孤獨一人的喪屍世界功略- 帶住淘寶功能既我，只想一路 hea 落去

前傳01：殞地前的阿寶 - part 1

我叫阿寶，今年36歲，喺香港做一個普通IT文員，日日喺銅鑼灣一間小公司返工，朝九晚六，做到我無停手。講真，我份人無咩大理想，人生最大嘅樂趣就係hea同打機，彈下結他唱下k 咁，心情好有d時間個時，就自己煮下野食(不過就要係廁所度煮, 間劏房無廚房)，得閒就炒下美股，希望早日財自然後移居，唔想再留係香港。通常放工之後，會先返到我嗰間細細嘅租屋，開罐啤酒，喺沙發上打機，或者睇YouTube。我最鍾意睇嗰啲旅遊博主嘅頻道，佢哋四處去外國玩，識啲當地靚女，講得好似人生有無限可能咁。我成日幻想自己有一日都可以四處旅遊，hea住過人生，最好有不同樣靚又大波嘅女友，同埋最緊要有錢，唔使煩將來嘅嘢。

我成日覺得香港好悶，死氣沉沉，日日都係返工、放工，地鐵站同街頭嘅人潮永遠咁多，個個都好似好忙，但我就覺得自己好似一粒沙咁，喺人群入面完全無存在感。我住喺一間好細嘅劏房，月租好很貴，間房得張單人床同一個細櫃，連轉身都覺得迫，每個月仲要俾家用，所以到月底只係儲到小小錢，鬼咩，阿爸阿媽由細到大對我都算係咁，我又唔想做衰仔，自己咪辛苦d law, 你問我想唔想俾家用? 有邊Q 個想俾，但某程度上黎講，算係愛同責任law，但再係咁落去，我真係睇唔到有將來。好多時放工返黎，我成日同自己講：「hea一陣，hea完再諗將來啦。」但講真，我都唔知將來有咩好諗，都好似巳經係定局黎，人生好似得返日日hea同打機嘅份。

之前我同女友阿欣一齊，一齊左大約5年，佢喺一間大公司做文員，生得幾靚，但可惜港女身材，佢成日嫌我悶，話我無上進心，收入又低，連去旅行都無錢。佢同我講：「阿寶，你日日hea同打機，人生有咩目標？同你一齊好悶，我想要嘅人生唔係咁嘅。」好多時都係為左呢d野鬧交，但幾個月前，佢真係同我分手。開頭我以為自己無乜野，呢個唔得咪揾下一個law, 但點知過左幾晚，我好唔開心，成日覺得人生無咗方向。

分手之後，我試過玩交友app識新女仔，開頭都幾好傾，鬼咩，個排得閒無事就上 youtube 學溝女，又睇下d溝通類既書，研究下點同女仔傾計，但到後來，好多都嫌我無錢無車，又或者出到黎又係 sales 黎，一係就條女張相同真人都唔同樣，頂你個肺，坦克我都約過出黎，個時好想即刻轉身走，但係我覺得做人唔可以咁無品，咁點都食埋餐飯先走，有d後尾係仲有計傾既，做人唔好太仆街。

玩下玩下到最後搞到我都無晒mood… 我成日同自己講：「如果我有錢，人生會唔會唔同啲？又有無d乜野方法唔使咁辛苦，又揾到錢?」我記得我以前唔係咁，我係有試過、努力過上位，但係當我博完之後，上邊班老海鮮都係霸住左個位, 人做IT我做IT, 我上司就完全唔識IT, 同佢講野佢就剩係識睇住盤數，做到野佢就覺得應份，你話轉工? HR 就話你 jumpie, 我dklm…. 然後又壓我價，到最後，你會發覺，你點努力都好，都係永遠都買唔到樓，你人工既加幅永遠都追唔到通脹，你點努力都好，其實好多野由你出世個一刻就巳經注定左。

所以我終於醒覺，我要視新馬仔個仔同鐘錶心為偶像, 你要我做李嘉誠真係唔好搞我，仆街好似佢咁成功仲難過中六合彩，又要做餐死，做佢個仔就最好，我剩係想舒舒服服咁有錢同hea, 所以炒美股真係好啱我, 好彩我都賺左d，但同阿欣分左手之後，我連炒美股同番工嘅動力都無，成日覺得自己係一條鹹魚，喺呢個城市入面飄來飄去。

分手之後，我既生活陷入一片低谷。每日o係屋企，啤酒一罐接一罐，試圖麻醉自己。房間內堆滿空罐與外賣盒，電腦屏幕上循環播放旅遊博主的影片，但係我乜野心機都無，內心的空虛感愈發濃烈。我好鐘意坐係窗邊，凝望窗外銅鑼灣街頭巳經凋零既人群，卻感到自己與這座城市格格不入，彷彿只是漂浮於半空的一粒塵埃，找不到落腳之處。暗想：「其實做人為乜？日日hea，hea 完之後呢?」

某晚，我係網絡上瀏覽時，偶然見到鐘錶心舉辦了一場boxing比賽，聲稱素人亦可參加。我心念：既然與女友分手，人生已無方向，何不試試學些新技能？若將來真能去外國旅居，或許也能有些自信保護自己。我用左d錢報名參加，一來想學boxing，二來希望在比賽中尋找一絲改變。

報名後，我開始參加boxing訓練，起初完全一竅不通，連最基本的站姿與出拳姿勢都不知如何掌握。第一次踏入訓練場，見到其他參加者個個似有經驗，心中不免生出幾分怯意，彷彿誤入叢林的小動物，連拳套都不知如何佩戴。教練是一名滿身肌肉的中年男子，見我如此笨拙，不禁笑出聲來，說：「o靚仔，你之前未打過 boxing ？你企都企唔穏，點打人？」我尷尬點頭，硬著頭皮回應：「係第一次，多多關照。」教練教左我站姿，需腳尖向前，膝蓋微屈，重心放低。試了幾次，卻總是站不穩，屢屢跌倒在地，弄得滿身大汗。

頭幾堂訓練，我真係好辛苦，手臂與雙腿酸痛得幾乎抬不起來，每次出拳都顯得無力。教練常笑：「你出拳都無力，點打人? 同你講過好多次, boxing 最重要係步法，直拳勾拳係要腰發力。」有次曾與一名新手對練，對方一拳打來，我連閃避都不會，直接被擊中鼻樑，痛得眼淚直流。在更衣室對著鏡子，看見自己鼻樑紅腫，手臂上還有幾處瘀青，心中不免生出退意：「我咁辛苦為乜? 不如番屋企hea 下好過la」然而，我又覺得，若連這點挑戰都放棄，人生恐怕連一絲改變的機會都不會有。

經過幾個星期的訓練，漸漸掌握了一些基本的出拳與閃避動作，雖仍顯生疏，但至少不再頻頻跌倒。我開始感受到些許進步，例如某日教練拍著他的肩膀說：「你今日出拳終於有點力道，唔錯，但步法方面要再靈活d！」我聽後心中一喜，第一次感到自己似乎找到了一點小目標。亦開始與訓練場的其他學員交流，聊起各自人生的無奈與壓力。我發現，原來不只我一人迷茫，一名學員說：「我同你差不多，番工同做人都好鬼悶，學boxing係想發洩一下。」我聽後頗有共鳴，心中暗想：「原來唔只我係咁，打 boxing 都幾好，至小打個時無野諗。」

訓練三個月後，雖仍是新手，卻感到自己有所改變，不再整日hea於家中，生活彷彿有了新的節奏，得閒個時就上youtube 睇職業拳手點打。有一日，我對教練說：「我開始明白點解咁多人學 boxing，可惜學得太遲。」教練拍拍他的肩膀，說：「繼續努力la, 你天份唔錯，黎緊仲有時間備戰，俾心機唔好放棄。」我笑了笑，心中覺得，雖然仍未找到人生的大方向，但至少有了一點小動力，所以我會用盡完加去備戰。

然後，到比賽當日。擂台上，對手一拳KO 阿寶，阿寶眼前一黑，意識墜入一片黑暗。

前傳01：殞地前的阿寶 - part 2

我覺得自己好似跌咗入一個無底深淵，周圍都係黑色，無聲無息。突然，一道白光喺我面前亮起，刺眼得我不得不瞇起眼。等我睜開眼時，見到一個發光嘅白衣人，佢身披長袍，流光溢彩，頭頂似有光環，聲音溫柔卻帶有一種威嚴：「阿寶，你嘅人生已結束，但你有一次重新選擇嘅機會。其實你最想要係乜野？」

我愣咗一陣，：你邊位? 我係邊度?。」

發光白衣人凝視著我，眼神深邃而溫柔，彷彿能看透我嘅靈魂。他嘅長袍流光溢彩，頭頂嘅光環散發出柔和嘅光芒，喺黑暗中顯得格外耀眼。他嘅聲音溫柔而帶有一絲威嚴，緩緩響起：「阿寶，你當我係引導亡魂嘅使者，喺你嘅人生終結之際，帶你前往下一段旅程。你而家身處嘅，係生與死嘅交界，一個無時間、無空間嘅虛空之地。你毋須驚惶，因你有一次重新選擇嘅機會。」

他停頓片刻，目光中透出一絲興味，繼續說：「我問你嘅問題，並非要你回答我，而是要你問自己——你嘅人生，究竟最想要什麼？是平淡嘅安穩，還是未知嘅挑戰？是重複嘅日子，還是充滿可能嘅新篇章？」

我愣咗一陣，心想：我人生有咩遺憾？我諗咗陣，講：「我做人不嬲都無乜方向，成日覺得好悶。我只想hea，你問我最想要乜野? 我最想有個樣靚身材正嘅女友，仲要有好多好多既錢同健康長壽，一生無病無痛，唔使煩將來嘅嘢。」

發光白衣人凝視著阿寶，眼神中透出一絲興味，彷彿在審視一個平凡而獨特的靈魂。他的聲音響起，溫柔中帶著深邃的意味：「阿寶，你的人生看似無欲無求，卻隱藏著對自由與享樂的渴望。若給你一個選擇，你是願意在一個平安的國度做一個平凡人，日復一日地過著無憂卻單調的生活，還是願意在一個亂世之中，成為一個有目標的人，迎接挑戰與未知？」

我聽完發光白衣人嘅問題，覺得好難揀。平安嘅國家當然好，但我喺香港已經hea咗咁多年，覺得好悶，唔想再過咁嘅人生。但亂世聽起來好危險，我又唔係咁有大志嘅人，點會想做有目標嘅人？我只想hea，有個靚女女友，仲要有錢，唔使煩將來嘅嘢。我猶豫咗一陣，話：「我只想hea同嘆世界，平安嘅地方好悶，但亂世好似好危險……我可唔可以有個靚女女友，有錢，唔使煩將來嘅嘢？」

