其實香港酒樓既片皮鴨係咪等同燒味檔燒鴨？

制法真係有分別？
會唔會只係食法唔同？

唔同
片皮鴨有啲係用油炸

唔怪之得肥腾腾，食2片已經成口油，不了

原本
北京填鴨係一種
香港酒樓片皮鴨係用燒鴨片皮係別一種
香港片皮鴨同北京填鴨唔同
不過近年有D叫片皮鴨整到近似北京填鴨
同以前既片皮鴨唔同
但要求又唔係北京填鴨咁

層皮有分別

片皮鴨好似真係得皮 好少肉

但好多人想食埋肉

係
以前片皮鴨真係得皮
所以片皮鴨可以2食3食
家下片完2食都冇乜肉
個鴨皮都唔同北京填鴨

下？ 即係點？
有3 種鴨？
片皮鴨
北京填鴨
燒味檔鴨？？

以前係2種
A.北京填鴨->片出黎肉加皮仲有計應該幾多片
B.燒味檔鴨->純片皮或皮肉分開=片皮鴨
家下B變左C
C.叫片皮鴨,唔係北京填鴨,又唔係以前既純片皮,會肉加皮咁出,不過冇計幾多片,唔知仲係唔係燒味檔鴨,有時會片之前過油.......

近20年我完全無興趣食片皮鴨
以前， 係大片皮， 得少少肉， 一隻鴨片10片8片。
而家， 係少少皮， 全部肉， 一隻鴨起碼20片。 呢D唔係叫片皮鴨， 係燒鴨起肉。
根本都唔係嗰件事。 食片皮鴨就係想食皮個油香， 唔想要肉（特別係胸肉）嗰種柴口。而家片到少少皮， 全部肉， 我不如叫佢燒鴨斬件上。

食過幾次呢啲片皮鴨/填鴨
又薄又要包一餐死
直接叫碟燒鴨燒鵝啖啖肉好過

幾十年前，腥港得燒鵝，但鵝價上升，先慢慢有燒鴨出現
片皮鴨自古都係鴨
2者最大分別係醃料唔同，燒鴨鵝多d香料，片皮鴨相對較少及簡單，前者不輪皮肉除本身香味外，多左香料味道，後者較淡，當一味二食時，炒鴨肉時就好明顯，唔似燒鴨，唔講以為係普通鴨肉炒出來

下面只係我嘅理解：
傳統北京填鴨同粵式燒鴨應該係兩樣完全唔同但有啲相似嘅嘢嚟外觀第最大分別係北京填鴨是唔開肚的，內臟係由鴨腋下開口取出，因為傳統北京填鴨腹腔是唔醃的。粵式就腹部開肚，咁先可以伸隻手入去腹腔捽勻啲醃料，再用鴨針縫口，呢個係粵菜嘅特式。
亦因為北京填鴨腹腔冇醃，啲肉冇粵式燒鴨咁足調味，所以食嘅時候一定會有碟甜麵醬俾你點。粵式燒鴨就用大量甜麵醬/海鮮醬加其他配料塞入鴨肚醃製，所以啲肉特別入味。
傳統北京填鴨(片皮鴨)淨係食皮好合理，因為啲肉唔夠好味，所以而家應該係參考咗粵菜嘅做法，好似粵菜咁醃隻鴨，或者變咗其實係攞隻粵式燒鴨嚟片皮，片到少少皮連埋肉好好味

港式片皮鴨 香港特色

唔係呱, 片皮鴨即係北京烤鴨喎....應該係烤出黎, 點會油炸

隻鴨一早燒好哂要返熱出餐架嘛，d酒樓懶又貪快咪落油鑊炸返熱佢出餐羅

原來係咁....謝指教~