酒店休息…. 唉～ 仲要發燒
尋晚係岡加（止熱寺）放棄係明智決定，如果死頂上埡口，未落到不動地釘連救援都無（分分鐘無命）



尋日山上同兩個意大利佬傾計，原來佢地係上海工幹…就快要返家鄉米蘭，希望離開中國前到西藏行山，所以決定岡仁波齊轉山。

希望佢地平安完成行程 始終尋晚果場暴風雪令到山路更加危險

係邊個位置炒？

好似話108拐，好似係呢個遊記

[踩去西藏]四千公里的單車流浪日記 Live
- 分享自 LIHKG 討論區
https://lih.kg/PaQffU

休息一整天後，今早起身已經康復很多
燒已退，不過仲有幾聲咳
10:30 正式出發去下一個地方 「札達」
正式同「岡仁波齊」講聲再見
今次我罪孽太重，轉山失敗，下次有機會先洗脫




今次轉山團14人之中，得4個越南仔同2位女士走足全程 （最估唔到全團最強 意大利佬係不動地釘call車走）
至於越南仔轉山目的是宗教，所以必須堅持；而女士們佢地成日行4000海拔地方，所以無難度

路途中，見到藏羚羊，個屎忽白色好似個心型


來到札達士林，風景靚到唔識形容
西藏咁多風景之中札達士林係最特別，大自然鬼斧神工

去到札達，比想像中繁榮的小鎮，街上店舖超市餐廳都幾多。由於很多軍事設施，呢度唔方便用無人機拍攝。

突然有隻狗跟住我唔知點解，跟左我好耐都唔捨得走 就算中途有其他狗想同佢打交，佢都係要跟住我


來到托林公園，呢度比較特別，好多個塔同尼瑪堆
公園裡面有軍人操兵，所以都事先問可唔可影相，佢話無問題






21:15 迎接日落

36滾一滾 神仙企唔穩

想問下樓主食左邊隻高反藥
聽人講其實紅景天都廢廢地

海拔適，香港好多藥房都有得賣
250g 一粒，通常係早晚半粒，去之前1日食定

剛剛去完古格王朝，太多相
今晚先share

雖然轉唔到山
但呢啲靚景都補償返啦

古格王朝遺址離札達縣不到20公里，位於一座土山上。



吐蕃末代君主朗達瑪發動政變上台之後，推行滅佛運動，最後被人刺殺身亡。由興盛吐蕃王國走向滅亡之後，西藏變得四分五裂，朗達瑪曾孫建位古格王國，廢除佛教，以苯教為中心。最後古格王朝被拉達克王國攻滅了。

現今古格王朝只是一個廢墟，亦都係阿里地區特色景點。呢度人煙稀少，同前藏拉薩和羊湖相比，完全係兩個世界。

我絕對認同 「無阿里，不西藏」，很多野生動物，雪山放題，缺氧。








阿里南線行程終於到尾聲，即將回程最後返拉薩。

如果以感受靚景嚟講，去到止熱寺已經夠曬，完成轉山是成就解鎖

啲相有氣勢巴打有冇帶航拍機

有航拍機
西藏除左拉薩同珠峰果邊嚴禁之外，其他放無人機

山永遠都在 幾時都可以再去 最緊要人無事

其實而家仲有血痰
直覺上係乾燥攪到鼻血鼻水倒流喉嚨

睇google 高山肺水腫係粉紅色血痰

真係搞唔掂要走

你深呼吸心口有無唔舒服先

而家回程返緊去拉薩
不過都要幾日後