發光白衣人微微一笑，眼中閃過一絲狡黠的光芒，聲音溫柔而充滿誘惑：「平安的世界固然無憂，但你的日子將繼續平淡，日復一日，無驚喜可言。亂世雖然危險，但你會有機會改變自己，找到你夢寐以求的自由與享樂。你可以在那裏hea，遇見很多你想要的伴侶，甚至擁有財富。你將帶著今世的記憶前往，我還會賜福給你，你會有一項特殊能力跟你前往，讓你在亂世中生存。你可願意一試？」發光白衣人的話語如同一陣微風，輕輕撩動阿寶的心弦，勾起他對未知世界的嚮往。

我諗咗好耐，覺得發光白衣人講得有啲道理。平安嘅人生我已經過咗，結果都係悶同無趣，其實我想揀做一個生係平安世界既有錢人，但我又好想睇下佢講既亂世係點亂法? 老老實實，呢條友話會賜福俾我，又話會有咩能力俾我，又真係想試下，睇日漫我就睇得多，但自己經歷既點同先，橫掂都死過一次，最多咪死多次。亂世雖然危險，但如果有技能幫我生存，又有財富同靚女，仲可以hea同有錢，應該都唔會太差？最重要係有個靚女大波女友，唔使煩將來嘅嘢，聽起來幾吸引。我點點頭，話：「好啦，我揀亂世！但係得一項特殊能加點夠ｒ，三項la。」

發光白衣人笑而不語，光芒一閃，我嘅意識再次陷入黑暗，但係意識完全消散前，我好似聽到白衣人講左一聲: “我好快就會嬴。”

阿寶的意識在一片混沌中緩緩甦醒，彷彿從無盡的黑暗中掙脫而出。他尚未完全睜開雙眼，便感到一陣刺骨的寒意從四肢蔓延開來，身體沉重得彷彿被無形的鉛塊壓住。他試圖動彈，卻發現自己躺在一張冰冷的手術床上，頭頂的燈光刺眼而蒼白，透過閉合的眼瞼滲入，帶來一陣陣眩暈。

周圍的聲音嘈雜而急促，似遠似近，交織成一片混亂的音浪。「快！準備電擊！」「脈搏下降，注射腎上腺素！」「佢仲有無呼吸？」急促的喊聲此起彼伏，伴隨著醫療器械碰撞的清脆聲響，以及某種儀器發出的尖銳滴滴聲，彷彿在倒數生命的終結。阿寶的意識仍有些模糊，但他能感受到有人在用力按壓他的胸口，一下又一下，節奏急促而有力，試圖喚醒他逐漸遠去的生命。

他勉強睜開雙眼，視線一片模糊，頭頂的燈光如刀般刺入眼底，讓他不由得瞇起眼。透過朦朧的視線，他看見幾個身影在身邊忙碌，穿著破舊的白色大褸，上面沾滿了暗紅色的血跡。他試圖開口，卻發現喉嚨乾澀得發不出聲，胸口傳來一陣劇痛，彷彿剛剛經歷了一場生死搏鬥。他意識逐漸清晰，腦海中浮現出前世的記憶——香港的街頭、女友的分手、boxing比賽的擂台，以及那個發光白衣人的聲音：「你將帶著今世的記憶前往……」

阿寶心中一震，猛然意識到自己已不在原本的世界。他低聲呢喃，聲音沙啞而微弱：「我……喺邊度？」他的話語被淹沒在急救的嘈雜聲中，但內心卻湧起一陣莫名的期待與不安——這片陌生的亂世，將成為他新的人生起點。

前傳第二章：殞地之初醒

我勉強睜開眼，突然覺得自己唔再喺原本嘅世界。我低聲講咗句，聲音幼稚到連自己都覺得陌生：「我……喺邊度？」但我講嘅野完全被周圍嘅嘈雜聲蓋過，內心突然湧起一陣莫名嘅迷茫同不安。我低頭望咗望自己，發現我嘅身體好細，細到好似得10歲嘅小朋友，手臂瘦弱得連拳頭都握唔緊。我伸手摸咗摸自己嘅頭髮，淡金色嘅，微微捲曲，蓋住咗額頭。我又試咗摸咗摸鼻同眼，感覺鼻樑好挺，眼眸好似好深，我望一望塊鏡，我現加對眼係藍色，成個樣望落有d 以少年版畢比特，但又帶啲小朋友嘅稚氣。我心跳得好快，內心一堆疑惑：點解我變咗一個o靚仔？我明明係三十六歲！之後，我嘅意識又陷入咗一片混沌。

再醒過來時，我望咗望周圍，覺得好陌生，似係一間醫療室，但同香港嘅醫院完全唔同。張床硬邦邦，硬得我背脊都直晒，床上嘅白色床單有啲泛黃，仲有啲暗紅色嘅血跡，似係之前用過無換過。牆壁好殘舊，上面有啲斑駁嘅痕跡，似係水漬同污垢，牆角有啲鐵架，上面放咗啲醫療用品，但好多瓶瓶罐罐都係空嘅，藥劑似唔夠用。房間入面有種怪味，似係消毒水混咗啲血腥味，聞落好唔舒服。

我望到病房門口，門上有啲生銹嘅痕跡，門邊有個破咗嘅玻璃窗，窗外黑麻麻，似係夜晚，但有啲怪聲傳入來，好似遠處有啲低吼聲，聽落毛骨悚然。我嘅心跳更快咗，覺得周圍嘅一切都好陌生，好似唔係我應該喺嘅地方。我試咗坐起身，但身體好虛弱，連抬頭都好吃力，只能勉強望咗望四周，心裏一堆問題：呢度係邊度？我點解變咗一個細路？

之後，有個滿臉鬍渣嘅中年男人走咗入來，佢左眼有一道刀疤，喺燈光下好顯眼。佢著住一件破舊嘅軍服，眼神溫柔但又有啲滄桑，見到我醒咗，似鬆咗一口氣，但無講太多嘢。佢走到我床旁，低頭望住我，聲音低沉但好溫和：「你醒咗，唔使驚，我會照顧你。」佢講得好似想安撫我，但無解釋點解我喺度。我試咗坐起身，但真係無力，只能勉強抬頭，用稚氣嘅聲音問：「你係邊個？點解我喺呢度？」

佢嘅目光閃咗一下，好似有啲嘢想講，但最後無講出口。佢輕輕拍咗拍我嘅肩膀，話：「我叫彪叔，你而家喺C城嘅孤兒院醫療室，但已經無大礙。」

我心諗: 獅城? 新加坡孤兒院醫療室? 咁搞笑? 個白衣人呃ｑ我？ 送左我過黎之後我仲以為生係大富大貴之家，又話有好多靚女，至小都應該有靚女工人姐姐ｌａ，但呢度乜都無，只有個阿叔係度，然後我再望下周圍，都好似唔係好稱得上醫療室，四圍都好似好殘舊咁，木地板，四圍都好黑，然後d 燈都唔係用LED 燈，頂你係用蠟蠋，我張床周圍好似仲有床，但真係太暗，所以睇得唔清楚。

然後我問彪叔: 乜呢度樣樣野都咁舊? 點解呢間野咁似２戰個時ｄ戰地醫院?

彪叔呆左一呆：有ｄ擔心咁望住我：你記唔記得自己係邊個? 叫乜名?
今次到我呆左: 唔通答頂你我係香港人黎，我叫阿寶，３６歲，穿越過黎咩。
我: 我剩係記得我叫阿寶，其實野我唔記得。


他停頓片刻，眼神變得凝重，開始講述C城的現況。

「C城係一個殖民地，喺殞地嘅邊緣，牆外係無盡嘅感染者——喪屍，佢哋隨時會襲城，牆內嘅人每日都喺掙扎求存。」彪叔的聲音低沉，帶著一絲滄桑，「資源好少，燃料同藥劑都唔夠用，蒸汽塔成日壞，電力唔穩定，城外嘅殞地更加危險，感染者嘅低吼聲無時無刻都喺耳邊響起。喺呢度，團結同生存係唯一嘅目標。」他嘅語氣平靜，卻透出一股沉重，彷彿早已習慣這殞地的殘酷。

阿寶聽著彪叔的講述，內心震動不已。他回想：我記得自己係香港，36歲嘅打工仔，而家變咗一個10歲細路？C城？喪屍？拍緊電影咩？我諗住過到黎嘆世界，唉。我嘅前世記憶好清楚，但今世嘅記憶好模糊，我連自己係邊個都唔知！個白衣人又話我穿越過黎之後，就會好有錢, 又多靚女，頂你現加我一窮二白，乜q 都無…

他望向彪叔，試圖尋找答案，問道：「你係邊個？點解我喺呢度？」

彪叔的目光微微一閃，似有話未說出口，卻轉而說道：「你而家要休息，其他嘅事，以後再講。」他的語氣溫柔而堅定，未有透露更多。阿寶心中充滿疑惑，卻因身體虛弱而無法追問。他望著彪叔滄桑的臉龐，內心暗想：這個人好似好關心我，但他點解唔講多啲？我同他係咩關係？C城嘅喪屍同殞地聽起來好危險，但我前世hea慣咗，我只想hea，有個靚女大波女友，有錢，唔使煩將來嘅嘢，個白衣人又話我會好有錢又多女，但現加乜都無，唯一佢講中既野，就只係我真係過左黎亂世…

手術室內，蒸汽塔的嘶嘶聲從牆外傳來，牆壁斑駁，藥劑匱乏的氣息瀰漫四周。阿寶閉上雙眼，內心充滿迷茫與不安，但同時也有一絲好奇——這片陌生的亂世，將成為他新的人生起點。

激活淘寶功能
第二朝，我喺病床上醒咗過來，放眼四周，得番我自己一個。腦袋比第一日清醒咗啲，但仲有啲迷糊。望住天花板，上面有啲發霉嘅水漬，牆角嘅鐵架放咗啲空藥瓶，房間入面嘅怪味（消毒水混血腥味）。我心諗：我要搞清楚呢度嘅情況，最緊要係生存先！ 突然記起個發光白衣人講過嘅「特殊技能」，話會俾我一個技能幫我喺亂世生存。我閉上眼，集中精神，心裏話：如果真係有技能，快啲出嚟啦！

