台北、首爾、曼谷小弟都去過，三個都唔係咩冷門地方，但一條友去黎講都真係見到啲分別。
台北：最大優點係語言無障礙，交通方便，完全唔Plan都唔會出事。但近年真係悶咗好多，冇乜刺激感，行夜市仲要見證住通脹，實現唔到牛肉麵自由。
首爾：一個玩Vibe嘅氣氛型地方，食得靚影得靚，但一個人玩硬係有種格格不入嘅感覺，加上啲景點密集得滯，好似永遠趕緊schedule打卡。重點係成日撞到香港人，冇乜「離開香港」嘅感覺。
曼谷：年頭去，印象最fresh。老實講去之前係抱住防騙視伏嘅心態，點知反而最chill，行街冇人Sell你，食飯冇人催你，搭Grab叫完就有車到，Cafe坐兩個鐘無人趕，杯啡仲好飲過香港啲美式連鎖。
成件事係我撞彩定大鄉里？定其實曼谷自由行真係 underrated？ 好多trip plan咗未去，想知再講。同時都想聽下Ching們嘅one-man trip排行榜，睇下有冇啲地方我miss左