我集中精神嘅時候，手指突然一陣顫抖，好似有股微弱電流喺指尖流過，唔係痛，但有種怪怪嘅感覺，心跳即刻加速咗。跟住，面前彈出咗一個半透明嘅藍色光幕，上面有淘寶標誌，仲顯示帳戶餘額：10,000淘寶幣。我呆咗一呆，瞪大眼望住，心諗：嘩！吊你正呀喂，淘寶技能真係出現咗！白衣人講嘅特殊技能係真嘅！

我伸手喺光幕上滑動，見到好多商品：有食物（米、罐頭）、藥品（胰島素、止痛藥）、武器（小刀、鐵棒），仲有個「知識工具」選項。我點咗入去，見到有「Google Search」同「初級AI」兩個選項。「Google Search」要2,000淘寶幣，「初級AI」要50,000淘寶幣。我心諗：如果有個AI幫我，喺呢個亂世生存會易好多！ 但一睇價錢，50,000淘寶幣，買唔起。Google Search 雖然無AI咁勁，但2,000淘寶幣，負擔得起，起碼可以查啲前世嘅知識，例如點樣野外生存、點樣急救，一定幫到手。

我糾結咗一陣，心諗：AI係必需，但而家我得10,000淘寶幣，都唔夠錢買，同埋係最低級，仲要留啲錢買其他嘢。Google Search 先啦，之後有錢再升級！ 我點咗「購買」，光幕閃咗一下，顯示「Google Search 已解鎖」。我試咗喺光幕上輸入「末日生存方法」，出咗一大堆資料，有排睇，我黑咗面，心諗：如果有 Grok 3 就好，即刻話到俾我聽我第一步應該要點做, 唔使自己做 research！

海瑟琳出現嘅原因
我仲喺度研究Google search 同 淘寶介面時，病房嘅鐵門吱吱聲響起，一個女醫生同幾個助手抬咗個暈咗嘅女仔入來，訓喺我隔籬張床。女醫生大約三十幾歲，五官精緻，眉眼溫柔但帶堅毅，皮膚白皙得似無瑕疵，長髮盤起，乾淨俐落。佢穿咗件破舊白色大褸，上面有血跡同磨損，似係長期救人留下嘅痕跡，氣質沉穩優雅，好似喺亂世中仍然保持住自己，如果話佢個樣似邊個，我就覺得都幾似米雪。

個女仔大我幾年，大約12-13歲，生得好靚，皮膚好白，但係蒼白個隻白，烏黑長髮散落喺枕頭上，閉著眼嘅時候好似睡美人，五官清麗脫俗，好似周海媚年輕版，氣質高雅又柔美。我心諗：嘩，呢個女仔真係好靚，將來大個一定係大美人！

女醫生熟練咁檢查，低聲問助手：「海瑟琳點樣？」助手回：「佢喺城外幫手搵藥時暈咗，血糖過低，好彩及時救返。」女醫生眼神閃過一絲擔憂，講：「佢一型糖尿病，成日血糖低，城外又危險，點解仲要出去？」助手低聲回：「醫療室藥劑唔夠，胰島素巳經無左一段時間，佢話要幫手搵。」

海瑟琳緩緩醒咗，望住女醫生問：「媽媽，我又暈咗？」女醫生溫柔回：「你血糖過低，但已經無大礙。」海瑟琳又講：「媽媽，城外仲係有好多喪屍……」女醫生拍咗拍佢手，安慰道：「你已經安全。」

我聽住佢哋講，心諗：咁細個就出城揾藥? 唔係ma, 同埋如果俾喪屍咬到咁點算? 不過海瑟琳真係好靚，似周海媚細個版，點解要咁搏命去城外？ 佢係一型糖尿病人，成日血糖低暈倒，可能需要胰島素。我喺淘寶介面搜咗「胰島素」，見要60淘寶幣。心諗：小小錢，唔緊要la, 無左再揾過。

我望住淘寶帳戶嘅10,000淘寶幣，仲有個「Google Search」功能，心諗：如果我有錢，買個AI幫手，喺呢個亂世生存會易好多，但而家要救人先！ 我點咗「購買」，一陣光閃過，手上即刻多咗一支胰島素針。我遞俾女醫生，低聲講：「醫生，呢個係彪叔之前留低，佢話有事要走先，叫我記得俾你。」

女醫生接過，眼神有啲意外但好感激，幫海瑟琳注射咗之後，海瑟琳臉色漸漸好轉，呼吸都穩定咗。我望住淘寶帳戶淨低7,940淘寶幣，心諗：要搵方法賺多啲！

海瑟琳醒咗，望住我講：「多謝你救我。」佢笑咗一下，笑容好似陽光咁暖，我尷尬回：「無乜，小事啫。」

我坐返喺床上，望住淘寶介面，心裏開始有啲想法。雖然而家係亂世，處處都係喪屍同危險，但我想過好生活，唔想再好似上一世咁霉。喺香港嗰陣，我日日返工放工，日日都只係生存，霉到連女友都離開我，分咗手之後人生更加無方向。而家穿越過黎，雖然變咗個10歲細路，但有淘寶技能，總算有啲希望。我心諗：我要喺呢個殞地過得好，唔單止係生存，仲要過得無憂無慮！我要搵錢，過我想要嘅生活！我要舒舒服服咁過我既人生。

前傳第三章：殞地第一餐

一早起身，我見到海瑟琳醒左，同佢傾左一陣，我望住佢，佢真係生得好靚，個種氣質同埋佢笑起上黎個時真係睇到我呆左，但佢好似有心事咁，有小小失魂，同佢傾左一陣，算係小小了解左佢既背景，但可能琴晚無食野，我開始覺得肚餓。醫療室嘅環境仲係咁殘舊，牆壁斑駁，藥劑匱乏嘅氣息瀰漫四周，窗外遠處嘅低吼聲仲喺耳邊響。我心諗：搵啲嘢食先，唔知呢度d伙食得唔得，不過我諗都係唔方好得去邊！ 我試咗坐起身，雖然仲有啲虛，但比昨日好咗啲，於是同海瑟琳打個左招呼，推開鐵門，走咗出病房。

一出病房，見到一個同我差唔多年紀嘅細路，佢瘦瘦地，頭髮亂糟糟，著住破爛嘅衫，見到我有啲怕生咁企喺一邊。病房門口有個中年女人，佢著住破舊嘅長裙，頭髮用布條綁起，眼神嚴肅，似係負責人。佢望咗我一眼，講：「阿明，帶呢個新細路去飯堂搵嘢食，彪叔話要好好照顧佢。」阿明點咗點頭，走過來同我講：「我叫阿明，跟我去飯堂啦。」佢見到我嘅樣貌，呆咗一呆，講：「你生得好靚仔，你對藍眼好特別！」我尷尬笑咗笑，點咗點頭，跟住佢走。佢一邊行一邊講：「喺呢度要排隊搶飯，唔好同老妖嗰班人撞正，佢哋好兇，會搶你嘅嘢食。」我心諗：頂，連食飯都要搶？唔q係下話。

飯堂喺孤兒院嘅一樓，入面殘舊得似廢墟，破木桌同長凳擺得亂七八糟，地上有啲乾咗嘅湯漬同碎屑，空氣入面有股怪味，似發霉嘅嘢混咗汗臭味。飯堂入面好多細路，大多係5到12歲嘅孤兒，有男有女，無乜大人，只有幾個似義工嘅大姐姐喺度派飯同維持秩序，但都忙到四處走，顧唔到咁多。有啲男仔喺排隊搶飯，推來推去嗌：「我先！」「你走開！」有啲女仔喺爭凳子坐，一個女仔推咗另一個講：「呢個位係我嘅！」仲有啲細路喺地上爬來爬去，拎住破碗喺度搶湯，湯濺咗一地，仲有個細路拎咗碗湯跑走，被一個大男仔攔住，碗即刻跌咗，湯洒滿地，嗌聲同哭聲響成一片。我同阿明排隊，終於輪到我攞飯，一個派飯嘅大姐姐望咗我一眼，笑咗笑講：「你係新嚟嘅？生得好靚，你對藍眼好似洋娃娃咁靚！」我尷尬笑咗笑，無答佢，拎咗鐵盤，見到入面嘅早餐，我即刻頂唔順：一啲煮到乾硬嘅麵包屑，無錯，係麵包屑，即係你以前拎去餵白鴿個d, 仲要似過左期好耐，邊緣有啲發霉，聞落有股怪味；一碗雜菜湯，煮到稀爛，湯色灰灰地，浮咗一層怪異既物質，聞落有股酸臭味，似壞咗嘅嘢；仲有一啲發酸嘅罐頭肉，煮到散晒，望落好似豬餿咁，表面仲有啲怪色嘅汁。我心諗：頂你，炒個菜都無，全部嘢都係煮，煮到咁難食，點食得落？聞落都唔開胃！

我拎咗鐵盤，坐喺一邊，但真係食唔落，於是同阿明講：「我唔食啦，你幫我食la。」阿明好似好開心，話：「真係？多謝你！」佢即刻拎咗我嗰份，狼吞虎嚥咁食。我望住佢，心諗：呢啲嘢佢都食得落？末世真係太慘！

我離開飯堂，四處行咗行，想搵啲嘢食。孤兒院好大，但處處都殘破，牆壁有裂痕，地上有雜草同碎石。我行到後院嘅一個角落，見到一個隱秘嘅地方，係一個破舊嘅儲物室，門爛咗，通風良好，入面有啲舊木箱同破布，應該無人會嚟。我心諗：呢度夠隱秘，通風又好，煮嘢食應該唔會畀人發現！ 儲物室入面有張破木桌，旁邊有幾根火柴同一堆乾柴，但無鐵桶同油，煎唔到蛋。我打開淘寶介面，買咗一瓶食用油（20淘寶幣）、一個便攜式煮食爐（42淘寶幣），仲買咗一個小型吸油煙機（239淘寶幣），怕油煙味散出去畀人發現，d家電我全部揀性價比最高同埋可充電。光幕閃咗一下，手上多咗一瓶油、一個煮食爐同一個吸油煙機。我將吸油煙機放喺木桌上，插咗電源（淘寶送咗電池），一開機，吸力好強，油煙即刻吸走，儲物室入面無咗怪味。我心諗：淘寶真係好用，連吸油煙機都有！

我再喺淘寶買咗一條全麥麵包（10淘寶幣）、一盒雞蛋（5淘寶幣）、一個牛油果（10淘寶幣）、兩塊雞扒（15淘寶幣），仲買咗一杯熱奶茶（10淘寶幣）俾自己，總共用咗60淘寶幣，帳戶仲有大約7,589淘寶幣。我用便攜式煮食爐煎咗兩個蛋同兩塊雞扒，雞扒煎到金黃，散發出香噴噴嘅肉味；全麥麵包撕開一半烤咗一烤，另一半抹咗牛油果醬，煎蛋同雞扒夾喺中間，整咗個香噴噴嘅煎蛋雞扒牛油果三文治。香味散開，望落同聞落都好吸引，煎蛋金黃，雞扒多汁，牛油果醬綠油油，麵包烤到微微焦香，比飯堂嗰啲垃圾好食一萬倍。

我整咗一份三文治，望住熱氣騰騰嘅食物，突然諗起海瑟琳。佢係一型糖尿病人，成日血糖低暈倒，應該都未食早餐。我心諗：海瑟琳咁靚女，應該食啲好嘢，成日食飯堂既野，正常人都會食病，仲要幫佢補充啲營養！ 我用Google Search查咗「糖尿病人早餐」，見話要低糖高纖，例如全麥麵包、雞蛋同牛油果，剛好同我整嘅一樣，但飲品要低糖。我喺淘寶買咗一杯無糖豆漿（10淘寶幣）俾海瑟琳，總共用咗70淘寶幣，帳戶仲有7519淘寶幣。我再整多一份三文治，煎咗兩個蛋同兩塊雞扒，抹咗牛油果醬，夾成三文治，心諗：俾海瑟琳試吓，佢應該會鍾意！

整完早餐，我突然發現一個問題：點樣拎返入房？ 飯堂同走廊開始多人咗，好多細路喺度跑來跑去，有排隊搶水，有搬物資，仲有班技安咁既款喺走廊嗌來嗌去。我拎住啲食物，怕畀人見到會搶，心諗：如果畀人搶咗，咁點算？

正當我頭痛，淘寶介面突然彈出個新選項：「儲存空間」。我點咗入去，見到顯示「1x1平方米（系統免費贈送，只可存入死物），升級至2x2平方米需500淘寶幣」。我試咗將早餐同飲品放進去，光幕閃咗一下，食物即刻消失，介面顯示「已保溫及儲存」。我心諗：嘩，仲有儲存空間！咁就唔使驚畀人搶啦！ 我空手走返入病房，見到海瑟琳仲坐喺床上，望住窗外，似喺度發呆。

我喺淘寶介面拎出兩份煎蛋雞扒牛油果三文治同飲品，遞咗一份三文治同無糖豆漿俾海瑟琳，講：「海瑟琳，我整咗早餐，俾你試吓。」海瑟琳轉頭望住我，雙眼即刻發亮，嘴角上揚，露出一個好甜美嘅笑容，她的大眼睛彎成一對溫柔的月牙，閃爍著喜悅的光芒：「阿寶，你整嘅？好香！真係多謝你！」佢接過三文治同豆漿，低頭聞咗一聞，笑得更加開心，講：「望落好好食！」佢直面望住我笑嘅時候，眼神閃過一絲驚艷，好似現加先睇到我個樣咁 (大佬，我同你傾左成朝，你現加先直面望我?)。 覺得我對藍眼同淡金色捲髮好特別，佢笑咗笑，講：「你真係好靚，似洋娃娃咁，仲咁識整嘢食！」我聽完有啲尷尬，笑咗笑：「都係正常發揮，快d 趁熱食。」

海瑟琳咬咗一口三文治，閉上眼細味，講：「我從來未食過咁好食嘅早餐，多謝你，阿寶！」佢再飲咗啖無糖豆漿，講：「呢杯熱飲好香，唔甜，啱晒我！」佢邊食邊望住我，笑得好開心，眼神溫柔又感激。佢突然問：「阿寶，呢啲材料你點樣搵到？而家好難搵到咁新鮮嘅食材。」我一愣，支吾咗一陣，心諗：總唔可以話係淘寶買返來吧？ 我講：「呃……我喺醫療室附近搵到嘅，可能係其他人留低。」海瑟琳點咗點頭，笑咗笑講：「應該係彪叔搵返來嘅合成食材，佢成日話要照顧我哋，多謝你同彪叔，真係好感激佢！」我尷尬笑咗笑，無講咩，心諗：好彩佢自己腦補咗！

過左一陣，病房門突然被推開，一個大約8歲嘅女仔沖咗入來，佢瘦瘦地，頭髮烏黑但有啲亂，扎咗個小辮子，五官精緻得似洋娃娃，眼睛大而圓，睫毛長長地，皮膚白皙但有啲蒼白，帶咗一絲病態美，氣質清純又帶點倔強。佢著住破舊嘅灰色裙，裙腳有啲污漬，腳上嘅布鞋破咗個洞，露咗啲腳趾。佢一入來就直衝海瑟琳，抱住佢嘅手臂，講：「海瑟琳姐姐！我好掛住你！你無事嗎?」佢望咗望我，見到我嘅樣貌，先係有啲怕生咁縮咗縮，但隨即瞪大眼：「你係邊個？點解你對藍眼咁靚？好似洋娃娃咁！」我笑咗笑講：「我叫阿寶，你係邊個？」佢有啲害羞咁講：「我叫塞西莉亞，平時同海瑟琳姐姐一齊玩。」

塞西莉亞望住我哋手上嘅三文治，吞咗吞口水，講：「海瑟琳姐姐，你哋食緊咩？好香！」佢一臉渴望，似好想食。海瑟琳笑咗笑，講：「阿寶整嘅早餐，塞西莉亞，你想唔想試吓？」塞西莉亞點咗點頭，但望住我又有啲怕生。我見佢咁想食，心諗：呢個女仔好似好鍾意海瑟琳，應該同佢好熟，既然佢想食，就分俾佢啦！ 我將自己嗰份三文治分咗一大半俾佢，講：「塞西莉亞，俾你食，但你要保守秘密，唔可以同其他人講我有呢啲嘢食，知唔知？」塞西莉亞接過三文治，雙眼發亮，笑得好開心，講：「知！多謝阿寶哥哥！我會保守秘密！」佢咬咗一口，然後一路食一路講：「好好食！阿寶哥哥，你點解咁好？除咗海瑟琳姐姐，無人會分食物俾我，其他小朋友只會成日搶我嘅嘢食！」

我笑咗笑: 緣份掛！

海瑟琳聽到我咁講，望住我呆左一呆，好似有小小覺得呢句說話係唔應該由一個10歲既小朋友講出黎咁。

塞西莉亞食咗幾口，望住我講：「阿寶哥哥，你同海瑟琳姐姐一樣咁好！我同你講，我最鍾意同海瑟琳姐姐玩，因為佢成日同我講故事，仲會同我一齊搵嘢食！」我笑咗笑：「咁我又同你講個故事啦，話說有個細路同佢嘅姐姐一齊去搵寶藏……」塞西莉亞聽得入神，邊食邊笑，講：「阿寶哥哥，你講得好好！仲好靚仔，我好鍾意你！」我氹咗佢幾句，講：「你都好靚女，似洋娃娃咁，笑起來好似小太陽！」塞西莉亞笑得更加開心，黏咗喺我身邊，講：「阿寶哥哥，我以後可唔可以得閒就過黎揾你r?」

其實我唔係太鐘意小朋友，覺得佢地好煩同好討厭，之前亦都有同過阿欣講話如果將來結婚，一定唔要有小朋友，但當見住塞西莉亞笑得咁甜，個人又好似好乖，只係食個咁普通既早餐就笑得咁開心，望住佢我第一時間諗既就係如果我將來個女好似佢生得咁靚，份人又咁易滿足，咁其實都唔錯。

前傳第四章

過咗幾日，我喺孤兒院嘅生活開始有啲規律，但塞西莉亞真係成日黏住我，由早陪到晚，搞亂咗我hea嘅計劃。本來我諗住一個人，一早起身自己係淘寶買番杯咖啡，再整個早餐，但我係度住左幾日，都係住醫療室個間房，海瑟琳住到第二日，食埋我整俾佢既早餐先走，現加係間醫療室得我一個人住晒，唔知係咪因為太多孤兒，所以無安排到房俾我住。

真係鬧鐘都無咁準時，每到7點，佢就沖咗入病房，嗌：「阿寶哥哥！今日同我玩啦！」佢拉住我手臂，講：「同我講故事！仲要整早餐！我好肚餓！」佢嘅笑容純真又清純，似一朵初綻嘅小花，嘴角輕輕咧開，露出一對小虎牙，雙眼圓圓地，似兩顆閃亮嘅黑珍珠，滿滿童真同溫暖，俾人一種好想保護佢嘅感覺。我心諗：塞西莉亞真係好可愛，但成日黏住我有啲煩，我仲點有私人時間？同埋我都想計劃下賺多d淘寶幣。 不過望住佢似妹妹咁，我都唔忍心推開佢，笑咗笑講：「好啦，但你今日要乖啲，唔可以成日嗌！」塞西莉亞點咗點頭，笑得好開心：「阿寶哥哥最好了！」

現加我好似我多左條尾咁，塞西莉亞好鐘意痴住我。我諗一黎因為我成日整野食俾佢，二黎我願意同佢講故事同笑話，仲識氹佢開心，佢成日都話我個樣好似洋娃娃咁，又話我對藍眼好靚，笑起上黎好好睇，將來一定要嫁俾我。我都好鐘意睇住佢同海瑟琳既笑容，但佢笑起來同海瑟琳比，係幾大分別。海瑟琳笑起來真係好靚，似周海媚少女版，帶有大美人嘅氣質。佢嘅笑容好似一陣溫暖嘅春風，嘴角微微上揚，露出一排整齊嘅白牙，雙眼彎成一對溫柔嘅月牙，閃爍著喜悅嘅光芒。佢笑嘅時候，似係專屬咁對住你笑，眼神溫柔又帶點魅惑，彷彿佢嘅笑容有種魔力，燃亮咗你成個世界，連周圍嘅殘破同黑暗都即刻變得唔重要，需然我同自己講過，下一個女朋友一定要好大波，但我望住佢個樣，剩係覺得如果佢可以做我女朋友就好，身材唔勁都無乜所謂，但可惜我覺得佢好似對我無乜興趣。而塞西莉亞笑起來就完全係另一種感覺，好栢芝 feel，純真又清純，小家碧玉咁。佢嘅笑容好似一朵初綻嘅小花，嘴角輕輕咧開，露出一對小虎牙，佢對眉毛好幼好靚，雙眼又圓又大，似兩顆閃亮嘅黑珍珠，滿滿童真同溫暖。佢笑嘅時候，會有啲害羞咁低頭，之後再抬眼望住你，笑容乾淨得似一汪清泉，俾人一種好舒服嘅感覺，彷彿周圍嘅殘酷同亂世都同佢無關。

我同塞西莉亞同海瑟琳一齊食早餐時，會用淘寶整啲好嘢食俾佢哋。有日，我整咗火腿芝士三文治，買咗全麥麵包、火腿、芝士，仲買咗無糖檸檬茶俾海瑟琳，熱奶茶俾塞西莉亞同我自己，總共用咗60淘寶幣，帳戶仲有7469淘寶幣。三文治整好後，火腿同芝士嘅香味好濃，麵包烤到微微焦香，望落好吸引。塞西莉亞咬咗一口，笑得好開心，講：「阿寶哥哥，呢個三文治好正！我最鍾意芝士！」佢邊食邊望住我，講：「你點解咁識整嘢食？同我講多個故事啦！」我笑咗笑講：「好啦，以前左一座城，叫做天空之城…」塞西莉亞聽得入神，邊食邊笑，講：「hehe, 繼續講繼續講！」
海瑟琳食咗一口三文治，笑咗笑講：「阿寶，你整得真係好食，多謝你！」佢嘅笑容溫暖又帶點魅惑，似一陣春風，燃亮咗我嘅世界。我望住佢，心諗：佢真係生得好靚，但佢望住我嘅眼神溫柔又純粹，似係望住一個好鍚嘅細路，無半點情意。我心諗：佢真係當我係一個小朋友，我睇得出佢都好鐘意同我一齊，但我知道佢對我唔係望住鐘意既人個種感覺。

阿寶嘅視線從海瑟琳身上移開，專注地同塞西莉亞講故事，無意間錯過咗海瑟琳喺那一瞬間嘅變化。海瑟琳低咗低頭，佢嘅手指不自覺咁攞住三文治嘅邊緣，似係想掩飾啲咩。喺阿寶移開視線嘅一剎那，佢悄悄抬眼，偷望咗阿寶一眼，眼神中帶咗一絲靦腆，似係有啲唔好意思。佢嘅臉頰微微泛紅，似一朵初綻嘅桃花，連耳根都染咗一抹淡淡嘅粉色，喺病房昏暗嘅光線下顯得格外柔美。佢嘅心跳似係快咗一拍，連呼吸都變得有啲急促，胸口微微起伏，似係被某種情緒攪亂咗心湖。佢咬咗咬下唇，似想壓抑住那份突如其來嘅悸動，隨即深吸咗一口氣，調整咗自己嘅情緒，重新抬頭，望向阿寶同塞西莉亞。

塞西莉亞喺阿寶身邊笑得好開心，佢嘅笑容純真又無邪，似一顆剛從晨露中綻放嘅小雛菊，嘴角輕輕揚起，雙眼眯成兩條細細嘅月牙，閃爍著無憂無慮嘅光芒。佢笑得咁燦爛，似一束陽光灑喺病房嘅破舊地板上，連周圍嘅殘破都變得柔和咗起來，係海瑟琳從未見過嘅模樣。海瑟琳望住塞西莉亞，眼神溫柔得似一汪春水，似係喺佢嘅笑容中見到咗一絲久違嘅純粹。但當佢嘅視線緩緩移到阿寶身上時，佢嘅眼神閃過一絲複雜嘅情緒，開頭有不捨，之後有交戰，最後就悉懷。佢嘅嘴角微微上揚，但笑容中帶咗一絲淡淡嘅哀愁，似係喺心底裏做咗一個決定。佢嘅手指輕輕攞住三文治，掩蓋住某種情緒，低聲講：「阿寶，塞西莉亞同你一齊真係好開心，我好耐無見過佢笑得咁燦爛。」佢嘅聲音溫柔，但語氣中似藏咗一絲唔捨得嘅情緒，似係喺為某個即將到來嘅分別而感到惆悵。

又過左幾日，我整咗雞肉沙律卷，買咗全麥薄餅皮、雞胸肉、生菜、低脂沙律醬，仲買咗鮮橙汁俾海瑟琳同塞西莉亞，熱奶茶俾我自己，總共用咗60淘寶幣，帳戶仲有7409淘寶幣。我用便攜式煮食爐煎咗雞胸肉，切碎後同生菜、沙律醬一齊卷喺薄餅皮入面，望落綠油油，聞落有陣陣雞肉香。塞西莉亞拎住沙律卷，咬咗一大口，講：「阿寶哥哥，呢個好正！有菜又有肉！」佢飲咗啖鮮橙汁，講：「橙汁好甜！阿寶哥哥，你同我講多個故事啦！」我笑咗笑講：「好啦，話說以前有一班人，叫聖鬥士，為保護一個叫神戶紗織既女仔…」塞西莉亞聽得入神，邊食邊笑，講：「阿寶哥哥，你講得好正！」

海瑟琳食咗一口沙律卷，笑咗笑講：「阿寶，你整得真係好食，多謝你！」我望住佢，心諗：佢笑起來真係好靚，但佢望我嘅眼神好似真係當我係細路，無半點情意，不過唔緊要la, 其實感情既野，從來都無強求。雖然我都覺得好可惜。

我試咗同佢講啲深入啲嘅嘢，講：「海瑟琳，喺呢個亂世，你有無d乜野計劃? 例如將來點樣過好啲嘅生活？我就想要多d資源，過得無憂無慮，唔使成日驚喪屍。」海瑟琳聽完，眼神閃過一絲驚訝，「阿寶，你先10歲，點會諗咁多？喺呢度，大家都係過一日得一日，無人會諗咁遠嘅嘢。」佢停咗一停，又講：「喺C城，12-13歲拍拖好正常，因為大家覺得隨時會死，想搵個人互相依靠。同埋呢度每個月都有從政府而黎既資助，男既去到12歲開始接受基礎訓練, 15歲就要入軍營，訓練成為士兵去抵觸喪屍，同埋如果C城唔夠物資既時候，佢地都要出去揾物資，加上每年都會有幾次屍潮...」我心諗：喺香港，12-13歲仲係讀小學，點會拍拖？亂世真係好唔同！其實我前世36歲，當然會諗多啲，但佢真係當我係細路！

“喺呢個亂世，大家都好早熟”。海瑟琳仲同我講，喺C城，12-13歲巳經要自己照顧自己，15-16歲為人母好正常，統治者忙於搵物資、維修城池，保住蒸氣發電機，大把野煩。每年仲有幾次屍潮，海瑟琳講：「屍潮死人最多，通常個晚月光特別大，嗰陣喪屍好似有眼咁，專攻大城市。」佢又講，除咗C城，仲有其他城，軍人同僱傭兵會去其他城運物資，C城主要出產零件，但具體係咩零件，佢都唔清楚。佢講到屍潮時，眼神有啲暗淡，可能係諗起咗啲唔好嘅事。我心諗：亂世真係殘酷，連細路都要咁早熟！

呢幾日，我喺孤兒院四處行，開始了解多啲呢個地方嘅情況。孤兒院好多細路，大多係5到12歲嘅孤兒，有男有女，無乜大人管，成日都好亂。男仔女仔成日喺飯堂搶飯，仲會爭玩具同凳子，嗌聲同哭聲無停過。有啲細路好早熟，例如一個11歲嘅男仔，佢講：「將來我都唔知幾時死，唔使識字，識字有咩用？」我聽到之後，其實都無言以對，話佢啱又唔係，話佢唔啱又唔係。

不過海瑟琳就唔同，佢係院長個女，院長係醫生，佢性格好溫柔，身體好嘅時候會教細路寫字同算術。有一日，我見佢喺病房外嘅走廊，用一塊破木板教幾個細路寫字同計數，佢好有耐性咁講：「呢個係『水』字，畫三條線，似水流咁……」細路們圍住佢，有啲寫得唔好，佢都無發脾氣，笑住幫佢哋改。我望住佢，心諗：呢個女仔如果喺香港，真係絕咗種！又靚又心地好，將來肯定大把人追。
我原本都想學佢哋嘅字，但望住白紙上嘅字，我突然發現自己竟然識睇同寫！心諗：點解我會識？ 突然記起白衣人講過嘅恩賜，應該係佢俾咗我呢個能力。C城嘅文字似象形文，雖然同中文字唔同，但語構同生字好似，例如「水」字係三條波浪線，但句子結構同中文差唔多，唔似英文同俄文咁怪。我試咗喺地上用手指畫咗幾個字，發現自己真係識寫，心諗：白衣人呢個恩賜幾好用，唔使學都識！

喺孤兒院住咗幾日，我越黎越覺得唔自在，呢度太亂，細路成日走來走去，嗌聲同哭聲無停過，除咗塞西莉亞同海瑟琳，我對其他人興趣唔大。雖然我想透過佢哋了解多啲呢個世界，但同佢哋傾咗幾句，覺得佢哋雖然好早熟，但知識好少，講來講去都係搵食同生存，無乜新意。加上淘寶幣越用越少，我心諗：呢度生活條件太差，亦都無空間俾我揾錢同發揮，我要hea都hea唔落，點算好？

彪叔之後黎探過我一次，佢拎咗一啾乾糧同水俾我，但佢隻手包紮咗繃帶，動作有啲僵硬，似係受咗傷。佢著住嘅軍服仲有啲血跡，站姿好直，似軍人嘅感覺。我心諗：彪叔應該係軍人一類，係咪喺城外受咗傷？ 但我無講出口，只係同佢傾咗幾句，問：「彪叔，我幾時可以離開呢度？我想搬出去住，呢度太亂，無空間同自由。」彪叔望咗我一陣，無出聲，只係點咗點頭：「可能要等多一排，我有啲嘢要搞，最快都要三個月後。」我無再追問，但心裏暗暗下定決心：如果可以嘅話，我想搬出去住，點都好，總之唔想再喺呢度！

前傳第五章：殞地計劃 part 1

差唔多過左一個月，我喺孤兒院嘅生活雖然有啲規律，但真係越來越唔自在，特別係淘寶幣越用越少，我知道要開始為自己嘅將來計劃下。一朝早，我坐喺醫療室嘅破木桌上，準備思諗下有ｄ乜野要先做既時候，突然又諗起海瑟琳既笑容，我搖一搖頭，強迫自己冷靜下，然後攞咗一張紙同一枝炭筆，準備列一張清單，寫下近期要做嘅嘢。我心諗：我要開始有啲目標，其他野唔好諗住！ 醫療室嘅環境仲係咁殘舊，牆壁斑駿，藥劑匱乏嘅氣息瀰漫四周，窗外遠處嘅低吼聲仲喺耳邊響。自從海瑟琳第二日走咗之後，呢間醫療室得我一個人住晒，但佢時不時都會過黎探下我，我知道佢唔完全係為左食我煮俾佢既野，佢係真心關心我，但好可惜，係關心既裡面我揾唔到一絲男女之情，似係大姐姐關心弟弟既個種感覺。諗落都有ｄ唏噓，今世個樣咁靚仔，實以為溝死女無命賠，需然得１０歲, 但望落去細佬仔得黎都算有ｄ成熟，其實佢都唔係大我好多年，但係無辦法ｌａ，feel 既野好難講。

正當我拎住炭筆準備寫嘅時候，門口傳來熟悉嘅聲音，塞西莉亞一如既往咁沖咗入來，嗌：「阿寶哥哥！今日同我玩啦！」佢拉住我手臂，講：「同我講故事！仲要整早餐！我好肚餓呀！」佢嘅笑容純真又無邪，似一顆剛從晨露中綻放嘅小雛菊，嘴角輕輕揚起，雙眼眯成兩條細細嘅月牙，閃爍著無憂無慮嘅光芒。我心諗：塞西莉亞真係好可愛，但成日咁黏住我，我點有時間諗嘢？ 我今次恨下心，老實咁同佢講：「塞西莉亞，我有啲嘢要諗下，無時間陪你玩。不過你可以坐喺度，但唔可以嘈，知唔知？」然後我隨手係淘寶買左ｄ野，整左個早餐俾佢食，塞西莉亞食完，撅咗撅嘴，似有啲失望，但佢點咗點頭，講：「知啦，阿寶哥哥。」佢乖乖咁坐喺不遠處嘅破床邊，雙手托腮，靜靜望住我，偶爾踢咗踢腳，發出細微嘅聲音，似係想提醒我佢仲喺度。我笑咗笑，心諗：呢個小妹妹真係好可愛，但我要為自己嘅將來諗多啲！

我攞住炭筆，開始喺紙上寫清單，諗住近期要做嘅嘢：

願景：將來可以無憂無慮咁生活落去，間中溝下女，每日做自己鐘意做嘅嘢

目標：要生存先，再搵好多好多淘寶幣同錢
第一項：生存同自保能力
喺呢個亂世，生存係最重要嘅事，但我要先有自保能力。我打開淘寶介面，搜咗「武器」，見到好多選項，但一睇價錢，真係貴到離譜。有一把日本武士刀，望落好型，但要5000淘寶幣，性價比超低，我心諗：我從來都無用過武士刀，我10歲嘅身體拎得起咩？ 仲有警棍同雙刀，警棍要1000淘寶幣，雙刀要3000淘寶幣，但都唔啱用，警棍其實好好，但價錢有啲貴，仲要唔太識用，有錢時可以再買，雙刀太重，我用唔慣。睇咗一陣，我終於睇中咗一個金屬指虎，原價30淘寶幣，特價15淘寶幣，平到傻！我心諗：指虎細細個，打近身應該夠用，15淘寶幣，買咗先！ 我點咗「購買」，光幕閃咗一下，手上多咗一對金屬指虎，冷冰冰嘅，握喺手裏有啲份量，我試咗戴喺手上，覺得幾好用。帳戶仲有7394淘寶幣。

第二項：學自衛術
喺亂世，治安差到爆，我一定要識自衛術。我再喺淘寶搜咗「自衛術」，本來諗住有無啲影片可以買來睇，最好係MMA，如果無，泰拳或者西洋拳都得。但睇咗一陣，我見到一個發光選項，寫住「白衣人嘅饋贈」。我點咗入去，見到一堆選項，睇完真係哭笑不得。第一個選項：只要50萬淘寶幣，就可以即刻成為李小龍，注解話「李小龍嘅所有功夫武術技巧連同身體素質會即刻注入大腦，無需由零開始練，只需每日花一個鐘練習保持狀態就得」。第二個選項：75萬淘寶幣融合朝倉未來嘅武技。第三個：泰森，200萬淘寶幣。第四個：MMA冠軍Conor McGregor，300萬淘寶幣。我心諗：頂你個肺，白衣人你知唔知乜叫饋贈？饋贈即係唔使錢！我而家得7394淘寶幣，點買李小龍？

我忍住吐槽，滑到最底，終於見到一個我買得起嘅選項：一對一真人教授MMA，寫住「MMA師父會穿越時空教你，學嘅時候只需到無人嘅地方，按下系統嘅『開始訓練』，師父會即刻出現教你。師父只有你見到，對呢個世界無其他功能，可同你對招」。原價3萬淘寶幣，現時超級大特價1,000。我心諗：1,000淘寶幣一啲都唔貴，但對而家嘅我嚟講，真係唔係小數目。 我咬咗咬牙，點咗「購買」，光幕閃咗一下，系統提示「已解鎖MMA訓練」，帳戶仲有6394淘寶幣。我心諗：有咗呢個，以後可以學啲真功夫，喺亂世生存就多咗保障！

第三項：盡快離開孤兒院搵淘寶幣
我一定要盡快離開呢度，搵多啲淘寶幣，如果唔係越遲越危險，但我應該去邊到?點樣去?幾時去? 我完全無答案。不過我有種預感，C城總有一日守唔住。我聽到孤兒院嘅大姐姐講，城外最近喪屍活動多咗，屍潮可能會提早來。我心諗：到時點算？ 仲有，其實海瑟琳嘅處境好危險，喺呢個嚴重缺乏醫療藥品嘅時代，患有一型糖尿病其實同等死無分別，雖然佢對我無情意，但我真係好唔忍心見住一個咁靚心地咁好嘅女仔就咁死咗 (應該咁講，我唔忍心見住我鐘意既女仔死係我面前)。人就係咁奇怪，我以前睇IG、Facebook一定係睇大波妹，幾靚女都好，個波唔夠大我係唔會睇，同埋我從來都唔鐘意睇唔夠秤嘅女仔，我無呢方面癖好。我同自己講過，同阿欣分手後一定要搵一個好大波嘅女仔做女友，最小都要有34E，最理想當然係36F GHJKLMN，總之越大越好，但海瑟琳唔知係未發育定點，佢應該係平A，但每次見到佢我都好開心，佢笑起來好似融化咗我個心咁。不過都唔緊要啦，兩世為人，我知道有好多嘢都無得強求，不如順其自然啦。

番黎現實，情情塔塔嘅嘢都唔好諗住，現時第一步，我要用淘寶技能武裝自己，之後出外面探索，搵方法賺淘寶幣。但外面個世界係點，我未見過，呢方面嘅認知我好缺乏，如果我下次見到彪叔，我再問下佢有無啲咩方法解決。

打鬥事件
正當我重新思考下，睇下有無啲咩需要嘅時候，我聽到門口外邊有打鬥聲，我即刻打開門睇，見到一個肥仔，大約11-12歲，喺度打緊阿明，似係搶咗佢嘅嘢。阿明被壓喺地上，掙扎咁講：「d 野係我ga，你還俾我！」肥仔一腳踢咗過去，講：「你啲乾糧而家係我嘅！唔服氣就再打！」我望咗望肥仔，佢滿臉油光，雙眼細小但兇狠，著住破舊嘅背心，露出肥厚嘅手臂，上面有啲瘀青同疤痕，似係成日打架留低嘅痕跡。佢站姿霸氣，手指指點點，似一個小霸王。

塞西莉亞企喺我後面，佢好驚咁望住個肥仔，拉住我講：「阿寶哥哥，我哋快啲走啦！佢叫老妖，好惡，成日蝦人！」我望咗望佢，本來諗住事不關己，走咗好過，但老妖見到我，講：「喂，新嚟嘅靚仔，生得咁白淨，你俾左保護費未？唔俾就打到你阿媽都唔認得！」佢嘅語氣帶點嘲笑同兇狠，似係想挑釁我。我見到老妖後面仲有一班細佬跟住佢，大約7-8個，著住破爛衫，有啲瘦弱，有啲高大，但都係11-12歲，滿臉兇狠，似係老妖嘅跟班。我心諗：如果我現加走，拖住塞西莉亞一定走唔甩，咁唯有擒賊先擒王，唔打低老妖，以後佢見我一鑊打我一鑊！ 我同老妖講：「有種單挑！」老妖冷笑咗一聲，講：「好！試下你有幾多斤兩！」

我同老妖單挑，好彩我仲記得西洋拳嘅步法同拳擊技巧，一開始我就壓住佢打，我用步法圍住佢走，左閃右避，試探佢嘅防線，不停出刺拳試下佢反應，睇下有乜空間可以入佢。老妖雖然肥，但唔係無腦向前衝嘅類型，可能佢太肥，太多脂肪，又或者我呢個10歲嘅身體太弱，打中佢佢都無乜感覺。加上佢識擋，打唔中要害，佢用拳又用腳，我避開咗幾次，但咁打落去我好蝕底，因為我唔識用腳，仲有體重佢至少重我1.5倍以上。如果唔好彩食佢一o野，我即刻收皮。我配合步法，先向前兩個刺拳打佢面門，佢用雙手向上擋，我見到佢下面有空位，即刻一個近身，左勾拳打佢左邊肋骨下肝臟位置，佢痛得彎咗腰，我再一個右直拳打佢面門，對住佢個鼻打，佢即刻痛到跪低，爆晒鼻血，嗌咗一聲：「好痛！」

老妖嘅細佬見到大佬受傷，先係呆咗一呆，跟住唔知邊個細佬大叫：「為大佬報仇！」7-8個細佬即刻圍住我打。我心諗：一個人點對7-8個？真係葉問咩？ 我唯有擋同閃，個時我諗起我最鐘意嘅拳手Floyd Mayweather，佢用嘅Philly Shell防守技巧獨步武林，我好勉強咁保住要害，再用步法不停閃避，但都食咗幾拳幾腳，個身有啲痛，仲好似扭咗腳踝。突然，一個瘦高嘅細佬，滿臉雀斑，笑得兇狠，講：「呢個細女好似好驚，捉佢來玩下先！」佢伸手想拉塞西莉亞嘅小辮子，塞西莉亞驚到尖叫，講：「阿寶哥哥救我！」我見到呢一幕，我好嬲好嬲，突然，我覺得個心好似有啲嘢爆發咗咁，我剩係記得個身好熱好熱，熱到隻眼好似識噴火咁，由個心到四肢都好似充滿力量咁，然後… 我斷咗片。

唔知過咗幾耐，我慢慢有番啲意識，醒番時只見塞西莉亞一個人坐喺我隔離，不停喊，雙手搖住我，講：「阿寶哥哥，你終於醒咗！我好驚！我以為你同佢哋一齊死咗！」我掙扎咗下坐起身，頭仲有啲暈，望咗望四周，見到除咗我同塞西莉亞，7-8個細佬同老妖都瞓咗喺地上。老妖鼻血流咗一地，暈咗過去，佢班細佬有啲鼻青臉腫，有啲抱住手臂喊痛，似係被我一陣亂拳打倒。我檢查咗下自己同塞西莉亞，發現無大礙，我手臂同腳踝有啲瘀青，腳踝扭傷咗，走路有啲痛，但無大傷。塞西莉亞嘅小辮子亂咗，臉上有啲灰，但無傷，佢見我醒咗，撲過來抱住我，喊住講：「阿寶哥哥，你好勁！佢哋全部瞓咗！但我好驚你會有事！」

前傳第五章：殞地計劃 part 2

我摸咗摸佢嘅頭，講：「唔使驚，我無事。」但我心裏好亂，心諗：我點樣打贏咁多人？ 我試回想剛才嘅事，但只記得塞西莉亞被欺負時，我個心突然好似爆發咗一股力量，之後就斷片。我望住自己雙手，上面充滿血跡，似係老妖同佢班細佬嘅，我心諗：係咪白衣人嘅饋贈喺危機時俾咗我啲力量？但我點解會斷片？ 但我又隠約覺得應該唔係佢既恩賜黎，同埋我現加諗番，有一件事我有d在意，就係我穿越黎到呢個世界之後，仲記得身邊有急救聲，但點解當我醒番既時候身體好似完全乜野事都無? 記得我第一次見到彪叔，我問佢點解我會係醫院，但佢無答我… 彪叔對我咁好，但佢點解乜都唔講？我同佢到底係咩關係？一定係有事發生左係我身上，呢股力量又係邊度黎，心裏有啲不安，但同時覺得自己多咗一層保障。

塞西莉亞擦咗擦眼淚，講：「阿寶哥哥，你好勁！但老妖佢哋好惡，你要小心，佢哋可能會報仇！」我點咗點頭，講：「我會小心，你都唔可以同其他人講今日嘅事，知唔知？」塞西莉亞點咗點頭，講：「知！我會保守秘密！」我望住佢，心諗：喺亂世，連細路都要面對咁多危險，我要快啲變強，保護自己！

我扶住腳踝，慢慢企起身，塞西莉亞攙扶住我，講：「阿寶哥哥，我幫你返醫療室，你要休息！」我笑咗笑，講：「好，多謝你，塞西莉亞。」我心裏暗暗下定決心：我要加快計劃，學好MMA，離開呢度，搵多啲淘寶幣，唔可以再等！

前傳第六章 - part 1

下午，陽光從破窗透入，照喺醫療室嘅破木桌上，桌上嘅藥瓶空咗，散發出一陣藥味，窗外嘅低吼聲好似比之前更近。我坐喺破床上，手臂同腳踝嘅瘀青仲有啲痛，腳踝扭傷咗，走路有啲跛。塞西莉亞坐喺我旁邊，雙手托腮，講：「阿寶哥哥，我好悶呀？不如陣間出去玩la」

門口傳來一陣輕微嘅腳步聲，海瑟琳推門入來，佢穿住一件破舊嘅白色長裙，頭髮用布條綁起，望落溫柔又帶點疲憊。佢一見到我手臂同腳踝嘅瘀傷，眼神閃過一絲驚慌，聲音微微顫抖咁講：「阿寶，你點會有咁多瘀傷？發生咗咩事？」佢快步走過來，手輕輕攞住我手臂，似係想檢查傷勢，但又怕弄痛我。我有啲尷尬，唔想佢擔心，講：「無大礙，係同老妖佢哋打咗一場。」

塞西莉亞喺旁邊即刻講：「阿寶哥哥好勁！佢一個打咗好多個！」佢講得手舞足蹈，雙眼閃亮，似係講一個英雄故事，繼續講：「今日老妖同佢班細佬喺外邊打阿明，搶咗阿明嘅乾糧，阿寶哥哥同老妖單挑，佢一拳打中老妖個鼻，老妖爆晒鼻血！但之後老妖班細佬一齊打阿寶哥哥，有個細佬想捉我，阿寶哥哥突然好似變咗另一個人咁，佢一個打晒佢哋！」佢講到呢度，雙手拍咗拍掌，似係好崇拜我。

海瑟琳聽完，眉頭緊皺，雙手不自覺攞緊裙角，講：「阿寶，你點會同老妖打架？佢好惡，成日蝦人，你同佢打好危險！」佢望住我嘅瘀傷，眼神閃過一絲不忍，但隨即掩蓋住。我：「我都唔知點解會打贏，當時我好驚塞西莉亞有事。」海瑟琳聽到我無大礙，眉頭終於鬆開，嘴角微微上揚，露出一絲安心嘅笑容，講：「你無事就好，但下次唔好咁衝動，老妖佢哋好記仇。」佢嘅聲音溫柔，似一股暖流，每當我望住佢，好似其他野都唔再重要。

塞西莉亞坐喺床邊，雙腳晃來晃去，嘟咗嘟嘴，講：「阿寶哥哥，我好悶呀！同我講個故事啦！」海瑟琳喺塞西莉亞旁邊，見佢頭髮亂咗，輕輕拆開佢亂咗嘅小辮子，用手指慢慢梳理，動作溫柔得似喺呵護一件珍寶，講：「塞西莉亞，你頭髮亂晒，姐姐幫你重新紮過。」塞西莉亞點咗點頭，笑咗笑，講：「好！阿寶哥哥，你講故事啦！」

我望咗望塞西莉亞，又望咗望海瑟琳，心裏突然有啲悸動，決定講一個好特別嘅故事。我清咗清喉嚨，講：「好啦，話說有一個人，從一個叫2046嘅地方坐火車番來，從來都無人可以從2046個度番黎，木村係第一個，好多人唔明點解木村要從2046個度番黎，因為係個度，乜野都唔會變，所有最美好既野都唔會變。有一日，火車長又再一次問佢，木村無答，但火車長見到佢既眼神好寂寞，同佢講，呢度有好多機械人，為人類提供各方面需求，但你千祈唔好愛上呢度既機械人，木村笑一笑，話: 邊有人會愛上機械人，火車長只係一笑置之。到後來，佢喺火車途中，遇上咗一個機械人，個機械人好靚，好溫柔，由其是笑起上黎個時好靚好靚。」我一路講，聲音不自覺放低咗，眼神時不時望向海瑟琳，似係想喺佢眼中揾到一絲回應。海瑟琳似好用心聽緊，佢嘅手指輕輕梳理塞西莉亞嘅頭髮，偶爾抬眼望我，眼神溫柔但帶點距離，似係專注喺故事同塞西莉亞嘅頭髮上。

我繼續講：「個男人同機械人一齊坐咗好耐，慢慢覺得佢好特別，雖然佢好遲鈍，但佢嘅存在似係俾咗溫暖在佢內心，從此佢唔再感覺到寂寞。」

係呢一刻，其實我諗番，黎到呢度差唔多一段時間，我時不時都會掛住以前既人同事，需然我以前住既香港，巳經無可能番番去，但始終都係我出生既地方，我曾經愛過既女人，亦巳經成為其他人既女人，我真係覺得自己好似木村咁，由2046個度離開，個度既事物，永遠都唔會變，因為就算變左，我都唔會再有機會知道。而我係呢架火車上面，海瑟琳係我遇到既第一個俾到我溫暖既人，可惜佢係一個機械人，而我唔知佢係咪真係遲頓左，定係由頭到尾都無當過我係佢既選項。

我繼續講: 「喺火車嘅星光下，個男人終於明白，佢愛上咗個遲鈍嘅機械人，但佢知道，機械人可能永遠都唔會明白佢嘅心意……」講到呢度，我嘅聲音低咗一啲，眼神不自覺停喺海瑟琳身上。

海瑟琳依然面帶笑容，專注咁幫塞西莉亞紮好一個小辮子，佢嘅手指輕柔地穿過塞西莉亞烏黑嘅頭髮，動作熟練而溫柔，似係呵護一件珍貴嘅寶物。佢嘅嘴角微微上揚，笑容溫暖得似一縷春風，但當阿寶嘅聲音低低傳來，講到「愛上咗個遲鈍嘅機械人」時，佢嘅手指微微一僵，似係喺半空中停頓咗一瞬，連呼吸都似輕輕一滯。佢嘅耳根悄然染上咗一抹淡淡嘅粉色，喺病房昏暗嘅光線下顯得格外柔美，似一朵初綻嘅桃花，卻又帶點難以言喻嘅羞澀。佢隨即低咗低頭，長長嘅睫毛垂下，掩蓋住眼底一絲複雜嘅情緒，佢嘅嘴角微微抽動咗一下，似係想繼續保持笑容，但那抹笑意有點刻意，又似比剛才淡咗一絲。

佢嘅手指繼續梳理塞西莉亞嘅頭髮，但動作似比之前慢咗一拍，佢嘅指尖輕輕顫抖咗一下，似係喺用呢個動作掩蓋住心底泛起嘅波瀾。佢望住塞西莉亞嘅眼神溫柔得似一汪春水，卻又帶咗一絲難以察覺嘅哀傷，似係喺心底裏再次做咗一個決定。佢知道自己嘅病根本無得醫，時日無多，佢唔想阿寶喺將來因為佢嘅離去而傷心，更唔想佢嘅溫柔同笑聲成為阿寶心頭嘅一道傷痕。佢視塞西莉亞為親細妹，佢好想塞西莉亞將來能得到幸福，能喺呢個殘酷嘅亂世中找到一絲溫暖嘅依靠。佢嘅手指輕輕攞住塞西莉亞嘅小辮子，將辮子紮好，似係用呢個動作將自己嘅情感深深壓下，佢嘅呼吸略為急促咗一瞬，隨即又平復下來，似係喺心底裏同阿寶講：可能個機械人知道自己終有一日會慢慢停低，唔再識郁。佢唔想你為佢留下眼淚，只想將自己最好既笑容，係你回憶裡面一路陪住你，願你帶住佢曾經嘅笑聲，係亂世裡面走過每一個明天。

講完故事，我望住海瑟琳同塞西莉亞，心裏一陣酸楚。海瑟琳嘅溫柔同沉默係我心頭留咗一道痕跡，我知道佢聽得出我喺故事入面想講啲咩，但佢嘅沉默同低頭讓我明白，佢唔會畀我任何回應。我嘅心似沉咗落去，但亦都明白，可能個機械人唔係遲頓左，係從來都無愛過你。

塞西莉亞聽完故事，雙手攞住自己嘅小辮子，講：「阿寶哥哥，機械人點解唔明白感情？佢唔鍾意個男仔咩？」我笑咗笑，講：「機械人諗乜野，其實無人知，但個男人好珍惜同佢一齊嘅時光。」海瑟琳低咗低頭，繼續幫塞西莉亞紮好另一條小辮子，講：「塞西莉亞，我地差唔多要走la, 今日要上堂！」佢嘅聲音溫柔，但好似裡面有決絕既情緒。佢同塞西莉亞起身，講：「我哋返房先，阿寶，你要好好休息。」我點咗點頭，望住佢嘅背影，我有d失落。

過咗幾日，我嘅腳踝傷好咗啲，雖然仲有啲痛，但已經可以正常走路。我知道係時候開始我嘅訓練計劃，喺呢個亂世，無力量就只能被人蝦霸，我唔想再畀老妖同佢班細佬威脅，更唔想見到海瑟琳同塞西莉亞有危險。我攞咗淘寶介面，望住之前買咗嘅「一對一真人教授MMA」選項，心裏一陣激動。我心諗：要現加就開始訓練。

三個月嘅時間過得似飛咁快，我日日都喺孤兒院後院嘅儲物室訓練，嗰度係我之前用來整食物嘅地方，隱秘又通風，係一個好嘅訓練場地。每日一早，我會喺儲物室按下淘寶介面嘅「開始訓練」按鈕，光幕閃咗一下，一個滿身肌肉嘅MMA師父穿越時空出現，佢穿住黑色緊身衫，滿臉鬍渣，講話硬朗，講：「細路，你有西洋拳底，等我同你 warn up 下先，跟住要教你出腳，由其是低掃！」

師父教咗我好多基本技巧，但係以腳為主，拳為副，寢技都有教但唔多，因為MMA係一門綜合格鬥，要每一樣都識，但係亂世有d唔同，因為寢技只係可以對付人，同埋會消耗大量體力，無理由用寢技打喪屍, 但用腳可以踢開喪屍，但最重要係學點用好低掃先，跟住抗打能力同埋操體能。

其實我唔太鐘意用腳，我記得係前世，點解我參加鐘搞既西洋拳比賽，一黎因為覺得好型，二黎想比d目標自己，同埋將來如果有機會去外國移居都可以保護自己，但呢個師父開頭只係教我低掃，拉筋，然後再低掃，拉筋。我成日都俾佢鬧: 要髖部旋轉、蹬地發力。因為我真係好唔慣用腳，練得好辛苦。仲有，低掃每邊腳都要訓練，啱啱練個時每邊腳50次，分組進行，練到攰就休息一陣，之後再低掃。後尾師父要我係淘寶買左個沙包，價錢幾多我都唔記得左，總之都係幾十蚊，師父話咁樣可以加強對腳既硬度，低掃係我練得最多既技巧, 我只係記得係呢三個月裡面，不停係咁右腳低掃完到左腳，之後又到番右腳。寢技西洋拳每日都會練，但無低掃咁多，我問師父，點解要練咁多低掃?

師父話我有西洋拳基礎，步法同反應都唔錯，但喺末世單靠拳擊唔夠，喪屍近身太危險，要學踢技拉開距離。佢教咗我低掃踢，話可以用來踢喪屍小腿，減慢佢哋嘅行動。我慣用右手，喺正架站姿下，左腳放前，右腳放後，右腳發力踢出嘅低掃會更有力，但師父亦講，左右腳都要練熟，唔可以只靠一邊腳，否則喪屍群或人類會好容易捉住我嘅弱點。佢仲話右腳低掃要練到有力，可以踢斷喪屍嘅腿，左腳低掃要練到快，可以用來試探同反擊。

我10歲嘅身體好快就無力，隻腳酸到抬唔起， 「比我抖抖先，我無氣la」師父冷笑咗一聲，講：「練唔落都要繼續練，喺戰場上，無人會等你！」我咬牙堅持，心裏成日諗：呢段係過渡時間黎姐，好快會過去，到時我練好格鬥技巧，起碼可以保護好自己先。

除咗MMA技巧，我仲日日跳繩練體能。我喺淘寶買咗條跳繩，日日喺後院跳到滿頭大汗，腳踝傷好咗後，體能慢慢好轉，跳繩嘅次數由一開始嘅100下，練到而家可以連跳500下。我仲成日食高蛋白食物，喺C城，高蛋白食物好難搵，孤兒院嘅細路成日食乾糧同雜菜湯，我用淘寶買咗雞胸肉（20淘寶幣一斤）同蛋白粉（100淘寶幣一罐），要偷偷喺儲物室整，怕畀人發現。我用便攜式煮食爐煎雞胸肉，食咗再飲蛋白粉，雖然味道唔係特別好，但為咗變強，我都要忍。

前傳第六章 - part 2

三個月後，我嘅線條越黎越壯實，同埋好似高左。我原本瘦弱嘅手臂開始有咗啲肌肉線條，肩膀似闊咗一啲，身高高咗一兩吋，望落比之前結實咗，連走路嘅姿勢都似有力咗啲。我望住儲物室破舊嘅鏡子，心裏有啲滿足，心諗：雖然仲有好長嘅路要行，但至少我而家唔係之前嗰個弱雞！

末世環境同資源
喺C城，資源匱乏到一個點，除咗特殊人員（例如統治者同軍人），無人可以沖涼，連自來水都係奢侈品。我訓練完滿身汗，只能用儲咗嘅雨水同一條破布擦身，有時頂唔順都會係淘寶買水，勉強抹去汗水同灰塵，但成日都覺得有陣怪味。刷牙就更加麻煩，C城無牙膏牙刷，我喺淘寶買咗牙膏牙刷牙線，然後早晚都刷，因為呢度無牙醫睇，你隻牙有事都唔知點搞。

我原本得一件衫，訓練後成日滿身汗，喺C城乾燥嘅天氣下，衫好快乾。我用儲咗嘅雨水洗衫，但雨水好少，孤兒院嘅水桶成日都係空嘅，要等下雨先有水用。我喺淘寶買咗幾件短衣，20淘寶幣一件，訓練時著，薄料容易清洗，乾得再快啲。我仲買咗兩套新衣俾海瑟琳同塞西莉亞，係簡單嘅短袖衫同長褲，耐穿又易洗。佢哋收到新衣時好開心，塞西莉亞攞住新衫講：「阿寶哥哥，呢套衫好靚！我鍾意！」海瑟琳笑咗笑，講：「多謝你，阿寶，呢套衫好實用。」

講到清潔，喺C城，連刷牙都係一個挑戰。海瑟琳同塞西莉亞平時用木炭粉刷牙，係孤兒院大姐姐教嘅，用手指蘸啲木炭粉抹喺牙上，清潔牙齒，但佢哋成日講牙有陣怪味，塞西莉亞仲試過撅嘴講：「點解成日有怪味？我唔想笑起來畀人話臭！」我見佢哋咁辛苦，喺淘寶買咗兩罐乾刷牙粉（30淘寶幣一罐）、兩支牙刷（10淘寶幣一支）、兩支牙膏（20淘寶幣一支）同牙線（10淘寶幣一盒），一共花咗100淘寶幣，俾咗佢哋用。

我攞出牙刷同牙膏，遞俾海瑟琳同塞西莉亞，講：「試下用呢啲，應該比木炭粉好用。」塞西莉亞即刻攞過一支牙刷，雙眼閃亮，講：「阿寶哥哥，呢個係咩？好似好得意！」海瑟琳笑咗笑，接過牙刷同牙膏，溫柔咁講：「呢個係牙刷同牙膏，喺末世之前好多人用來刷牙。阿寶，多謝你，真係好貼心。」佢嘅聲音溫柔，眼神帶點感激，望住我時似多咗一絲柔情同感激。

我喺醫療室角落拎咗一個破舊嘅水桶，裏面係儲咗幾日嘅雨水，同埋我時不時都係淘寶度買水，講：「喺C城無自來水，我哋用雨水刷牙啦。」塞西莉亞點咗點頭，攞住牙刷同牙膏，學住海瑟琳嘅樣子擠咗一啲牙膏喺牙刷上，但佢唔慣用牙刷，刷得亂七八糟，牙膏泡沫仲沾咗喺佢嘴角，望落好似一隻小花貓。海瑟琳忍唔住笑咗出聲，攞住一條破布幫佢抹咗抹嘴角，講：「傻女，唔係咁刷，姐姐教你。」佢溫柔咁攞住塞西莉亞嘅小手，教佢點樣上下刷牙，動作好有耐性，似一個大姐姐喺教細妹。

我喺旁邊望住，忍唔住笑咗出聲，講：「塞西莉亞，你刷牙似係喺畫畫咁！」塞西莉亞嘟咗嘟嘴，講：「阿寶哥哥，你唔好笑我！我第一次用牙刷嘛！」佢刷咗幾下，終於刷得似模似樣，吐咗啖水，笑得好開心，講：「阿寶哥哥，呢個牙膏好香！唔再有怪味啦！」佢笑起來嘅樣子好似一朵初綻嘅小花，純真又可愛。

海瑟琳刷完牙，用水漱咗漱口，望住我，眼神溫柔咁講：「阿寶，真係多謝你。喺C城，連刷牙都係一個挑戰，無咗怪味，我同塞西莉亞都可以笑得更開心，幫我多謝彪叔。」佢講到呢度，嘴角嘅笑容似比之前更暖，似係喺末世嘅殘酷中找到咗一絲溫暖。佢攞咗牙線，試咗試，講：「呢個牙線好好，牙縫清潔咗，感覺舒服好多。」

塞西莉亞見海瑟琳用牙線，攞咗一條牙線，學住佢嘅樣子試咗試，但佢唔識用，牙線纏喺手指上，變成一個小結，佢撅嘴講：「阿寶哥哥，呢個點用呀？」我笑咗笑，走過去幫佢解開牙線，教佢點樣喺牙縫間拉動，講：「慢慢拉，唔使太大力，牙線可以清潔牙刷刷唔到嘅地方。」塞西莉亞試咗幾下，終於學識咗，笑咗笑，講：「阿寶哥哥，你點解咁好？成日幫我同姐姐！」佢講到呢度，撲過來抱咗我一下，頭靠喺我手臂上，撒嬌咁講：「你係我最好嘅哥哥！」

海瑟琳望住我同塞西莉亞，笑咗笑，講：「阿寶，你真係好似一個大哥哥咁，成日照顧我同塞西莉亞。多謝你。」佢嘅聲音溫柔，眼神似有啲閃爍，我望住佢，心裏一陣暖，覺得喺亂世中能俾佢哋一絲快樂，係我最大嘅動力。我心諗：如果唔係要揾淘寶幣同埋屍潮就黎到，其實留係度都唔錯。